കശ്മീരിലെ ഭീകരാക്രമണങ്ങള്‍ അഞ്ച് ഇന്ത്യന്‍ ജവാന്മാരുടെ വീര മൃത്യു.. ഒരു സര്‍ജിക്കല്‍ സ്‌ട്രൈക്ക് ഉടന്‍ വേണം എന്ന് ഇന്ത്യയിലെ ജനങ്ങളിപ്പോള്‍ ഒന്നടങ്കം ആഗ്രഹിക്കുന്നുണ്ട്.

ഇതേ വികാരം തന്നെയാണ് നമ്മുടെ ഭരണാധികാരികള്‍ക്കും, അവര്‍ അത് ആഗ്രഹിച്ചാല്‍ അല്ലെങ്കില്‍ അങ്ങനെ ഒരു പരാമര്‍ശം നടത്തിയാല്‍ നമുക്കറിയാം ഇന്ത്യ അത് നടപ്പിലാക്കും എന്ന്. പ്രത്യേകിച്ച് അമിത്ഷാ തന്നെ നേരിട്ട് ഒരു സര്‍ജിക്കല്‍ സ്‌ട്രൈക്ക് ഉടന്‍ ഉണ്ടാകും എന്ന് പറഞ്ഞാല്‍ പിന്നെ പാകിസ്ഥാനിലെ ഭീകരുടെയും അവര്‍ക്ക് ട്രൈനിംഗ് നല്‍കുന്നവരുടെയും നാളുകള്‍ എണ്ണപ്പെട്ടു തുടങ്ങിയിരിക്കുന്നു എന്നാണ് അര്‍ത്ഥം...

കഴിഞ്ഞ ദിവസം നടന്ന സംഭവ വികാസങ്ങളില്‍ കലി പൂണ്ട അമിത് ഷാ അതിര്‍ത്തി കടന്നുള്ള ഭീകരവാദം ഇന്ത്യ പൊറുക്കില്ലെന്നും. പാകിസ്താനുമായി ഇനി ചര്‍ച്ചയൊന്നും ഇല്ല എന്നും വ്യക്തമാക്കി, ചര്‍ച്ചയ്‌ക്കൊക്കെ നേരത്തേ സമയമുണ്ടായിരുന്നു. ഇനി ഇപ്പോള്‍ തിരിച്ചടിയുടെ സമയമാണ്.

ഇനിയൊരു സര്‍ജിക്കല്‍ സ്‌ട്രൈക്കിന് ഞങ്ങള്‍ക്ക് മടിയില്ലെന്നാണ് അമിത് ഷാ പറഞ്ഞത്. പ്രധാനമന്ത്രി നരേന്ദ്ര മോദിയും മുന്‍ പ്രതിരോധമന്ത്രിയായിരുന്ന മനോഹര്‍ പരിക്കറും ചേര്‍ന്ന നടത്തിയ സുപ്രധാന നീക്കമായിരുന്നു സര്‍ജിക്കല്‍ സ്‌ട്രൈക്ക് എന്നും അദ്ദേഹം വ്യക്തമാക്കുന്നു.

ഗോവയില്‍ നാഷണല്‍ ഫോറന്‍സിക് സയന്‍സ് യൂണിവേഴ്‌സിറ്റിക്കു ശിലാസ്ഥാപന കര്‍മ്മം നിര്‍വഹിച്ചു സംസാരിക്കവെയാണ് പാകിസ്ഥാനില്‍ കയറി ഇന്ത്യയുടെ സര്‍ജിക്കല്‍ സ്‌ട്രൈക് ഉണ്ടാകുമെന്ന മുന്നറിയിപ്പ് അദേഹം നല്‍കുന്നത്, അതിര്‍ത്തിയില്‍ പാക് ഭീകരരുടെ ഭാഗത്തുനിന്നുള്ള ആക്രമണം വര്‍ധിച്ചുവരുന്ന സാഹചര്യത്തിലാണ് അമിത് ഷായുടെ ഈ മുന്നറിയിപ്പ് എന്നുള്ളതും ശ്രദ്ധേയമാണ്.

അതേസമയം ഇന്ത്യയും പാകിസ്ഥാനും തമ്മിലുള്ള വെടിനിര്‍ത്തല്‍ കരാര്‍ നിലവില്‍ വന്ന ശേഷം കുറച്ചു മാസം അതിര്‍ത്തിയില്‍ വലിയ പ്രശ്‌നങ്ങളൊന്നും പാകിസ്ഥാന്റെ ഭാഗത്തുനിന്നുണ്ടായിരുന്നില്ല.

എന്നാല്‍ അധികകാലം അവര്‍ക്ക് അതിര്‍ത്തിയില്‍ അടങ്ങിയിരിക്കാന്‍ തങ്ങള്‍ക്ക് ആകില്ലെന്ന് ഒന്നുകൂടി തെളിയിച്ചിരിക്കുകയാണ് പാകിസ്ഥാന്‍, പാക്ക് ചാര സംഘടനയുടെ നേതൃത്വത്തിലുള്ള നുഴഞ്ഞുകയറ്റവും ഭീകരാക്രമണവും ഇപ്പോള്‍ പതിവ് സംഭവമാണ്...

ഇമ്രാന്‍ ഖാന്‍ മുന്‍കൈ എടുത്താണ് പാകിസ്ഥാന്‍ അതിര്‍ത്തിയില്‍ വെടിനിര്‍ത്തല്‍ കരാര്‍കൊണ്ടുവന്നത്. നിലവില്‍ ഇന്ത്യയുമായി ഒരു യുദ്ധമുണ്ടായാല്‍ രാജ്യം മുഴുവനായും തകരും സാമ്പത്തീകമായി രാജ്യം ഞെരുക്കത്തിലാകും എന്ന് ഇമ്രാന്‍ ഖാന് നന്നായി അറിയാം പക്ഷേ സൈന്യം ഇക്കാര്യങ്ങളെ കുറിച്ചൊന്നും വേവലാതിപ്പെടുന്നില്ല, അവര്‍ക്ക് ഇന്ത്യ ഒരിക്കലും സമാധാനപൂണമായിരിക്കരുത് എന്നാണ് ആഗ്രഹം അതിനുവേണ്ടി അവര്‍ നിരന്തരം ഭീകരരെ ഇന്ത്യയിലേയ്ക്ക് അയക്കുകയും മുസ്ലിം അപകടത്തിലാകാന്‍ പോകുന്നു എന്ന കപട ന്യായം വിളമ്പി അവരെ തീവ്രവാദത്തിലേയ്ക്ക് ആനയിക്കുകയുമൊക്കെയാണ് ചെയ്യുന്നത്.

ഐഎസ്‌ഐ പുതുതായി നിയമിച്ചിരിക്കുന്ന ചീഫും ഇമ്രാനും തമ്മില്‍ പല തരത്തിലുള്ള അസ്വാരസ്യങ്ങളുണ്ടെന്നാണ് വിവരം. സാധാരണ ഗതിയില്‍ പ്രൈംമിനിസ്റ്ററാണ് ഇസ്ലാമാബാദില്‍ നിന്ന് ഐഎസ്‌ഐ തലവനെ പ്രഖ്യാപിക്കുക എന്നാല്‍ ഇവിടെ ആ കീഴ്‌വഴക്കം ഉണ്ടായില്ല.... പകരം ആര്‍മി കേന്ദ്രമായ റാവില്‍ പിണ്ടിയില്‍ നിന്നാണ് ഉത്തരവുണ്ടായത്. ഇതുതന്നെ പാകിസ്ഥാനില്‍ കാര്യങ്ങള്‍ ആര്‍മി നിയന്ത്രണത്തിലേയ്ക്ക് കൊണ്ടുവരുന്നു എന്നതിന് ഉദാഹരണമാണ്...

ഇത് ഇപ്പോള്‍ പാകിസ്ഥാന്‍ മാധ്യമ പ്രവര്‍ത്തകര്‍ക്കിടയിലെ സജീവ ചര്‍ച്ച കൂടിയാണ്.. പാകിസ്ഥാനില്‍ ആര്‍മി കാര്യങ്ങള്‍ നിയന്ത്രിച്ച് തുടങ്ങിയാല്‍ എല്ലാം ഒന്ന് നിലയ്ക്ക് നിര്‍ത്താനും നുഴഞ്ഞുകയറ്റം തടയാനും അതിര്‍ത്തികടന്ന് സൈന്യം ഭീകര ക്യാമ്പുകളില്‍ സംഹാര താണ്ഡവം ആടാനുള്ള സാധ്യത വളരെ കൂടുതലാണെന്നാണ് പ്രതിരോധ രംഗത്തെ വിദഗ്ദര്‍ പറയുന്നത്, അതു തന്നെയാണ് അമിത്ഷായും ഇവിടെ വ്യക്തമാക്കിയിരിക്കുന്നത്, ഇന്ത്യയിലെ ജനങ്ങള്‍ മുഴുവന്‍ ഇന്ന് ആ ഒരു തിരിച്ചടി ഇന്ത്യ എപ്പോള്‍ നല്‍കും എന്ന് ഉറ്റുനോക്കിയിരിക്കുകയാണ്. അമിത് ഷായുടെ ഈ പ്രഖ്യാപനം യാഥാര്‍ത്ഥ്യമായാല്‍ അത് നമ്മുടെ മലയാളിയായ ജവാന്‍ വൈശാഖിന്റെ വീര മൃത്യുവിനുള്ള പകരംവീട്ടല്‍ കൂടിയാകും.