തുടർച്ചയായി അഞ്ചാം ദിവസവും കോവിഡ് കേസ് റിപ്പോർട്ട് ചെയ്തതോടുകൂടി ചൈന നിയന്ത്രണം കടുപ്പിച്ചിരിക്കുകയാണ്. നൂറുകണക്കിന് വിമാനങ്ങളാണ് റദ്ദാക്കിയിരിക്കുന്നത്, സ്കൂളുകൾക്ക് അവധി പ്രഖ്യാപിക്കുകയും ചെയ്യുകയുണ്ടായി. വിനോദസഞ്ചാരികളില്‍നിന്നാണ്​ രോഗം പകര്‍​ന്നതെന്നാണ്​ സൂചന.

പുതിയ കേസുകള്‍ കണ്ടെത്തിയ രാജ്യത്തിന്‍റെ വടക്കന്‍, വടക്കുപടിഞ്ഞാറന്‍ പ്രദേശങ്ങളിലാണ്​ നിയന്ത്രണം ഏർപ്പെടുത്തിയിരിക്കുന്നത്​. ഇന്ന്​ 13 പേര്‍ക്ക്​ പുതുതായി രോഗം സ്​ഥിരീകരിച്ചതായി​ റോയിട്ടേഴ്‌സാണ് റിപ്പോർട്ട് ചെയ്തിരിക്കുന്നത്. നിലവില്‍ 492 പേര്‍ക്ക്​ രോഗമുള്ളതായി വേള്‍ഡോമീറ്റര്‍ റിപ്പോര്‍ട്ട്​ ചെയ്തിരിക്കുന്നത്. ഇതേ തുടര്‍ന്ന്​ വിവിധ പ്രദേശങ്ങളില്‍ വ്യാഴാഴ്ച വ്യാപക കോവിഡ്​ പരിശോധന നടത്തി.

2019ല്‍ ചൈനയിലെ വുഹാനിലായിരുന്നു കോവിഡ്​ -19 ആദ്യമായി കണ്ടെത്തിയിരിക്കുന്നത്​. കടുത്ത ലോക്​ഡൗണ്‍ ഏര്‍പ്പെടുത്തിയാണ്​ രാഷ്​ട്രങ്ങള്‍ രോഗപ്പകര്‍ച്ച തടയുകയായിരുന്നു​. എന്നാൽ, രോഗത്തെ അതിവേഗം വരുതിയിലാക്കിയ ചൈന പെ​ട്ടെന്നുതന്നെ നിയന്ത്രണങ്ങളില്‍ ഇളവ്​ നല്‍കുകയും ചെയ്​തിരുന്നു. ഇതിനിടെയാണ്​ രാജ്യത്ത്​ വീണ്ടും രോഗം കണ്ടെത്തിയത്​.

പിന്നാലെ വടക്കുപടിഞ്ഞാറന്‍ ചൈനയിലെ ലാന്‍ഷോ ഉള്‍പ്പെടെയുള്ള നഗരങ്ങളില്‍ ലോക്​ഡൗണ്‍ ഏര്‍പ്പെടുത്തുകയായിരുന്നു. പ്രദേശവാസികളോട്​ അവശ്യകാര്യത്തിനല്ലാതെ പുറത്തിറങ്ങരുതെന്ന്​ നിര്‍ദേശം നല്‍കിയിട്ടുണ്ട്​. പോകുന്നവര്‍ കോവിഡ് നെഗറ്റീവ് ടെസ്റ്റ് ഹാജരാക്കിയിരിക്കുകയാണ്.

സിയാനിലെയും ലാന്‍ഷുവിലെയും രണ്ട് പ്രധാന വിമാനത്താവളങ്ങളിലേക്കുള്ള 60 ശതമാനത്തോളം വിമാനങ്ങള്‍ റദ്ദാക്കിയിരുന്നു. ഇന്നര്‍ മംഗോളിയയിലെ എറെന്‍ഹോട്ട് നഗരത്തില്‍നിന്ന്​ അകത്തേക്കും പുറത്തേക്കുമുള്ള എല്ലാ യാത്രയും നിരോധിച്ചു. താമസക്കാര്‍ വീടുകളില്‍നിന്ന്​ പുറത്തിറങ്ങരുതെന്നും നിർദ്ദേശം നൽകിയിരിക്കുന്നു.