കളിക്കിടയിലെ തര്ക്കത്തിനിടെ ഫുട്ബോള് താരത്തിന്റെ ജനനേന്ദ്രിയം കടിച്ചു പറിച്ചു
ഫ്രഞ്ച് അമേച്വര് ലീഗില് ഫ്രാന്സിലെ നോര്ത്ത് ഈസ്റ്റ് പ്രവിശ്യാ ടീമുകളായ ടെര്വില്ലെ യൂത്തും സോട്രിച്ച് അക്കാദമിയും തമ്മില് നടന്ന മത്സരത്തിനിടയിലെ തര്ക്കം ചെന്നവസാനിച്ചത് പരിധി കടന്നുള്ള മൃഗീയ ആക്രമണത്തിലായിരുന്നു. വാശിയും ദേഷ്യവും മൂത്ത് ഒരു കളിക്കാരന് എതിര് ടീമിലെ കളിക്കാരന്റെ ജനനേന്ദ്രിയം കടിച്ചു പരിക്കേല്പ്പിച്ചു.
ഗുരുതരമായി പരിക്കേറ്റതിനെ തുടര്ന്ന് ഇയാള്ക്ക് പത്ത് തുന്നലുകളാണ് വേണ്ടി വന്നത്. മത്സരത്തിനിടയിലാണ് ഇരുവരും തമ്മിലുള്ള പ്രശ്നങ്ങളുടെ തുടക്കം. കളിക്കിടെ ഇരുവരും പരസ്പരം തര്ക്കമുണ്ടായെങ്കിലും റഫറി ഇരുവര്ക്കും താക്കീത് നല്കി കളിയില് തുടരാന് അനുവദിക്കുകയായിരുന്നു. ഇരു ടീമുകളും ഒരോ ഗോളുകള് നേടിയതോടെ മത്സരം സമനിലയില് അവസാനിക്കുകയും ചെയ്തു.
പിന്നീട് ഇരുവരും കാര് പാര്ക്കിങ്ങില് വെച്ചു വീണ്ടും തര്ക്കം തുടര്ന്നു. ഏറ്റുമുട്ടലിനൊടുവില് സോട്രിച്ച് ടീമിലെ കളിക്കാരന് ടെല്വില്ലെ ടീമംഗത്തിന്റെ ജനനേന്ദ്രിയം കടിച്ച് പറിക്കുകയും ചെയ്തു. ഗുരുതരമായി പരിക്കേറ്റതിനെ തുടര്ന്ന് ഫുട്ബോള് താരത്തെ ആശുപത്രിയില് പ്രവേശിപ്പിക്കുകയായിരുന്നു.
കഴിഞ്ഞ നവംബര് 17ന് നടന്ന സംഭവം 'ലാ റിപ്പബ്ലിക്കന് ലോറിയോണ്' എന്ന പത്രം ഇപ്പോഴാണ് പുറത്തു വിട്ടത്. അപൂര്വങ്ങളില് അത്യപൂര്വമായ സംഭവത്തില് പങ്കാളികളായ രണ്ടു പേരേയും ശിക്ഷിച്ചതായി മൊസെ ജില്ലാ ഭരണാധികാരി ഇമ്മാനുവേല് സെലിംഗ് അറിയിച്ചു.
ജനനേന്ദ്രിയത്തിന് പരിക്കേല്പ്പിച്ചയാള്ക്ക് ശിക്ഷയായി അഞ്ച് വര്ഷത്തേക്ക് കളി വിലക്ക് ഏര്പ്പെടുത്തി. പരിക്കേറ്റ് ചികിത്സയില് കഴിയുന്ന കളിക്കാരനെ സംഘര്ഷത്തില് പങ്കാളിയായ കുറ്റത്തിന് ആറ് മാസത്തേക്ക് കളിക്കുന്നതില് നിന്ന് വിലക്കിയിട്ടുണ്ട്. കൂടാതെ കളിക്കാരുടെ സുരക്ഷ ഉറപ്പാക്കാത്തതിന് ടെര്വില്ലെ ടീമിന് ശിക്ഷയായി രണ്ടു പോയിന്റ് കുറക്കുകയും 200 യുറോ പിഴയിടുകയും ചെയ്തു. സമനിലയിലായ ഇവരുടെ അടുത്ത മത്സരം മെയ് 17ന് നടക്കും.
https://www.facebook.com/Malayalivartha
