യൂറോപ്യന് രാജ്യങ്ങളുടെ അവസ്ഥ... യൂറോപ്പിലെ ഒട്ടുമിക്ക രാജ്യങ്ങളിലും കോവിഡ് മരണം വന് തോതില് ഉയര്ന്നിരിക്കുന്നു... ലോകത്താകമാനം കോവിഡ് ബാധ മൂലം മരിച്ചവരുടെ എണ്ണം മുക്കാല് ലക്ഷത്തിലേക്ക്, .ഫ്രാന്സില് കോവിഡ് മൂലം മരിച്ചവരുടെ എണ്ണം 9000 ത്തോളമായി
ലോകമഹാമാരിയെ ഈ അടുത്ത കാലത്തൊന്നും പ്രതിരോധിക്കാന് കഴിയുമെന്ന് തോന്നാത്ത വിധം ദിനം പ്രതി മൂവായിരത്തിലധികം ആളുകളാണ് ശരാശരി മരിച്ചു വീഴുന്നത് .നിലവില് കഴിഞ്ഞ 24 മണിക്കൂറിനിടയില് ഏറ്റവും അധികം മരണം റിപ്പോര്ട്ട് ചെയ്തിരിക്കുന്നത് ഫ്രാന്സ് ആണെന്നാണ് സൂചിപ്പിക്കുന്നത് . ലോകത്താകമാനം കോവിഡ് ബാധ മൂലം മരിച്ചവരുടെ എണ്ണം മുക്കാല് ലക്ഷത്തിലേക്ക്
കടക്കുന്നു എന്ന അതി ദയനീയമായ വിവരമാണ് ഇപ്പോള് ലഭ്യമാകുന്നത് .നിലവിലെ സാഹചര്യം തുടര്ന്നാല് പല രാജ്യങ്ങളിലേയും സ്ഥിതി അതി ദയനീയമായി മാറും എന്ന് വ്യക്തമാകുന്നു .യൂറോപ്പിലെ ഒട്ടുമിക്ക രാജ്യങ്ങളിലും കോവിഡ് മരണം വന് തോതില് ഉയര്ന്നിരിക്കുകയാണ് .ഇറ്റലിയിലും സ്പെയിനിലും മാത്രമായി മുപ്പത്തിനായിരത്തിലധികം മരണമാണ് റിപ്പോര്ട്ട് ചെയ്തത് .നിലവില് ഏറ്റവും പരിതാപകരമായ അവസ്ഥയിലേക്കാണ് ഫ്രാന്സിന്റെ പോക്ക് .ഫ്രാന്സില് ഇതിനോടകം കോവിഡ് മൂലം മരിച്ചവരുടെ എണ്ണം 9000 ത്തോളം എത്തിനില്ക്കുന്നു എന്ന് വ്യക്തമാകുകയാണ് .
മരണനിരക്കും ,രോഗികളുടെ എണ്ണത്തിലും വര്ദ്ധനവുണ്ടാകുമ്പോള് രണ്ടേമുക്കാല് ലക്ഷത്തിലധികം പേര്ക്ക് രോഗം ഭേദമായിട്ടുമുണ്ട് എന്നതാണ് ഏക ആശ്വാസം യുറോപ്യന് രാജ്യമായ ഫ്രാന്സില് 833 പേര്ക്കാണ് ഇരുപത്തിനാല് മണിക്കൂറിനിടെ ജീവന് നഷ്ടമായത്. രാജ്യത്തെ മൊത്തം മരണസംഖ്യ ഇനിയും ഉയര്ന്നേക്കാം എന്നാണ് കണക്കുകള് സൂചിപ്പിക്കുന്നത് സമൂഹവ്യാപനം തടയുന്നതില് ഫ്രാന്സ് ഭരണകൂടം പരാജയപ്പെട്ടതായും ആരോപണങ്ങള് ഉയര്ന്നിരുന്നു . ഇവിടെ ഒരു ലക്ഷത്തോളം പേര്ക്ക് രോഗബാധയേറ്റിറ്റുണ്ടെന്നാണ് കണക്കുകള് വ്യക്തമാക്കുന്നത്.
അമേരിക്കയില് 756 മരണങ്ങളാണ് കഴിഞ്ഞ 24 മണിക്കൂറിനുള്ളില് റിപ്പോര്ട്ട് ചെയ്തത് .അമേരിക്കയിലെ മൊത്തം മരണസംഖ്യ പതിനായിരം പിന്നിട്ടിട്ടുണ്ട്. പതിനയ്യായിരത്തോളം പുതിയ കേസുകള് റിപ്പോര്ട്ട് ചെയ്തിട്ടുണ്ടെന്നും കണക്കുകള് വ്യക്തമാക്കുന്നു. ഇവിടുത്തെ മൊത്തം രോഗബാധിതരുടെ എണ്ണം മൂന്നരലക്ഷം കടന്നു. യുകെയിലാകട്ടെ ഇന്ന് ഇതുവരെ 439 മരണങ്ങളാണ് റിപ്പോര്ട്ട് ചെയ്തിരിക്കുന്നത്. മൊത്തം മരണസംഖ്യ അയ്യായ്യിരത്തി മുന്നൂറ് കടക്കുകയും ചെയ്തു. നാലായിരത്തോളം പേര്ക്ക് ഇവിടെ പുതുതായി രോഗം സ്ഥിരികരിച്ചിട്ടുണ്ട്. മൊത്തം രോഗികളുടെ എണ്ണം അരലക്ഷം കവിഞ്ഞു എന്നാണ് അന്തിമ റിപ്പോര്ട്ട് .
ഏറ്റവും കൂടുതല് കോവിഡ് നാശം വിതച്ച ഇറ്റലിയില് 636 മരണങ്ങള് ഇന്ന് റിപ്പോര്ട്ട് ചെയ്തു. ഇവിടെ 16523 ലധികം ജീവനുകളാണ് കൊവിഡ് അപഹരിച്ചത്. സ്പെയിനാണ് ഇന്ന് മരണങ്ങള് ഏറ്റവുമധികം റിപ്പോര്ട്ട് ചെയ്ത രാജ്യങ്ങളില് മറ്റൊന്ന്. ഇവിടെ 500 ലധികമാണ് ഇന്നത്തെ മരണസംഖ്യ. ഇവിടെ മൊത്തം മരണസംഖ്യ 13100 പിന്നിട്ടിട്ടുണ്ട്. ഇന്ന് 3300 ലധികം പേര്ക്ക് രോഗബാധയേറ്റെന്നും കണക്കുകള് വ്യക്തമാക്കുന്നു.നിലവില് ജര്മ്മനി മാത്രമാണ് വൈറസിന്റെ സമൂഹവ്യാപനം ഉണ്ടായിട്ടും മികച്ച കരുതല് നടപടിയിലൂടെ മരണനിരക്ക് പിടിച്ചു നിര്ത്താന് കഴിഞ്ഞ ഏക യൂറോപ്യന് രാജ്യം എന്നാണ് കണക്കുകള് വ്യക്തമാകുന്നത്
"
https://www.facebook.com/Malayalivartha