കസാക്കിസ്ഥാനില് കോവിഡിനെക്കാള് വലിയ രോഗം പടരുന്നതായി ചൈന; താന് പോവുവ ! എന്ന് ചൈനയോട് കസാക്കിസ്ഥാന്
കസാക്കിസ്ഥാനില് അജ്ഞാത ന്യുമോണിയ രോഗം പടര്ന്നുപിടിക്കുന്നതായി ചൈനയുടെ മുന്നറിയിപ്പ്. കൊവിഡിനെക്കാള് വളരെ ഉയര്ന്ന മരണനിരക്കാണ് പുതിയ രോഗത്തിനുള്ളതെന്നും ചൈനീസ് എംബസി വ്യക്തമാക്കുന്നു. കഴിഞ്ഞ മാസം മാത്രം അറുന്നൂറിലേറെ പേര് ന്യുമോണിയ ബാധിച്ച് മരിച്ച സാഹചര്യത്തിലാണ് കസാക്കിസ്താനിലെ ചൈനീസ് എംബസി രാജ്യത്തുള്ള ചൈനീസ് പൗരന്മാര്ക്ക് മുന്നറിയിപ്പ് നല്കിയത്. എന്നാല് അതേസമയം ന്യുമോണിയ കൊവിഡിനെക്കാള് മാരകമാണെന്ന ചൈനീസ് എംബസിയുടെ മുന്നറിയിപ്പ് കസാക്കിസ്ഥാന് ആരോഗ്യമന്ത്രാലയം തള്ളി. എംബസി പ്രസ്താവന അടിസ്ഥാനമാക്കി ചൈനീസ് മാധ്യമങ്ങള് നല്കിയ വാര്ത്തകള് വ്യാജമാണെന്ന് കസാക്കിസ്താന് വ്യക്തമാക്കി.
രോഗവ്യാപന സാഹചര്യത്തെക്കുറിച്ച് ചൈനീസ് പൗരന്മാര് ബോധവാന്മാരാകാണമെന്നും രോഗബാധ തടയാന് പ്രതിരോധ മാര്ഗങ്ങള് സ്വീകരിക്കണമെന്നും എംബസി നിര്ദ്ദേശിച്ചു. വടക്കു പടിഞ്ഞാറന് ചൈനീസ് സ്വയംഭരണ പ്രദേശമായ സിന്ജിയാങ് ഉയ്ഗൂര് മേഖലുമായി അതിര്ത്തി പങ്കിടുന്ന രാജ്യമാണ് കസാക്കിസ്താന്. കഴിഞ്ഞ ആറ് മാസത്തിനുള്ളില് 1,772 പേര് കസാക്കിസ്താനില് അജ്ഞാത ന്യുമോണിയ ബാധിച്ച് മരിച്ചു. ജൂണില് മാത്രം ചൈനീസ് പൗരന്മാര് ഉള്പ്പെടെ 628 പേര് മരിച്ചുവെന്നും എംബസി പ്രസ്താവനയില് പറഞ്ഞു. കസാക്കിസ്താനിലെ ആരോഗ്യ വകുപ്പ് ഉള്പ്പെടെയുള്ള നിരവധി ആരോഗ്യ സ്ഥാപനങ്ങള് ഈ ന്യൂമോണിയ്ക്ക് കാരണമായ വൈറസിനെക്കുറിച്ച് കൂടുതല് പഠിച്ചുവരുകണ്. ന്യൂമോണിയ ബാധിച്ച രോഗികളുടെ എണ്ണം കൊവിഡ് ബാധിച്ചവരേക്കാള് രണ്ട് മുതല് മൂന്ന് മടങ്ങ് വരെ കൂടുതലാണെന്ന് കസാക്കിസ്ഥാന്റെ ആരോഗ്യമന്ത്രി ബുധനാഴ്ച പറഞ്ഞതായി ചൈനീസ് സ്റ്റേറ്റ് മീഡിയ റിപ്പോര്ട്ട് ചെയ്തിരുന്നു.
https://www.facebook.com/Malayalivartha
