സംഘര്ഷത്തില് ഇടപെട്ടാല് സൈനിക നടപടി; ഒമാനെതിരെ ഭീഷണിയുമായി ട്രംപ്
ഹോര്മുസ് കടലിടുക്കിലൂടെയുള്ള കപ്പല് ഗതാഗതവുമായി ബന്ധപ്പെട്ട് ഇറാനുമായുള്ള സംഘര്ഷത്തില് ഇടപെട്ടാല് ഒമാനെതിരെ സൈനിക നടപടി സ്വീകരിക്കുമെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്. ഒമാനെ ബോംബിട്ട് തകര്ക്കുമെന്നും ട്രംപ് ഭീഷണി മുഴക്കി. തിങ്കളാഴ്ച ഫോക്സ് ന്യൂസിന് നല്കിയ അഭിമുഖത്തിലായിരുന്നു ട്രംപിന്റെ പരാമര്ശം.
ഹോര്മുസ് കടലിടുക്കിലൂടെയുള്ള കപ്പല് ഗതാഗതവുമായി ബന്ധപ്പെട്ട് ഇറാനും ഒമാനും തമ്മില് നടക്കുന്ന ചര്ച്ചകളെക്കുറിച്ചുള്ള ചോദ്യത്തിനുള്ള മറുപടിയിലായിരുന്നു ട്രംപിന്റെ ഭീഷണി. 'ഒമാന് ഇടപെട്ടാല് അവര്ക്കെതിരെ ശക്തമായ ബോബാക്രമണം നടത്തും' എന്നായിരുന്നു ട്രംപിന്റെ പ്രതികരണം.
തങ്ങള്ക്കുമുന്നില് ഇറാന് വെള്ളക്കൊടി ഉയര്ത്തി കീഴടങ്ങണമെന്നും ട്രംപ് ആവശ്യപ്പെട്ടു. ഇറാനെതിരായ നടപടികള്ക്ക് സമയപരിധിയില്ലെന്നും ട്രംപ് വ്യക്തമാക്കി. 'എനിക്ക് തിരക്കില്ല, അമേരിക്കയിലെ ഇടക്കാല തിരഞ്ഞെടുപ്പുകള് എന്റെ തീരുമാനത്തെ സ്വാധീനിക്കില്ല' ട്രംപ് പറഞ്ഞു.
ഹോര്മുസ് കടലിടുക്ക് വഴിയുള്ള കപ്പല് ഗതാഗതം നിയന്ത്രിക്കുന്നതിനാണ് ഇറാനും ഒമാനും തമ്മില് ചര്ച്ചകള് നടത്തുന്നത്. നിലവിലെ ഇറാന്അമേരിക്ക സംഘര്ഷത്തിലെ നിര്ണായക മേഖലയാണ് ലോകത്തെതന്നെ പ്രധാന എണ്ണ വിതരണ പാതകളിലൊന്നായ ഹോര്മുസ് കടലിടുക്ക്.
ഇറാന് ആണവായുധം സ്വന്തമാക്കുന്നത് തടയുകയാണ് അമേരിക്കയുടെ പ്രധാന ലക്ഷ്യമെന്നും ട്രംപ് വ്യക്തമാക്കി. ഇറാന് ഒരിക്കലും ആണവായുധംകൈവശം വയ്ക്കാന് കഴിയാത്ത അവസ്ഥയിലാക്കുമെന്നും ട്രംപ് പറഞ്ഞു. അമേരിക്കയും ഇറാനും തമ്മിലുള്ള 60 ദിസത്തെ വെടിനിര്ത്തല് കാലാവധി അവസാനിക്കിരിക്കെയാണ് ട്രംപിന്റെ പുതിയ പ്രതികരണം. വെടിനിര്ത്തല് അവസാനിക്കുന്നതോടെ മേഖലയില് വീണ്ടും സംഘര്ഷം രൂക്ഷമാകുമോയെന്ന ആശങ്കയും നിലനില്ക്കുന്നുണ്ട്.
https://www.facebook.com/Malayalivartha
