18 വയസിന് മുകളില് പ്രായമുള്ളവര്ക്ക് കോവിഡ് വാക്സിന്റെ ബൂസ്റ്റര് ഡോസ് നല്കാമെന്ന് ബഹ്റൈന് മെഡിക്കല് ടാസ്ക് ഫോഴ്സ്
18 വയസ് പൂര്ത്തിയായവര്ക്ക് കോവിഡ് വാക്സിന്റെ ബൂസ്റ്റര് ഡോസ് നല്കാനുള്ള തീരുമാനത്തിന് അംഗീകാരം നല്കി ബഹ്റൈന് നാഷണല് മെഡിക്കല് ടാസ്ക് ഫോഴ്സ്. ഗവണ്മെന്റ് എക്സിക്യൂട്ടീവ് കമ്മിറ്റിയും ബൂസ്റ്റര് ഡോസിന് അംഗീകാരം നല്കിയിരുന്നു. ഇതിന് പിന്നാലെയാണ് മെഡിക്കല് ടാസ്ക് ഫോഴ്സും തീരുമാനത്തിന് അംഗീകാരം നല്കിയത്. ഫൈസര് ബയോഎന്ടെക്, ആസ്ട്രസെനിക (കൊവിഷീല്ഡ്), സ്പുട്നിക് എന്നീ വാക്സിനുകളുടെ രണ്ടാം ഡോസ് എടുത്ത ശേഷം ആറ് മാസം പൂര്ത്തിയായവര്ക്കാണ് ബൂസ്റ്റര് ഡോസ് നല്കുന്നത്. ബൂസ്റ്റര് ഡോസായി ഫൈസര് ബയോഎന്ടെക് വാക്സിനോ അല്ലെങ്കില് രണ്ടാം ഡോസായി സ്വീകരിച്ച അതേ വാക്സിനോ തെരഞ്ഞെടുക്കാനാണ് അംഗീകാരം ലഭിച്ചത്. 18 മുതല് 39 വയസ് വരെ പ്രായമുള്ളവരില് സിനോഫാം വാക്സിന്റെ രണ്ടാം ഡോസ് സ്വീകരിച്ചവര്ക്ക് മൂന്ന് മാസത്തിന് ശേഷം ബൂസ്റ്റര് ഡോസ് നല്കാനും അനുമതി നല്കിയിട്ടുണ്ട്. മുന്പ് ആറു മാസത്തിന് ശേഷം ബൂസ്റ്റര് ഡോസ് സ്വീകരിക്കാനായിരുന്നു ശുപാര്ശ ലഭിച്ചിരുന്നത്. ഫൈസര് വാക്സിന്റെ ഒന്നാം ഡോസ് സ്വീകരിച്ച ശേഷം കോവിഡ് ബാധിച്ച് രോഗമുക്തരായവര്ക്ക് രണ്ടാം ഡോസ് നല്കാനും അനുമതി നല്കിയിട്ടുണ്ട്. കൊവിഡ് ബാധിച്ച് രോഗമുക്തരായവര്ക്ക് അസുഖം ബാധിച്ച തീയ്യതി മുതല് മൂന്ന് മാസം കഴിയുമ്ബോള് വാക്സിനെടുക്കാമെന്നും 12 മാസങ്ങള്ക്ക് ശേഷം ബൂസ്റ്റര് ഡോസെടുക്കാമെന്നാണ് അദികൃതര് വ്യക്തമാക്കിയിരിക്കുന്നത്.
https://www.facebook.com/Malayalivartha
