14 കാരിയെ നിര്ബന്ധിച്ച് വിവാഹം കഴിച്ച പാക് എംപിയ്ക്കെതിരെ പരാതി; സംഭവത്തില്‍ പോലീസ് അന്വേഷണം ആരംഭിച്ചു
പ്രായപൂര്‍ത്തിയാകാത്ത പെണ്‍കുട്ടിയെ വിവാഹം കഴിച്ച പാക് എംപിയ്ക്കെതിരെ പരാതി. ജമിയത്ത്- ഉല്‍മ-ഇ- ഇസ്ലാം നേതാവ് മൗലാനാ സലാലുദ്ദീന്‍ അയൂബിനെതിരെയാണ് പരാതി ഉയര്‍ന്നിരിക്കുന്നത്. സംഭവത്തില്‍ പോലീസ് അന്വേഷണം ആരംഭിച്ചു.
സ്ത്രീകളുടെ ഉന്നമനത്തിനായി ചിത്രാല്‍ കേന്ദ്രീകരിച്ച്‌ പ്രവര്‍ത്തിക്കുന്ന എന്‍ജിഒയാണ് മന്ത്രിയ്ക്കെതിരെ പരാതിയുമായി രംഗത്ത് വന്നത്. മന്ത്രിയും പെണ്‍കുട്ടിയും തമ്മിലുള്ള വിവാഹം പാക് മാദ്ധ്യമങ്ങളില്‍ വലിയ വാര്‍ത്തയായിരുന്നു. ഇതിന് പിന്നാലെയാണ് സംഘടന പരാതിയുമായി പോലീസിനെ സമീപിച്ചത്.
ബാലൂചിസ്താന്‍ സ്വദേശിനായ 14 കാരിയെ മന്ത്രി നിര്ബന്ധിച്ച് കല്യാണം കഴിച്ചതായി പരാതിയില്‍ പറയുന്നു. പെണ്‍കുട്ടിയുടെ സമ്മത പ്രകാരമല്ല വിവാഹം നടന്നത്. പെണ്‍കുട്ടിയെക്കാള്‍ നാലിരട്ടി പ്രായം കൂടുതലാണ് മന്ത്രിയ്ക്കെന്നും പരാതിയില്‍ ചൂണ്ടിക്കാട്ടുന്നു. ചിത്രാല്‍ ഇന്‍സ്പെക്ടര്‍ സജ്ജാദ് അഹമ്മദിനാണ് കേസിന്റെ അന്വേഷണ ചുമതല. പരാതിയുടെ അടിസ്ഥാനത്തില്‍ പോലീസ് പെണ്‍കുട്ടിയുടെ ജുഗ്ഹൂറിലെ സ്‌കൂളില്‍ എത്തി വിവരങ്ങള്‍ ശേഖരിച്ചിട്ടുണ്ട്.
https://www.facebook.com/Malayalivartha
