സാമൂഹ്യ മാധ്യമങ്ങളായ ടിക്ടോക്ക്, ഇൻസ്റ്റഗ്രാം, യുട്യൂബ് എന്നിവ വഴി വരുമാനമുണ്ടാക്കുവാൻ സാധിക്കുമോ? എന്നാൽ അങ്ങനെ സമ്പാദിക്കുന്നവരുണ്ട് കേട്ടോ. അത്തരത്തിലൊരു വ്യക്തിയെ നമുക്ക് പരിചയപ്പെടാം .ലക്ഷങ്ങൾ അല്ല കോടികളാണ് സമ്പാദിക്കുന്നത്.

ഇൻസ്റ്റഗ്രാമിലും ടിക് ടോക്കിലും എക്സൽ ടിപ്സ് വിഡിയോകൾ പോസ്റ്റ് ചെയ്താണ് ഓൺലൈൻ അധ്യാപിക പ്രതിമാസം 1 കോടിയിലേറെ രൂപ സമ്പാദിക്കുന്നത്. ദിവസം ഒരു ലക്ഷം ഡോളർ വരെ വരുമാനം ലഭിക്കുന്നുണ്ടെത്രേ .

പലർക്കും ബാലികേറാമലയാണ് മൈക്രോസോഫ്റ്റ് എക്സൽ, ഗൂഗിൾ ഷീറ്റുകൾ പഠിച്ചെടുക്കുക. പക്ഷേ ഇക്കാര്യത്തിൽ മികവ് തെളിയിച്ചിരിക്കുകയാണ് കാറ്റ് നോർട്ടൺ. തന്റെ ആരാധകരെ എംഎസ് എക്സൽ ടിപ്സും തന്ത്രങ്ങളും പഠിപ്പിക്കാൻ ഇവർ പോസ്റ്റ് ചെയ്യുന്ന വിഡിയോകളെല്ലാം വൻ ജനപ്രീതി നേടുന്നുമുണ്ട്. എന്നാൽ കോഴ്സുകളുടെ വിഡിയോ പതിവായി കിട്ടാനായി പണം നൽകി സബ്സ്ക്രൈബ് ചെയ്യണം.

തിങ്ക്‌ഫിക്കിൽ ഹോസ്റ്റുചെയ്യുന്ന അവരുടെ വിഡിയോ കോഴ്‌സുകളുടെ മാർക്കറ്റിങ് ചാനലുകളായാണ് സമൂഹ മാധ്യമ പ്ലാറ്റ്‌ഫോമുകൾ ഉപയോഗിക്കുന്നത്. ഒരു കോഴ്സിന് 297 ഡോളർ മുതലാണ് വാങ്ങുന്നത്. മൈക്രോസോഫ്റ്റ് ഓഫിസ് സ്യൂട്ട് കോഴ്സുകൾ മുഴുവൻ ലഭിക്കാൻ 997 ഡോളർ നൽകിയാൽ മതി.

ഒരു വർഷത്തിനുള്ളിൽ ഇൻസ്റ്റഗ്രാം, ടിക്ടോക്ക് പ്ലാറ്റ്ഫോമുകളിൽ 10 ലക്ഷത്തിലധികം ഫോളോവേഴ്‌സിനെയും കാറ്റ് നോർട്ടൺ നേടി . പക്ഷേ ഇത്രയും ഫോളവേഴ്സിനെ കിട്ടാൻ കാരണം മൈക്രോസോഫ്റ്റ് എക്സൽ, ഗൂഗിൾ സ്പ്രെഡ്ഷീറ്റ് എന്നിവയുമായി ബന്ധപ്പെട്ടുള്ള വിഡിയോകൾ കാരണമാണ് . പഠിക്കാൻ ഭയങ്കര പാടായ മൈക്രോസോഫ്റ്റ് എക്സൽ, ഗൂഗിൾ സ്പ്രെഡ്ഷീറ്റ് എന്നിവയുടെ പാഠങ്ങൾ രസകരമായാണ് ഇവർ പരിചയപ്പെടുത്തുന്നത്.

27 കാരിയായ കാറ്റ് നോർട്ടൺ തന്റെ കോർപ്പറേറ്റ് ജോലി ഉപേക്ഷിച്ചായിരുന്നു മൈക്രോസോഫ്റ്റ് എക്സൽ ഓൺലൈനിൽ പഠിപ്പിക്കാനിറിങ്ങിയത്. 2020 നവംബറിലായിരുന്നു ഓൺലൈൻ ടീച്ചിങ് ബിസിനസ്സ് ആരംഭിച്ചത്.

മൈക്രോസോഫ്റ്റ് എക്സൽ പ്രോഗ്രാമിലെ അറിയപ്പെടാത്ത സൂത്രങ്ങളെയും ടിപ്പുകളെയും കുറിച്ച് കാറ്റ് നോർട്ടൺ രസകരമായ വിഡിയോകൾ നിർമിച്ചു . കൂടുതൽ പഠിതാക്കളെകിട്ടിയപ്പോൾ കൂടുതൽ സമയം നീക്കിവെക്കാൻ സാധിച്ചു.

കാറ്റ് നോർട്ടൺ അല്ലെങ്കിൽ മിസ് എക്സൽ ഇപ്പോൾ ഒരു മുഴുവൻ സമയ പരിശീലകയായി മാറി . മൈക്രോസോഫ്റ്റ് എക്സൽ, ഗൂഗിൾ ഷീറ്റുകൾ എന്നിവയിൽ മാത്രമല്ല മറ്റ് മൈക്രോസോഫ്റ്റ്, ഓൺലൈൻ ഉൽപന്നങ്ങളുടെ ഓൺലൈൻ കോഴ്സുകളും ഇവർ വിഡിയോയിലൂടെ പഠിപ്പിക്കുന്നുണ്ട്.

2021 ഏപ്രിലിലായിരുന്നു ഇവർക്ക് ആദ്യത്തെ ആറ് അക്ക വരുമാനം ലഭ്യമായത് . ഓൺലൈൻ ക്ലാസ് തുടങ്ങി ആറ് മാസത്തിനുള്ളിലായിരുന്നു ഈ നേട്ടംസ്വന്തമാക്കിയത്. ഇന്ന് മിക്ക ദിവസങ്ങളിലും ഒരു ലക്ഷം ഡോളർ വരെയാണ് അക്കൗണ്ടിലേക്ക് എത്തുന്നത്.