മ്യാന്‍മറിലെ ജനകീയ നേതാവ് ഓംഗ് സാന്‍ സൂചിക്ക് നാല് വര്‍ഷത്തെ തടവ് വിധിച്ച് പട്ടാള നിയന്ത്രണത്തിലുള്ള കോടതി. കോവിഡ് നിയന്ത്രണങ്ങള്‍ ലംഘിച്ചുവെന്നും പട്ടാളത്തിനെതിരെ ജനവികാരം തിരിച്ചുവിട്ടുവെന്നും ചൂണ്ടിക്കാട്ടിയാണ് ശിക്ഷ.


കോവിഡ് നിയന്ത്രണങ്ങള്‍ ലംഘിച്ചതിന് രണ്ടുവര്‍ഷത്തെ തടവുശിക്ഷയാണ് വിധിച്ചത്. പട്ടാളത്തിനെതിരെ ജനവികാരം തിരിച്ചു എന്ന കുറ്റം ചുമത്തിയാണ് രണ്ടു വര്‍ഷം കൂടി ജയില്‍ ശിക്ഷയ്ക്ക് ഉത്തരവിട്ടത്.

പട്ടാള അട്ടിമറിയിലൂടെ ഫെബ്രുവരിയിലാണ് ഓംഗ് സാന്‍ സൂചിയെ അധികാരത്തില്‍ നിന്നും പുറത്താക്കിയത്. തെരഞ്ഞെടുപ്പില്‍ ഓംഗ് സാന്‍ സൂചിയുടെ നാഷണല്‍ ലീഗ് ഫോര്‍ ഡെമോക്രസി പാര്‍ട്ടി വിജയം ഉറപ്പിച്ചിരുന്നു.