ഇന്തോനേഷ്യയില് അനധികൃത സ്വര്ണഖനി ഇടിഞ്ഞുവീണ് മൂന്നു പേര് മരിച്ചു... മണ്ണിനടിയില്പ്പെട്ട നിരവധിപ്പേര്ക്കായി തെരച്ചില് തുടരുന്നു
ഇന്തോനേഷ്യയില് അനധികൃത സ്വര്ണഖനി ഇടിഞ്ഞുവീണ് മൂന്നു പേര് മരിച്ചു. സുലവേസി ദ്വീപിലെ പരിജി മൗതോംഗില് ബുധനാഴ്ച രാത്രി ആയിരുന്നു അപകടമുണ്ടായത്.
മണ്ണിനടിയില്പ്പെട്ട നിരവധിപ്പേര്ക്കായി തെരച്ചില് തുടരുന്നു. 16 പേരെ രക്ഷപ്പെടുത്തി. 23 പേരോളം ഖനിയില് കുടുങ്ങിക്കിടക്കുന്നതായാണ് വിവരം. മരിച്ചവരില് നാല് പേര് സ്ത്രീകളാണ്.
പോലീസും സൈന്യവും സ്ഥലത്തെത്തി ദുരന്തനിവാരണ സേനയ്ക്കൊപ്പം രക്ഷാപ്രവര്ത്തനം നടത്തുകയാണ്. എന്നാല് ഒറ്റപ്പെട്ട സ്ഥലമായതിനാല് പ്രദേശത്ത് എത്തിച്ചേരുന്നത് വിഷമകരമാണ്. ഖനിയിലെ ഉറപ്പില്ലാത്ത മണ്ണും രക്ഷാപ്രവര്ത്തനത്തിന് തടസമായിനില്ക്കുകയാണ്.
അതേസമയം കഴിഞ്ഞ വര്ഷവും ഇന്തോനേഷ്യയിലെ സ്വര്ണഖനി തകര്ന്ന് നിരവധി ഖനിതൊഴിലാളികള് മരിച്ചിരുന്നു. ഇന്തോനേഷ്യയിലെ ഉത്തര സുലവെസി പ്രവിശ്യയിലാണ് സംഭവം നടന്നത്.
പാറയും മണ്ണും ഇടിഞ്ഞുവീണ് ഖനി മുഖം അടഞ്ഞ നിലയിലായിരുന്നു. അനധികൃത ഖനിയാണ് ഇടിഞ്ഞുവീണത്. ഇത്തരം ചെറുകിട സ്വര്ണഖനികള് ഇന്തോനേഷ്യന് സര്ക്കാര് നിരോധിച്ചിട്ടുണ്ടെങ്കിലും പ്രാദേശിക ഭരണകൂടങ്ങള് നിയമം അത്ര കര്ശനമായി നടപ്പാക്കാറില്ല. ആയിരക്കണക്കിന് ഖനി തൊഴിലാളികളുടെ വരുമാന മാര്ഗമാണ് ഇത്തരം അനധികൃത ഖനന പ്രദേശങ്ങള്.
"
https://www.facebook.com/Malayalivartha
