ലോകത്താകമാനം 10 ലക്ഷത്തിലധികം പേര്‍ക്ക് കോവിഡ് രോഗബാധ സ്ഥിരീകരിച്ചതോടെ അമേരിക്കയാണ് ഇപ്പോള്‍ ഏറ്റവും കൂടുതല്‍ രോഗികള്‍ക്കുള്ള രാജ്യമായി മാറിയിരിക്കുന്നത്. നിലവില്‍ രണ്ടര ലക്ഷത്തോളം പേര്‍ക്കാണ് രോഗബാധയുള്ളത് .ന്യൂ യോര്‍ക്കില്‍ മാത്രമായി 85000 ലധികം പേര്‍ക്കാണ് രോഗബാധ സ്ഥിരീകരിച്ചത് .അമേരിക്കയില്‍ രൂക്ഷമായി വൈറസിന്റെ സമൂഹവ്യാപനം ഉണ്ടായതോടെ ചൈനയുള്‍പ്പടെ ഉള്ള രാജ്യങ്ങളെ സാഹായത്തിനു വിളിച്ചിരിക്കുകയാണ് . ഇതിനു പുറമെ നിലവില്‍ മാസ്‌കുകള്‍ ഗ്ലൗസുകള്‍ എന്നിവയുടെ ദൗര്‍ലഭ്യത കണക്കിലെടുത്തു റഷ്യയില്‍ നിന്നും വന്‍തോതിലാണ് അമേരിക്ക ഈ ആവശ്യ സാമഗ്രികള്‍ ഇറക്കുമതി ചെയ്തിരിക്കുന്നത് . പുറമെ കടുത്ത പ്രതിരോധ നടപടികള്‍ കൈകൊള്ളുന്നതിന്റെ ഭാഗമായി കര്‍ശനമായ തീരുമാനങ്ങള്‍ ട്രംപ് പുപ്പെടുവിച്ചിരിക്കുകയാണ് .

നിലവില്‍ അമേരിക്കന്‍ ജനതയുടെ 80 ശതമാനത്തിലധികം പേര്‍ ലോക്ക് ടൗണിന്റെ ഭാഗമായി ഇപ്പോള്‍ വീടുകള്‍ക്കുള്ളിലാണ് ഈ സാഹചര്യത്തിലാണ് വീണ്ടും ചൈനയ്‌ക്കെതിരെ യുഎസ് പ്രസിഡന്റ് ഡോണള്‍ഡ് ട്രംപ് രംഗത്ത് വന്നിരിക്കുകയായാണ് . കോവിഡ് രോഗം ബാധിച്ചവരുടെയും മരിച്ചവരുടെയും ശരിയായ കണക്കല്ല ചൈന പുറത്തുവിട്ടത് എന്നാണു ട്രംപിന്റെ ആരോപണം. കൊറോണ വൈറസിനെ 'ചൈനീസ് വൈറസ്' എന്നു വിശേഷിപ്പിച്ചിരുന്ന ട്രംപ്, ദിവസങ്ങളുടെ ഇടവേളയ്ക്കു ശേഷമാണു മറ്റൊരു ആരോപണവുമായി രംഗത്തെത്തിയത്.

ഇന്റലിജന്‍സ് റിപ്പോര്‍ട്ടിനെ പരാമര്‍ശിച്ച്, ബെയ്ജിങ് ചിലതെല്ലാം മറച്ചുവയ്ക്കുന്നെന്നു യുഎസിലെ ജനപ്രതിനിധികള്‍ ചൂണ്ടിക്കാട്ടിയിരുന്നു. ഇതിനോടനുബന്ധിച്ചാണു ട്രംപിന്റെ പരാമര്‍ശം. 'നമുക്കെങ്ങനെ അറിയാന്‍ പറ്റും? അവര്‍ പുറത്തുവിട്ട കണക്കുകള്‍ നല്ല വശത്തെക്കുറിച്ചു മാത്രമാണ്' ചൈനയുടെ കൊറോണ കണക്കു കൃത്യമാണോ എന്ന ചോദ്യത്തിനു ട്രംപിന്റെ മറുപടി ഇതായിരുന്നു. ചൈനയെ സംശയത്തിന്റെ മുള്‍മുനയില്‍ നിര്‍ത്തിയെങ്കിലും ആ രാജ്യവുമായി യുഎസിനു നല്ല ബന്ധമാണെന്നു പറയാനും ട്രംപ് ശ്രദ്ധിച്ചു.
ചൈന സൃഷ്ടിച്ച വൈറസാണു കോവിഡ് മഹാമാരിയായി മാറിയതെന്ന് ആദ്യം തൊട്ടേ യുഎസും ട്രംപ് ഭരണകൂടവും വിശ്വസിക്കുകയും ആരോപിക്കുകയും ചെയ്യുന്നുണ്ട്.

എന്തൊക്കെയോ ചൈന മറച്ചുപിടിക്കുന്നതായി യുഎസ് ഉള്‍പ്പെടെ ഏതാനും രാജ്യങ്ങള്‍ സംശയിക്കുന്നുമുണ്ട്. എന്നാല്‍, വ്യാപാരയുദ്ധത്തിന്റെ ഭാഗമായി യുഎസ് സൈന്യമാണു വൈറസിനെ പുറത്തുവിട്ടതെന്ന ഗൂഢസിദ്ധാന്തമാണു ചൈനയില്‍ പ്രചരിക്കുന്നത്.ഇതിനാല്‍ തന്നെ ചൈനയുടെ കനക്കുള്‍പ്പടെ ലോകരാജ്യങ്ങള്‍ ഇതുവരെയും പൂര്‍ണമായി വിശ്വസിച്ചിട്ടില്ല

യുഎസ് ഇന്റലിജന്‍സിനെ ഉദ്ധരിച്ചു ബ്ലൂംബര്‍ഗ് പ്രസിദ്ധീകരിച്ച വാര്‍ത്തയുടെ അടിസ്ഥാനത്തില്‍ കോണ്‍ഗ്രസിലെ റിപ്പബ്ലിക്കന്‍ അംഗങ്ങളാണു ചൈനയ്‌ക്കെതിരെ നിലപാട് കടുപ്പിച്ചത്.ഇതിന്റെ പിന്തുടര്‍ച്ചയായി ചൈനയും കടുത്ത നിലപാട് സ്വീകരിച്ചിരുന്നു. പകര്‍ച്ചവ്യാധി ബാധിച്ചവരുടെയും മരിച്ചവരുടെയും എണ്ണത്തെക്കുറിച്ചു രാജ്യാന്തര സമൂഹത്തെ ചൈന തെറ്റിദ്ധരിപ്പിക്കുകയാണെന്ന് ഇവര്‍ പറയുന്നു. 2019 അവസാനം ഹുബെ പ്രവിശ്യയിലെ വുഹാനിലാണ് കൊറോണ പൊട്ടിപ്പുറപ്പെട്ടത്. യഥാര്‍ഥ കണക്കുകള്‍ ചൈന പുറത്തുപറയാത്തത് മനഃപൂര്‍വമാണെന്നാണ് ഇന്റലിജന്‍സ് ഉദ്യോഗസ്ഥരുടെ വാദം. വൈറ്റ് ഹൗസിലേക്ക് കഴിഞ്ഞയാഴ്ച അയച്ച ക്ലാസിഫൈഡ് ഇന്റലിജന്‍സ് രേഖകള്‍ പ്രകാരം ചൈനയുടേത് വ്യാജക്കണക്കാണെന്ന് ഉറപ്പിക്കുന്നു.