ഉടമയിൽ നിന്ന് വളർത്ത് പൂച്ചയ്ക്ക് കോവിഡ് ബാധിച്ചു; അപൂര്വ്വങ്ങളില് അപൂര്വ്വമാണെന്ന് വെറ്റിനറി ഓഫീസര്
യു കെ യിൽ വളര്ത്തുമൃഗത്തില് കോവിഡ് സ്ഥിരീകരിച്ച സംഭവം ആശങ്കയുളവാക്കുന്നു. ഉടമയില് നിന്ന് വളർത്ത് പൂച്ചയ്ക്ക് കോവിഡ് ബാധിച്ചതായി ലഭ്യമായ എല്ലാ തെളിവുകുളിലൂടെയും അടിസ്ഥാനത്തിൽ ബ്രിട്ടീഷ് പരിസ്ഥിതി മന്ത്രാലയം സ്ഥിരീകരിച്ചു.
അതേസമയം പൂച്ചയും ഉടമയും നിലവില് രോഗമുക്തരായിട്ടുണ്ട്. മറ്റു മൃഗങ്ങളിലേക്കോ വീട്ടിലെ മറ്റുള്ള ആളുകളിലേക്കോ രോഗം പകര്ന്നിട്ടില്ലെന്നും മന്ത്രാലയം വ്യക്തമാക്കി.
യുകെയില് വളര്ത്തുമൃഗങ്ങളില് കോവിഡ് സ്ഥിരീകരിക്കുന്ന ആദ്യ സംഭവമാണിതെന്നും എന്നാല് ഇതൊരു മുന്നറിയിപ്പിന് കാരണമല്ലെന്നും ഇംഗ്ലണ്ട് പബ്ലിക് ഹെല്ത്ത് മെഡിക്കല് ഡയറക്ടര് യോണ് ഡോയ്ല് പറഞ്ഞു.
എന്നാൽ മനുഷ്യരില് നിന്ന് മൃഗങ്ങളിലേക്കാണ് രോഗം പടര്ന്നതെന്നാണ് ഈ കേസിലെ അന്വേഷണം സൂചിപ്പിക്കുന്നതെന്നും അവര് പറഞ്ഞു. പൂച്ചകളില് നിന്ന് മനുഷ്യരിലേക്ക് കോവിഡ് പകരുന്നതിന് തെളിവുകളില്ലെന്ന് ബ്രീട്ടീഷ് സര്ക്കാരും അറിയിച്ചു. മൃഗങ്ങളില് കൊറോണ വൈറസിന് ഏറ്റവും കൂടുതല് ഇരയാകുന്നത് പൂച്ചകളാണെന്നും മറ്റു പൂച്ചകളിലേക്ക് ഇത് പകരുമെന്നുമാണ് ലോകാരോഗ്യ സംഘടന പറയുന്നത്.
അതേ സമയം മൃഗങ്ങളിലേക്ക് രോഗം പടരുന്നത് അപൂര്വ്വങ്ങളില് അപൂര്വ്വമാണെന്നും നേരിയ ലക്ഷണങ്ങള് കാണിക്കുന്ന ഇവ ദിവസങ്ങള്ക്കുള്ളില് തന്നെ സുഖം പ്രാപിക്കുമെന്നും ഇംഗ്ലീഷ് വെറ്റിനറി ഓഫീസര് ക്രിസ്റ്റന് മിഡില്മിസ് പറഞ്ഞു.
https://www.facebook.com/Malayalivartha
