റെംഡെസിവിര്‍ എന്ന ഗിലീഡ് സയന്‍സിന്റെ മരുന്ന് നല്‍കുന്നത് വലിയ പ്രതീക്ഷകളാണ് ലോകത്തിന് നല്‍കുന്നത്, അതിന് ഏറ്റവും വലിയ ഉദാഹരണം എന്നുള്ളത് ഈ മരുന്ന് രക്ഷിച്ച ജീവനുകളാണ്. ലോകാരോഗ്യ സംഘടന നിര്‍ദേശിക്കുന്ന മുപ്പതോളം വരുന്ന മരുന്നുകളില്‍ പെട്ട ഒരു മരുന്നാണിത്. ആദ്യ ഘട്ടമായി 53 പേര്‍രിലാണ് ഇത് പരീക്ഷിച്ചത്. ഇതില്‍ 25 രോഗികളും അതീവ ഗുരുതരാവസ്ഥയില്‍ വെന്റിലേറ്ററിന്റെ സഹായത്തോടെ ജീവന്‍ നിലനിര്‍ത്തിയവരായിരുന്നു. ഇതില്‍ ഭൂരിഭാഗംപേരും ജീവിതത്തിലേക്ക് തിരിച്ചുവന്നു

മാത്രമല്ല വൈറസിനെതിരെ പൊരുതാന്‍ വാക്സിനുകള്‍ക്കു മാത്രമേ കഴിയുകയു എന്നതാണ് വസ്തുത അവിടെയാണ് റെംഡെസിവിര്‍ ഏറെ ഗുണംചെയ്യുന്നത്. മാത്രമല്ല ഹൈട്രോക്സി ക്ലോറോക്വീനിനെക്കാള്‍ ട്രംപ് വിജയമാണ് എന്ന് വിശ്വസിച്ച ഒരേ ഒരു മരുന്നു കൂടിയാണ് ഇത്. ഇങ്ങനെ പറയാന്‍ കാരണം, ബ്രിട്ടീഷ് പ്രധാനമന്ത്രി ബോറിസ് ജോണ്‍സന് കൊവിഡ് മുര്‍ച്ഛിച്ചപ്പോള്‍ അന്ന് ട്രംപ് രണ്ടു ജീനിയസ് മരുന്നുകളുമായി ഒരു സംഘത്തെ ബ്രിട്ടണിലേക്ക് അയച്ചിരുന്നു. അതില്‍ റെംഡെസിവിര്‍ ഉപയോഗപ്പെടുത്തിയോ ഇല്ലയോ എന്നുള്ള കാര്യത്തില്‍ വിശദീകരണം വന്നിട്ടില്ല .

ഈ മരുന്ന ഫലപ്രദമാണ് എന്ന് യുഎസ് മാധ്യമമായ എസ്ടിഎടി ന്യൂസാണ് റിപ്പോര്‍ട്ട് പുറത്തുവിട്ടത് .അവര്‍ ചൂണ്ടിക്കാണിച്ച വസ്തുതകള്‍ ഗുരുതരമായ ശ്വാസകോശ രോഗലക്ഷണങ്ങളും പനിയുമുള്ള രോഗികള്‍ പോലും മരുന്ന് നല്‍കിയതോടെ ഒരാഴ്ചയോടെ അസുഖം ഭേദമായി വീട്ടിലേക്ക് മടങ്ങിയെ ന്നതാണ്. ചിക്കാഗോ സര്‍വകലാശാലയിലെ പകര്‍ച്ചവ്യാധി വിദഗ്ധനായ ഡോ.കാത്‌ലീന്‍ മുള്ളെയ്നെ ഉദ്ദരിച്ചാണ് ഈ റിപ്പോര്‍ട്ട് വന്നതും. പറയുന്നു. ''ഞങ്ങളുടെ ഭൂരിഭാഗം രോഗികളെയും ഡിസ്ചാര്‍ജ് ചെയ്തു എന്നതാണ് ഏറ്റവും നല്ല വാര്‍ത്ത''. ഡോ.കാത്‌ലീന്‍ മുള്ളെയ്ന്‍ വളരെ സന്തോഷത്തോടെ പറയുന്നു.

ഗിലീഡ് സയന്‍സാണ് ഈ മരുന്ന് നിര്‍മിച്ചിരിക്കുന്നത്. മൃഗങ്ങളില്‍ നടത്തിയ പഠനങ്ങള്‍ പ്രകാരം ഈ മരുന്നിന് കൊറോണ വൈറസിനെ തടയാനും ചികിത്സിക്കാനും കഴിയുമെന്ന് പറയുന്നു. കോവിഡ് 19, സാര്‍സ് എന്നിവയ്ക്ക് ഈ മരുന്ന് ഫലപ്രദമാണെന്ന് പഠനം. ഫെബ്രുവരിയില്‍ ലോകാരോഗ്യ സംഘടനയും കോവിഡ് 19നെതിരെ റെംഡെസിവിര്‍ പ്രയോജനപ്പെടുമെന്ന് പറഞ്ഞിരുന്നു. മറ്റു ക്ലിനിക്കുകളിലും മരുന്നിന്റെ പരീക്ഷണങ്ങള്‍ നടക്കുന്നുണ്ട്. ലോകമെമ്പാടുമുള്ള 152 പരീക്ഷണ കേന്ദ്രങ്ങളില്‍ ഗുരുതരമായ കോവിഡ് 19 ലക്ഷണങ്ങള്‍ പ്രകടിപ്പിക്കുന്ന 2,400 രോഗികള്‍ക്ക് ഗിലീഡ് മരുന്ന് പരിശോധനക്കായി സ്പോണ്‍സര്‍ ചെയ്യുന്നുണ്ട്. ലോകമെമ്പാടുമുള്ള 169 ആശുപത്രികളിലും ക്ലിനിക്കുകളിലും ചെറുതായി ലക്ഷണള്‍ പ്രകടിപ്പിക്കുന്ന 1,600 രോഗികളിലും മരുന്ന് പരീക്ഷിക്കുന്നുണ്ട്.

മാസാവസാനത്തോടെ ഈ പരീക്ഷണങ്ങളുടെ ഫലം ലഭിക്കുമെന്നാണ് ഗിലീഡിന്റെ പ്രതീക്ഷ. എന്തെങ്കിലും നിഗമനങ്ങളില്‍ എത്തിച്ചേരുന്നതിന് പരീക്ഷണങ്ങളില്‍ നിന്ന് ലഭിക്കുന്ന മുഴുവന്‍ ഡേറ്റകളും വിശകലനം ചെയ്യേണ്ടതുണ്ട്. നിലവില്‍ കോവിഡ് 19 നുള്ള ചികിത്സക്കായി റെംഡെസിവിറിന്റെ ഫലപ്രാപ്തിയും സുരക്ഷയും ഉറപ്പിക്കാന്‍ തക്കവണ്ണം ആവശ്യമായ കണക്കുകള്‍ ലഭിച്ചിട്ടില്ലെന്നും ഗിലീഡ് പറയുന്നു.