ചൈനയില്‍ ഹോട്ടല്‍ തകര്‍ന്ന്​ വീണ്​ അഞ്ച്​ പേര്‍ മരിച്ചു. ഷാന്‍ഷി പ്രവിശ്യയിലുണ്ടായ അപകടത്തില്‍ ഒരാള്‍ക്ക്​ പരിക്കേറ്റു.പ്രവിശ്യയിലെ ലിന്‍ഫന്‍ അര്‍ബന്‍ ജില്ലയിലെ ഇരു​നില കെട്ടിടമാണ്​ തകര്‍ന്ന്​ വീണത്​. ശനിയാഴ്​ച പ്രാദേശിക സമയം രാവിലെ 9.40നായിരുന്നു​ അപകടം​. അപകട കാരണം ​അ​ന്വേഷിച്ച്‌​ വരികയാണ്​.

കുടുങ്ങിക്കിടന്ന 37ല്‍ 33 ആളുകളെയും രക്ഷപ്പെടുത്തിയെന്ന്​ മാധ്യമങ്ങള്‍ റിപോര്‍ട്ട്​ ചെയ്​തു. പാരാമിലിറ്ററി സേനാംഗങ്ങള്‍, അഗ്​നിശമന സേന, പൊലീസ്​, പ്രദേശവാസികള്‍ എന്നിവരടക്കം 700 ലധികം ആളുകള്‍ രക്ഷാപ്രവര്‍ത്തനങ്ങളില്‍ ഏര്‍പ്പെട്ടു.