മരിച്ച കുഞ്ഞിനെ ജീവിതത്തിലേക്ക് തിരിച്ചെത്തിച്ച അമ്മയുടെ സ്‌നേഹം. വര്‍ഷങ്ങളുടെ കാത്തിരിപ്പിനൊടുവിലാണ് ഓസ്‌ട്രേലിയക്കാരി കെയ്റ്റ് ഗര്‍ഭം ധരിച്ചത്. ഇരട്ടക്കുട്ടികളാണ് ഉദരത്തില്‍ വളരുന്നതെന്ന് അറിഞ്ഞപ്പോള്‍ അത് കെയ്റ്റിനു ഭര്‍ത്താവ് ഡേവിഡിനും ഇരട്ടി സന്തോഷവുമായി. ആറു മാസം പിന്നിട്ടപ്പോഴേക്കും മാസം തികയാത്ത പ്രസവത്തിലൂടെ ഇരട്ടകള്‍ പിറന്നെങ്കിലും ഒരു കുഞ്ഞിന്റെ ശ്വാസം നിലച്ചിരിക്കുന്നുവെന്ന് ഡോക്ടര്‍മാര്‍ അറിയിച്ചപ്പോള്‍ കെയ്റ്റിന്റെ ഹൃദയം തകര്‍ന്നു പോയി. ജാമി എന്നു നേരത്തെ തന്നെ പേരിടാന്‍ കണ്ടു വച്ചിരുന്ന ആ കുഞ്ഞിന്റെ ചേതനയറ്റ ശരീരം മാറോട് ചേര്‍ക്കണമെന്ന് കെയ്റ്റ് ആവശ്യപ്പെട്ടപ്പോള്‍ ഡോക്ടര്‍മാര്‍ക്ക് അത് നിഷേധിക്കാനായില്ല. ഭര്‍ത്താവിനെയും കൂടെ കൂട്ടി ആശുപത്രി ബെഡില്‍ കിടന്ന് ജീവനില്ലാത്ത കുഞ്ഞിനെ മാറോടണച്ച് അന്ത്യ ചുംബനം നല്‍കിയപ്പോള്‍ ഒരു അത്ഭുതം സംഭവിച്ചു.
അമ്മയുടെ സ്‌നേഹ സ്പര്‍ശമേറ്റ് മരിച്ച കുഞ്ഞി കൈകള്‍ ഇളക്കാനും ചലിക്കാനും തുടങ്ങി. ക്രമേണ ശ്വാസമെടുക്കാനും ആരംഭിച്ചതോടെ നഴ്‌സുമാര്‍ ഓടിയെത്തി സഹായോപകരണങ്ങള്‍ കൂടി ഘടിപ്പിച്ചതോടെ ആ കുഞ്ഞ് ജീവിതത്തിലേക്കു തന്നെ തിരിച്ചു വന്നു.

ഇന്ന് ജാമി ഓഗ് എന്ന ആ കുഞ്ഞിനു പ്രായം അഞ്ചു വയസ്സ്. 2010 മാര്‍ച്ച് 25 ആയിരുന്നു ജാമി ജനിക്കുകയും മരിക്കുകയും വീണ്ടും ജീവിതത്തിലേക്ക് തിരിച്ചുവരികയും ചെയ്ത ആ ദിവസം. ഇന്ന് സന്തോഷവാനായി തുള്ളിച്ചാടി നടക്കുന്ന ഈ ബാലനു ഒരേ ഒരു പ്രശ്‌നമെയുള്ളൂ. മരിച്ചു ജിവിച്ച തന്റെ കഥ എല്ലാവരോടും പാടി നടക്കുന്ന ഒരു കൊച്ചു സഹോദരന്‍ മാത്രമാണു പ്രശ്‌നക്കാരന്‍. കളിചിരികളുമായി ഇരട്ട സഹോദരി എമിലിയും എപ്പോഴും കൂടെയുണ്ട്.
അഞ്ചു വര്‍ഷം മുമ്പത്തെ ആ അത്ഭുതകരമായ ദിവസം കെയ്റ്റ് ഇപ്പോഴും ഓര്‍ത്തെടുക്കുന്നു. \'എമിലി വേഗം പുറത്തു വന്നെങ്കിലും ജാമിയെ പുറത്തെടുക്കുകയായിരുന്നു. പുറത്തെടുത്തപ്പോള്‍ കരച്ചിലോ മറ്റനക്കങ്ങളോ ഉണ്ടായിരുന്നില്ല. ഡോക്ടര്‍മാരുടെ സംഘം ജാമിക്കു ചുറ്റും കൂടുന്നതു കണ്ടു. എന്തോ അപകടം അപ്പോള്‍ തന്നെ ഞാന്‍ ഊഹിച്ചിരുന്നു. ഏതാണ്ട് 20 മിനിറ്റുകള്‍ക്കു ശേഷം അവര്‍ പിരിഞ്ഞു പോയി. പിന്നീട് ഒരു ഡോക്ടര്‍ വന്ന് എന്നോട് കാര്യങ്ങള്‍ വിശദീകരിച്ചു. എന്തെങ്കിലും പേര് കണ്ടു വച്ചിട്ടുണ്ടെങ്കില്‍ അതു വിളിച്ചോളൂ അവനെ രക്ഷിക്കാന്‍ ഒരുവഴിയും ബാക്കിയില്ലെന്ന് അദ്ദേഹം പറഞ്ഞു. എന്നാല്‍ ചെറിയൊരു കിതപ്പ് അവനില്‍ ഞാന്‍ കണ്ടു. പക്ഷേ അത് പ്രതീക്ഷ നല്‍കുന്നത്‌ല്ലെന്ന് ഡോക്ടര്‍ പറഞ്ഞു. വര്‍ഷങ്ങളുടെ കാത്തിരിപ്പിനൊടുവിലുണ്ടായ കുഞ്ഞിന്റെ ഈ ഗതിയോര്‍ത്ത് വളരെ നിരാശതോന്നി. ഒടുവില്‍ ഞാന്‍ ആവശ്യപ്പെട്ടതു പ്രകാരം ഡോക്ടമാര്‍ അവനെ കെട്ടിപ്പിടക്കാനായി എനിക്കു തന്നു. മാറോടണച്ചു പിടിച്ച ശേഷം ഷര്‍ട്ടൂരി കൂടെ കിടക്കാന്‍ ഭര്‍ത്താവിനോടും ആവശ്യപ്പെട്ടു. കൂടെ കിടത്തി പേര് വിളിക്കുകയും നിനക്കൊരു ഇരട്ടയുണ്ടെന്നും നിന്നെ രക്ഷിക്കാന്‍ ഒരുപാട് പ്രയാസപ്പെട്ടെന്നുമെല്ലാം മെല്ലെ പറഞ്ഞ് അവനെ മാറത്തെ ചൂടേല്‍പ്പിച്ചു. പൊടുന്നനെയാണ് ശ്വാസം വീണത്. കണ്ണും തുറന്നു. അവന്‍ ശ്വസിക്കുകയും ഡേവിന്റെ വിരലില്‍ പിടിക്കുകയും ചെയ്തു,\' അത്ഭുത സംഭവം കെയ്റ്റി വിശദീകരിച്ചു.
ഒരുമിച്ച് കളിച്ചു വളര്‍ന്ന എമിലിയും ജാമിയുടെ ഈയിടെയാണ് ഈ കഥ അറിയുന്നത്. ഇതു കേട്ട എമിലിയുടെ കണ്ണുകള്‍ നിറഞ്ഞെന്നും ജാമിയെ വിടാതെ കെട്ടിപ്പിടിച്ചെന്നും കെയ്റ്റ് പറയുന്നു. ഇവരുടെ കഥ ആര്‍ക്കു വേണമെങ്കിലും പറഞ്ഞു കൊടുക്കുന്ന ഒരു കൊച്ചു സഹോദരന്‍ ചാര്‍ലിയും ഇപ്പോള്‍ ഇവര്‍ക്കൊപ്പമുണ്ട്. അമ്മയുടെ സ്‌നേഹത്തിന് പകരം മറ്റൊന്നുണ്ടോ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha