ഇതെന്തൊരു മെലിയലാ ? മിസൈലുകളെക്കുറിച്ചു ആണവായുധങ്ങളെക്കുറിച്ചും സംസാരിക്കുന്ന കിം ഇപ്പോള് പറയുന്നത് ഭക്ഷ്യസുരക്ഷയെക്കുറിച്ച്; വീണ്ടും ചര്ച്ചയായി കിം ജോങ് ഉന്നിന്റെ രൂപമാറ്റം
കെട്ടിലും മട്ടിലുമൊക്കെ അടിമുടി മാറിയിരിക്കുകയാണിപ്പോള് ഉത്തരകൊറിയന് ഭരണാധികാരി കിം ജോങ് ഉന്. തിരിച്ചറിയാന് പോലും കഴിയാത്ത വിധം അദ്ദേഹം മാറിയിരിക്കുകയാണെന്നാണ് ഇപ്പോള് പുറത്തുവരുന്ന റിപ്പോര്ട്ടുകള്.
കുറച്ച് മാസങ്ങള്ക്ക് മുന്പ് അമിത ശരീരഭാരം കൊണ്ട് ബുദ്ധിമുട്ടിയിരുന്ന അദ്ദേഹത്തിന്റെ പുതിയ മാറ്റമാണ് എല്ലാവരെയും ഞെട്ടിച്ചിരിക്കുന്നത്. ഭരണത്തില് പത്തു കൊല്ലം തികച്ച കിം.
പുതിയ പ്രസംഗങ്ങളിലും ഫോട്ടൊകളിലുമൊക്കെ ആളാകെ മാറിപ്പോയിരിക്കുന്നു. കൊറിയ വര്ക്കേഴ്സ് പാര്ട്ടി സെന്ട്രല് കമ്മിറ്റിയുടെ പ്ലീനറി യോഗത്തിനെത്തിയ മെലിഞ്ഞ കിം ആണവായുധങ്ങളെക്കുറിച്ചുള്ള പതിവ് വീരവാദങ്ങളെല്ലാം മാറ്റി ഭക്ഷ്യസുരക്ഷയെക്കുറിച്ചാണ് സംസാരിച്ചത്.
കിമ്മിന്റെ അമിതഭാരവും, പുകവലിയും അദ്ദേഹത്തിന്റെ ആരോഗ്യത്തെക്കുറിച്ചുമെല്ലാം വര്ഷങ്ങളായി ഊഹാപോഹങ്ങള്ക്ക് വിഷയമായിരുന്നു. അദ്ദേഹത്തിന്റെ കുടുംബത്തിന് ഹൃദ്രോഗത്തിന്റെ ചരിത്രമുള്ളതിനാല് അദ്ദേഹത്തിന്റെ ആരോഗ്യകാര്യങ്ങളെ കുറിച്ച് പലതരം ചര്ച്ചകള് നടന്നിട്ടുമുണ്ട്.
മിസൈലുകള്ക്കിടയിലൂടെ പോകുന്ന തടിച്ച രൂക്ഷ സ്വഭാവുമുള്ള കിം ഇപ്പോള് തീരെ മെലിഞ്ഞ് പോയിരിക്കുകയാണ്. 2011 ഡിസംബറിലാണ് കിമ്മിന്റെ പിതാവും ദീര്ഘകാല ഭരണാധികാരിയുമായ കിം ജോങ് ഇല് അന്തരിച്ചത്. പിതാവിന്റെ മരണശേഷം കിം ജോങ് ഉന് അധികാരം കൈയ്യടക്കുകയും ഉത്തര കൊറിയയുടെ ആണവ, മിസൈല് ആയുധശേഖരം ശക്തിപ്പെടുത്താനുള്ള ശ്രമങ്ങള് ആരംഭിക്കുകയും ചെയ്തു.
ഇതിന് മുമ്പും പുതുവര്ഷത്തോടനുബന്ധിച്ച് കിം പ്രധാന നയപ്രഖ്യാപനങ്ങള് നടത്തിയിരുന്നു. 2018ല് ദക്ഷിണ കൊറിയയിലെ വിന്റര് ഒളിമ്പിക്സിലേക്ക് പ്രതിനിധിയെ പ്രഖ്യാപിച്ചതും 2019ല് അന്നത്തെ യു.എസ് പ്രസിഡന്റായ ഡൊണാള്ഡ് ട്രംപുമായി ചര്ച്ച തുടരാന് ആഗ്രഹമറിയിച്ചതുമെല്ലാം പുതുവര്ഷത്തോട് അടുപ്പിച്ചുള്ള പ്രഖ്യാപനങ്ങളായിരുന്നു. എന്നാല് കൊറിയയില് ജനങ്ങള് കടുത്ത ദാരിദ്ര്യത്തിലാണെന്നുള്ള റിപ്പോര്ട്ടുകളും പുറത്തുവരുന്നുണ്ട്.
"
https://www.facebook.com/Malayalivartha