അത്ഭുതമായി ഏറ്റവും ദൈര്‍ഘ്യമേറിയ ചന്ദ്രഗ്രഹണത്തിന് സാക്ഷ്യം വഹിക്കാന്‍ ഒരുങ്ങുകയാണ് ഇപ്പോൾ ലോകം. ഇനി വെറും മണിക്കൂറുകൾ മാത്രമാണ് ഉള്ളത്. നവംബര്‍ 19ന് ലോക രാജ്യങ്ങള്‍ക്ക് ആകാശവിസ്മയം വീക്ഷിക്കാനാവുമെന്ന് അറിയിച്ച് നാസ എത്തിയിരിക്കുകയാണ്. ഏറ്റവും ദൈര്‍ഘ്യമേറിയ ചന്ദ്രഗ്രഹണത്തിനാണ് ലോകം സാക്ഷ്യം വഹിക്കാൻ പോകുന്നത്. ഈ വര്‍ഷം ഇതുവരെ വന്നതെല്ലാം ഭാഗികമായ ചന്ദ്ര ഗ്രഹണങ്ങളാണ്. എന്നാൽ ഈ നൂറ്റാണ്ടിലെ തന്നെ ഏറ്റവും ദൈര്‍ഘ്യമേറിയ ചന്ദ്രഗ്രഹണമാണ് വരാന്‍ പോകുന്നത് എന്നാണ് നാസ അധികൃതർ വ്യക്തമാക്കുന്നത്.

ഏകദേശം മൂന്ന് മണിക്കൂറോളം ഈ ചന്ദ്രഗ്രഹണം നീണ്ടുനില്‍ക്കുമെന്നാണ് പ്രവചനം. 50 യുഎസ് സംസ്ഥാനങ്ങളില്‍ ഏറ്റവും വ്യക്തമായി തന്നെ ചന്ദ്രഗ്രഹണം ദൃശ്യമാകുന്നതായിരിക്കും. ഭൂമി ഈ ദിവസം സൂര്യനും ചന്ദ്രനും ഇടയിലൂടെ കടന്നുപോകുമ്പോള്‍ ഇരുട്ടിലാവുക. ഇത് പതിവില്‍ കൂടുതല്‍ സമയം നീണ്ടുനില്‍ക്കുമെന്നാണ് നാസ വ്യക്തമാക്കുന്നത്.

സൂര്യപ്രകാശത്തില്‍ നിന്നുമുള്ള ഭൂമിയുടെ നിഴല്‍ ചന്ദ്രനില്‍ പതിക്കുന്നതിനെയാണ് ചന്ദ്രഗ്രഹണം എന്നു പറയപ്പെടുന്നത്. സൂര്യനും ഭൂമിയും ചന്ദ്രനും ഒരേ നേര്‍രേഖയില്‍ വരുമ്പോഴാണ് ചന്ദ്രഗ്രഹണം ദൃശ്യമാകുക. ഇത്തരത്തിലുള്ള ഗ്രഹണ സമയത്ത് ചന്ദ്രന്‍ ചുവപ്പ് കലര്‍ന്ന നിറത്തില്‍ കാണപ്പെടുകയാണ്. പൂര്‍ണ്ണചന്ദ്രനില്‍ മാത്രമേ ഇത്തരത്തിലുള്ള ഗ്രഹണം ഉണ്ടാകുകയുള്ളു.

അതേസമയം പുലര്‍ച്ചെ നാല് മണിയോടെയാവും ഇത് അമേരിക്കയില്‍ ദൃശ്യമാവുക. ഭൂമി ചന്ദ്രന്റെ 97 ശതമാനവും നിഴലിലാകുകയാണ് ചെയ്യുന്നത്. മൂന്ന് മണിക്കൂര്‍ 28 മിനുട്ട്, 23 സെക്കന്‍ഡാണ് നാസ പറയുന്ന കൃത്യമായ ഗ്രഹണ ദൈര്‍ഘ്യം എന്നത്. അതായത് 2001നും 2100നും ഇടയില്‍ സംഭവിക്കുന്ന ഏതൊരു ചന്ദ്ര ഗ്രഹണത്തേക്കാളും ദൈര്‍ഘ്യമുണ്ടാവും ഈ ഗ്രഹണത്തിന്. എന്നാൽ ലോകത്ത് എല്ലാ രാജ്യങ്ങളിലും ഈ ചന്ദ്ര ഗ്രഹണം ദൃശ്യമാകില്ല. അമേരിക്കയിലെ 50 സംസ്ഥാനങ്ങളിലും ചന്ദ്രഗ്രഹണം കൃത്യമായി കാണുവാൻ സാധിക്കുന്നതാണ്. കാനഡ, മെക്‌സിക്കോ എന്നീ രാജ്യങ്ങള്‍ക്കും ചന്ദ്രഗ്രഹണം ദൃശ്യമാകും. ടെലസ്‌കോപ്പോ ബൈനോക്കുലറോ ഇല്ലാതെ തന്നെ ചന്ദ്രഗ്രഹണം കാണാനും സാധിക്കും.

ഈ ദിവസം പുറത്തിറങ്ങി പുലര്‍ച്ചെ 2.19നും 5.47നും ഇടയില്‍ ആകാശത്തേക്ക് നോക്കിയാല്‍ ചന്ദ്രഗ്രഹണം ദൃശ്യമാകുന്നതാണ്. ദക്ഷിണ അമേരിക്കയിലെയും പശ്ചിമ യൂറോപ്പിലെയും ജനങ്ങള്‍ക്ക് ചന്ദ്രഗ്രഹണത്തെ പൂര്‍ണം അര്‍ത്ഥത്തില്‍ ദൃശ്യമാകുമെന്ന് നാസ പറയുന്നു. ഈ ചന്ദ്രഗ്രഹണം പശ്ചിമ ഏഷ്യയിലെയും ഓഷ്യാനിയ രാജ്യങ്ങളിലും ഉള്ളവര്‍ക്ക് നഷ്ടമാകുന്നതാണ്. ഈ സമയത്ത് ചന്ദ്രന്‍ ഇത്തരം രാജ്യങ്ങളില്‍ ഉദിച്ചിട്ടുണ്ടാവില്ല. കൂടാതെ ആഫ്രിക്കയിലും മധ്യേഷ്യയിലും ഉള്ളവര്‍ക്ക് ദൈര്‍ഘ്യമേറിയ ചന്ദ്രഗ്രഹണം കാണാനേ സാധിക്കില്ല എന്നാണ് സൂചന. എന്നാൽ ഗ്രഹണം നഷ്ടമായെന്ന് കരുതി വിഷമിക്കേണ്ടതില്ല. കാരണം അടുത്ത എട്ട് ദശാബ്ദങ്ങള്‍ക്കുള്ളില്‍ 179 ഗ്രഹണങ്ങളാണ് നടക്കാനുള്ളതെന്ന് നാസ പ്രവചിക്കുകയുണ്ടായി.

ചന്ദ്രഗ്രഹണവുമായി ബന്ധപ്പെട്ട രസകരമായ വസ്തുതകള്‍ ഇങ്ങനെ;

1, ചില ചന്ദ്രഗ്രഹണം 3 മണിക്കൂര്‍ 45 മിനിറ്റ് വരെ നീണ്ടുനില്‍ക്കുന്നതാണ്.

2, സാധാരണയായി ഗ്രഹണങ്ങള്‍ സൂര്യനില്‍ നിന്ന് ചന്ദ്രനിലേക്ക് മാറിമാറി വരാറുമുണ്ട്.

3, സാധാരണയായി ചന്ദ്രഗ്രഹണം സംഭവിക്കുന്നത് ഒരു വര്‍ഷത്തില്‍ മൂന്ന് തവണയാണ്.

4, പൊതുവെ പ്രതിവര്‍ഷം ചന്ദ്രഗ്രഹണങ്ങളേക്കാള്‍ കൂടുതല്‍ സൂര്യഗ്രഹണങ്ങള്‍ ഉണ്ടാകാറുണ്ട്.

5, ഭാഗികം, പൂര്‍ണ്ണം, പ്രീ-നമ്പ്രല്‍ എന്നിങ്ങനെ മൂന്ന് തരത്തിലുള്ള ചന്ദ്രഗ്രഹണമാണുള്ളത്.

6, ഒരു ഭാഗിക ചന്ദ്രഗ്രഹണ സമയത്ത് ചന്ദ്രന്റെ ഒരു ഭാഗം മാത്രമേ ഭൂമിയുടെ നിഴലിലൂടെ കടന്നുപോകുന്നത്.

7, പൂര്‍ണ്ണ ചന്ദ്രന്റെ മുന്നിലൂടെ ഭൂമി നേരിട്ട് കടന്നുപോകുമ്പോഴാണ് പൂര്‍ണ ചന്ദ്രഗ്രഹണം സംഭവിക്കുന്നത് തന്നെ.

8, ഭൂമിയുടെ അന്തരീക്ഷത്തിന്റെ ഘടനയിലെ വ്യതിയാനം കാരണം പൂര്‍ണ്ണ ചന്ദ്രഗ്രഹണ സമയത്ത് ചന്ദ്രന്റെ രൂപവും അന്ധകാരവും വ്യത്യാസപ്പെട്ടിരിക്കുന്നു.

9, വീഴ്ച്ച എന്നര്‍ത്ഥം വരുന്ന ഗ്രീക്ക് പദത്തില്‍ നിന്നാണ് ചന്ദ്രഗ്രഹണം എന്ന വാക്ക് വന്നിരിക്കുന്നത്.

അതേസമയം ഒരു വര്‍ഷം രണ്ട് ഗ്രഹണങ്ങള്‍ എന്ന നിരക്കിലാണ് ഉണ്ടാകുക. 2022 മെയ് 16നാണ് അടുത്ത ഗ്രഹണം. 2021നും 2030നും ഇടയില്‍ ഭാഗികമായത് അടക്കം 20 ചന്ദ്രഗ്രഹണങ്ങളാണ് ദൃശ്യമാകുന്നത്. അടുത്ത 80 വര്‍ഷത്തിനുള്ളില്‍ ഇത് 228 ആകുമെന്നാണ് കണ്ടെത്തൽ. കൂടാതെ ഇന്ത്യയിലെ ചില ഭാഗങ്ങളില്‍ ഈ ചന്ദ്രഗ്രഹണം ദൃശ്യമാകും. വടക്കുകിഴക്കന്‍ മേഖലയിലുള്ളവര്‍ക്കാണ് ഇത് കാണാന്‍ സാധിക്കുന്നത്. അസമും അരുണാചല്‍ പ്രദേശുമൊക്കെ ഇതില്‍ ഉൾപ്പെടുന്നു.