ഏതൊരു വിമാനത്താവളത്തിൽ എത്തിയാലും ലഗേജ് ചെക്ക് ചെയ്യുന്നത് പതിവ് കാഴ്ചയാണ്. ഇത്തരത്തിൽ വിമാനത്തിൽ കൊണ്ടുപോകുന്നതിന് ചില നിയന്ത്രണങ്ങൾ എല്ലായിടത്തുമുണ്ട്. അത്തരത്തിൽ അമേരിക്കയിൽ വിമാനത്തിലെ യാത്രക്കാർ ഒപ്പം കരുതുന്ന ബാഗിൽ 100 മില്ലി ലിറ്റർ മദ്യം മാത്രമേ കരുതാനാകുകയുള്ളു. അതിൽ കൂടുതൽ കൊണ്ടുപോകണമെങ്കിൽ തന്നെ ചെക്ക്-ഇൻ ബാഗിൽ (വിമാനത്തിന്റെ ലഗേജ് റാക്കിൽ പോകുന്ന ബാഗിൽ) മാത്രമേ സൂക്ഷിക്കാൻ സാധിക്കുകയുള്ളു.

അങ്ങനെ കഴിഞ്ഞ ദിവസം അമേരിക്കയിലെ മിയാമിയിൽ നിന്നും ഫ്ളോറിഡയിലേക്ക് പുറപ്പെട്ട വിമാനത്തിൽ കയറാനെത്തിയ കുറച്ച് യുവതികൾ ഇക്കാര്യം മറന്ന് രണ്ട് മദ്യക്കുപ്പികൾ തങ്ങളുടെ ഹാൻഡ്ബാഗിൽ സൂക്ഷിക്കുകയുണ്ടായി.

ഒടുവിൽ എയർപോർട്ടിലെ സെക്യൂരിറ്റി ചെക്ക്-ഇൻ എത്തിയപ്പോൾ സുരക്ഷാ ഉദ്യോഗസ്ഥർ ഈ മദ്യകുപ്പികളുമായി വിമാനത്തിൽ കയറാൻ പറ്റില്ല എന്ന് യുവതികളോട് പറയുകയുണ്ടായി. അധികൃതരുടെ നിർദ്ദേശം പാടേ അനുസരിച്ച യുവതികൾ ചെയ്തതത് കാണണം. ഓരോ മദ്യ കുപ്പികളും തുറന്ന് അല്പം കുടിച്ചു. പിന്നീട് തങ്ങളോടൊപ്പം ക്യൂവിൽ നിൽക്കുകയായിരുന്ന സകലർക്കും സൗജന്യമായി മദ്യം വിളമ്പുകയായിരുന്നു.

@latinnbella എന്ന ഉപയോക്താവ് സംഭവത്തിന്റെ വീഡിയോ ടിക് ടോക്കിൽ പോസ്റ്റ് ചെയ്തതോടെയാണ് സംഭവം മാറിയത്. "ഹാൻഡ് ബാഗ് വഴി കുപ്പികൾ കൂടെകൊണ്ടുപോകാൻ അവർ (സുരക്ഷാ ഉദ്യോഗസ്ഥർ) ഞങ്ങളെ അനുവദിച്ചില്ല, അതിനാൽ ഞങ്ങൾ വരിയിലുള്ള എല്ലാവർക്കും ഷോട്ടുകൾ നൽകി," എന്നും വീഡിയോയുടെ അടിക്കുറിപ്പ് പറയുന്നു.

അതേസമയം വീഡിയോയിൽ, സ്ത്രീകളിലൊരാൾ ഒരു കുപ്പി സിറോക് വോഡ്ക കുടിക്കുന്നതും മറ്റൊരാൾ ഒരു കുപ്പി പൈനാപ്പിൾ മാലിബു റം കൈമാറുന്നതും കാണാൻ സാധിക്കും. ക്യൂ നിന്നവർ ഓരോരുത്തരായി വോഡ്ക കുടിച്ചു തീർത്തപ്പോൾ സുരക്ഷാ ഉദ്യോഗസ്ഥർ ചിരിക്കുന്നതും കാണാം. 12 ദശലക്ഷത്തിലധികം ജനങ്ങളാണ് വിവിധ സോഷ്യൽ മീഡിയ പ്ലാറ്റഫോമിലൂടെ ഈ വീഡിയോ കണ്ടത്. ഭൂരിഭാഗം നെറ്റിസൻമാരും സ്ത്രീകളെ ഹീറോകളായി വാഴ്ത്തിയപ്പോൾ, യാത്രക്കാർ മാസ്ക് അഴിച്ചു മാറ്റി മദ്യസേവാ നടത്തിയതിനെ വിമർശിക്കുന്നവരും ഇതിൽ ഉൾപ്പെടുന്നുണ്ട്.

പിന്നാലെ കുപ്പി കാലിയാക്കിയ ശേഷം എല്ലാ യാത്രക്കാരും വിമാനത്തിൽ കയറുകയും മിയാമിയിൽ ലാൻഡ് ചെയ്തു എന്നും ടിക്ക്റ്റോക്കർ രണ്ടാമത്തെ വീഡിയോ പോസ്റ്റ് ചെയ്തിട്ടുണ്ട്.