ആയുധകയറ്റുമതിയില്‍ ലോകത്തെ ഏറ്റവും വലിയ മൂന്നാമത്തെ രാജ്യമായി ചൈന. സ്‌റ്റോക്‌ഹോം ഇന്റര്‍നാഷണല്‍ പീസ് റിസേര്‍ച്ച് ഇന്‍സ്റ്റിറ്റിയൂട്ടിന്റെ (എസ്.ഐ.പി.ആര്‍.ഐ) ഏറ്റവും പുതിയ റിപ്പോര്‍ട്ട് അനുസരിച്ച് ചൈന 2010നും 2014നുമിടയിലെ കയറ്റുമതിയില്‍ ജര്‍മനി, ഫ്രാന്‍സ് എന്നീ രാജ്യങ്ങളെ പിന്‍തള്ളി. ഒന്‍പതാം സ്ഥാനത്തു നിന്നാണ് അഞ്ചു വര്‍ഷത്തിനിടെ ചൈന മൂന്നാം സ്ഥാനത്തേക്ക് മുന്നേറിയത്. ആദ്യ രണ്ടുസ്ഥാനങ്ങളില്‍ യഥാക്രമം യു.എസും റഷ്യയുമാണ്.
റിപ്പോര്‍ട്ട് പ്രകാരം യു.എസ് 31%വും, റഷ്യ 27%വുമാണ് കയ്യറ്റുമതി ചെയ്യുന്നത്. ഈ രാജ്യങ്ങളുടെ കയറ്റുമതിയില്‍ യഥാക്രമം 23, 34 ശതമാനത്തിന്റെ വര്‍ദ്ധനവുണ്ടായി. കച്ചവടത്തിന്റെ സാമ്പത്തികമൂല്യത്തെ അടിസ്ഥാനമാക്കാതെ വിതരണം ചെയ്യുന്ന ആയുധങ്ങളുടെ അളവനുസരിച്ചാണ് പഠനം നടത്തിയത്.
ഇതോടെ അന്താരാഷ്ട്രതലത്തിലെ ആയുധകയറ്റുമതിയില്‍ 5%ത്തോളവും ചൈനയുടെ കണക്കിലായി. അഞ്ചു വര്‍ഷത്തിനിടയില്‍ 143% വര്‍ദ്ധനയാണുണ്ടായത്. ഇതിനിടയില്‍ ജര്‍മനിയുടെയും ഫ്രാന്‍സിന്രെയും ആയുധ കയറ്റുമതി യഥാക്രമം 43 ശതമാനവും, 27 ശതമാനവും ഇടിഞ്ഞു. ലോകത്താകമാനം നടന്ന ആയുധകൈമാറ്റത്തില്‍ 16%ത്തോളം വര്‍ദ്ധനയുണ്ടായി. ചൈനയുടെ കയറ്റുമതിയില്‍ മൂന്നില്‍ രണ്ടു ഭാഗവും ഏഷ്യന്‍ രാജ്യങ്ങളായ പാകിസ്ഥാന്‍, ബംഗ്ലാദേശ്, മ്യാന്‍മാര്‍ എന്നിവിടങ്ങളിലേക്കാണ്. ലോകത്തെ രണ്ടാമത്തെ വലിയ സമ്പദ്‌വ്യവസ്ഥയെന്ന് അവകാശപ്പെടുന്ന ചൈന അഞ്ചുവര്‍ഷമായി 18ഓളം ആഫ്രിക്കന്‍ രാജ്യങ്ങള്‍ക്കും ആയുധം നല്‍കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha