കൊവിഡിനെ തുടര്‍ന്ന് സ്വാന്‍സിയയില്‍ നിന്നുമുള്ളൊരു പതിനാലുകാരി ലോക്ക്ഡൗണ്‍ സമയത്ത് വരക്കാന്‍ തുടങ്ങിയതാണ്. അവളുടെ അയല്‍ക്കാരനും കൃഷിക്കാരനുമായ ജോണ്‍ ടുക്കര്‍ എന്നയാളുടെ ചിത്രം അവള്‍ വരച്ചത് സോഷ്യല്‍ മീഡിയയില്‍ പങ്കുവച്ചതോടെ വൈറലായി മാറി. ഇപ്പോള്‍ ലക്ഷക്കണക്കിന് രൂപയാണ് ഇന്ന് അവളുടെ ചിത്രങ്ങള്‍ക്ക് വാഗ്ദ്ധാനം ചെയ്യപ്പെടുന്നത്. 14 വയസ്സുള്ള മാക്കന്‍സി ബിയേര്‍ഡിന്റെ പോര്‍ട്രെയ്റ്റ് പെയിന്റിംഗുകള്‍ കാര്‍ഡിഫിലെ ഒരു ഗാലറിയില്‍ പ്രദര്‍ശിപ്പിച്ചിരിക്കുകയാണ്. അന്താരാഷ്ട്രതലത്തില്‍ തന്നെ അത് ശ്രദ്ധിക്കപ്പെട്ടിരിക്കുന്നു.

തല്‍ക്കാലം ചിത്രരചന ഒരു ഹോബിയായി മാത്രമേ തുടരാന്‍ ആഗ്രഹിക്കുന്നുള്ളൂവെന്ന് മാക്കന്‍സി പറഞ്ഞു.
മിഡില്‍ ഈസ്റ്റ്, യുണൈറ്റഡ് സ്‌റ്റേറ്റ്‌സ്, യുകെ എന്നിവിടങ്ങളിലെ കലാപ്രേമികള്‍ അവളുടെ ചിത്രങ്ങളില്‍ താല്‍പര്യം പ്രകടിപ്പിച്ചിട്ടുണ്ട്. കാര്‍ഡിഫ് ബേയിലെ ബ്ലാക്ക്‌വാട്ടര്‍ ഗാലറി പറഞ്ഞു, മക്കെന്‍സിയുടെ മൂന്ന് ചിത്രങ്ങള്‍ ഇതിനകം വിറ്റുപോയി. ഒരാള്‍ 10,000 പൗണ്ടാണ് അതിന് (10,31,355.32) വാഗ്ദാനം ചെയ്തത്.
മാക്കന്‍സിയുടെ ഏറ്റവും പുതിയ ചിത്രം അവളുടെ മുത്തച്ഛനായ ബെര്‍ണാഡ് ഡേവിസിന്റെതാണ്. നിലവില്‍ ഗാലറിയില്‍ പ്രദര്‍ശിപ്പിച്ചിരിക്കുന്ന ആറ് വര്‍ക്കുകളില്‍ ഒന്നാണിത്, ഉടന്‍ തന്നെ ശേഖരത്തിലേക്ക് കുറച്ച് ഭാഗങ്ങള്‍ കൂടി ചേര്‍ക്കുമെന്ന് പ്രതീക്ഷിക്കുന്നു. മുത്തച്ഛന്റെ ഛായാചിത്രം അതിന്റെ വൈകാരിക മൂല്യം കാരണം താന്‍ സൂക്ഷിക്കുകയാണെന്ന് അവള്‍ പറഞ്ഞു.
ഇതിന് മുമ്ബ് താനിങ്ങനെ വരയ്ക്കുകയോ ഏതെങ്കിലും ഗാലറികളില്‍ ചിത്രപ്രദര്‍ശനം ശ്രദ്ധിച്ചു കാണുകയോ ഒന്നും ഉണ്ടായിട്ടില്ല. അതിനാല്‍ തന്നെ ഇതൊരു വലിയ ചുവടുവയ്പ്പാണ് എന്നും അവള്‍ പറയുന്നു. അപ്പോഴും കലയെ ഒരു പ്രധാന വഴിയായി അവള്‍ കാണുന്നില്ല. വരയ്ക്കാന്‍ ഇഷ്ടമുള്ളത് കൊണ്ട് വരയ്ക്കുന്നു. എന്നും ഒരു ഭാഗത്ത് കൂടി അത് തുടരാന്‍ ആഗ്രഹിക്കുന്നു. അതോടൊപ്പം തന്നെ അക്കാദമിക് കാര്യങ്ങളും കൊണ്ടുപോകുമെന്നും അവള്‍ പറയുന്നു.