കൊവിഡ് ഒമൈക്രോൺ ആശങ്കകൾക്കിടയിൽ പുതുവർഷം പിറന്നു. പസഫിക് സമുദ്രത്തിലെ സമാവോ കിരിബാത്തി ദ്വീപുകളിലാണ് പുതുവർഷം ആദ്യമെത്തിയത്. തൊട്ടുപിന്നാലെ ന്യൂസിലന്‍ഡിലും പുതുവര്‍ഷമെത്തി. ഓക് ലാന്‍ഡ് ഹാര്‍ബര്‍ ബ്രിജിലെ സ്‌കൈ ടവറില്‍ കൗണ്ട് ഡൗണോടു കൂടി 2022നെ സ്വീകരിച്ചു. പിറകെ സമീപ പ്രദേശങ്ങളായ സമോവ, ക്രിസ്മസ് ദ്വീപ് എന്നിവിടങ്ങളിലും പുതുവത്സരമെത്തി.

നിയന്ത്രണങ്ങള്‍ പാലിച്ചു കൊണ്ട് ആഘോഷമായാണ് ന്യൂസിലന്‍ഡ് ഈ പുതുവര്‍ഷത്തെ വരവേറ്റത്. കൂടിച്ചേരലുകള്‍ക്കും ആഘോഷങ്ങള്‍ക്കും അതിരിട്ടാണ് ഇത്തവണയും ലോകം പുതുവര്‍ഷത്തെ വരവേല്‍ക്കുന്നത്. ഇനിയും തീരാത്ത വൈറസ് വ്യാപനത്തിന്റെ ആശങ്കയിലും, വര്‍ണങ്ങളും വെളിച്ചവും നിറയുന്ന പ്രതീക്ഷയുടെ പുതുവത്സരം തുടങ്ങുന്നുവെന്ന് ന്യൂസിലന്‍ഡിലെ ഓക്‌ലന്‍ഡിലെ ഹാര്‍ബര്‍ ബ്രിഡ്ജില്‍ നിന്നുള്ള ഈ കാഴ്ചകള്‍ പറയുന്നു.

ന്യൂസിലാന്‍ഡിലെ പ്രധാന നഗരമായ ഓക്‌ലാന്‍ഡില്‍ വെടിക്കെട്ടോടെയാണ് ലോകം പുതുവര്‍ഷത്തെ വരവേറ്റത്. ഓസ്‌ട്രേലിയയും പുതുവര്‍ഷത്തെ വരവേല്‍ക്കാന്‍ ഒരുങ്ങിയിരിക്കുകയാണ്. ഓസ്‌ട്രേലിയന്‍ നഗരമായ സിഡ്‌നിയിലും ആഘോഷങ്ങള്‍ക്ക് തിരിതെളിഞ്ഞു. സിഡ്‌നി ഒപ്പേറ ഹൗസിലും ഹാര്‍ബര്‍ ബ്രിഡ്ജിലും വെടിക്കെട്ട് നടത്തിയാണ് പുതിയ വർഷത്തെ വരവേൽക്കാനൊരുങ്ങുന്നത്.

ഇന്ത്യന്‍ സമയരം രാത്രി എട്ടരയോടെ ജപ്പാന്‍, ദക്ഷിണ കൊറിയ എന്നിവിടങ്ങളിലും പുതുവർഷം മിഴിതുറക്കും.ഇന്ത്യൻ സമയം രാത്രി പത്തരയ്ക്ക് ഇന്തോനീഷ്യയില്‍ പുതുവര്‍ഷമെത്തും. ഇന്ത്യന്‍ സമയം രാവിലെ പത്തരയ്‌ക്കാണ്‌ ലോകത്തിലെ ഏറ്റവും വലിയ പുതുവത്സര ആഘോഷം നടക്കുന്ന ന്യൂയോര്‍ക്കിൽ പുതുവർഷമെത്തുന്നത്. ന്യൂയോര്‍ക്കിനൊപ്പം വാഷിങ്ടണ്ണും പുതുവർഷം ആ സമയത്തു തന്നെയാണ് ആഘോഷിക്കുന്നത്.