സംസ്ഥാനത്ത് സ്വര്ണവിലയിൽ വൻ ഇടിവ്.... പവന് 600 രൂപയുടെ കുറവ്

കേരളത്തിൽ സ്വർണവിലയില് വന് ഇടിവ്. പവന് 600 രൂപ കുറഞ്ഞു. ഒരു പവന് സ്വര്ണത്തിന്റെ ഇന്നത്തെ വില 1,00,320 രൂപയാണ്. സമീപകാലത്തെ ഏറ്റവും വലിയ ഇടവിലേക്കാണ് സ്വര്ണവില പോകുന്നത്. ഗ്രാമിന് ആനുപാതികമായി 75 രൂപയാണ് കുറഞ്ഞത്. 12,540 രൂപയാണ് ഒരു ഗ്രാം സ്വര്ണത്തിന്റെ വില.
വന് ഇടിവിന് പിന്നാലെ കഴിഞ്ഞ ദിവസം നേരിയ വര്ദ്ധനവോടെ ഗ്രാമിന് 200 രൂപ വർദ്ധിച്ചെങ്കിലും വീണ്ടും വിലയില് ഇടിവാണ് കാണിക്കുന്നത്. കഴിഞ്ഞ ഒരാഴ്ചയ്ക്കിടെ വിലയില് ഏകദേശം ഏഴായിരം രൂപയാണ് ഇടിഞ്ഞത്. ഈ ട്രെന്ഡ് നിലനിന്നാല് അടുത്ത ദിവസങ്ങളില് തന്നെ പവന്വില ഒരുലക്ഷം രൂപയ്ക്കു താഴെയെത്താമെന്നും റിപ്പോര്ട്ടുകളുള്ളത്.
ആഗോള വിപണിയിലെ എണ്ണവില അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്. എണ്ണവില ബാരലിന് നൂറ് ഡോളറില് താഴെ തന്നെ നില്ക്കുന്നു. യുഎസില് പണപ്പെരുപ്പം കൂടുകയും അടിസ്ഥാന പലിശനിരക്ക് കൂടാനുള്ള സാധ്യത ശക്തമാവുകയും ചെയ്തതാണ് കഴിഞ്ഞ ദിവസങ്ങളില് രാജ്യാന്തര സ്വര്ണവിലയില് വന് ഇടിവിന് വഴിവച്ചിരിക്കുന്നത്.
ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്
. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
https://www.facebook.com/Malayalivartha

























