തണുപ്പായതിനാൽ മുറി ചൂടാക്കാനായി രാത്രിയിൽ കൽക്കരി കത്തിച്ചു, വിഷപ്പുക ശ്വസിച്ച അമ്മയ്ക്കും മൂന്ന് കുട്ടികൾക്കും ദാരുണാന്ത്യം
മുറി ചൂടാക്കാനായി കൽക്കരി കത്തിച്ചതിനെ തുടർന്നുണ്ടായ വിഷപ്പുക ശ്വസിച്ച അമ്മയ്ക്കും മൂന്ന് കുട്ടികൾക്കും ദാരുണാന്ത്യം. ലെബനിലെ ഖരയാബിലാണ് സംഭവമുണ്ടായത്. രാത്രിയിൽ തങ്ങളുടെ മുറി ചൂടാക്കാൻ കുടുംബം കൽക്കരി ഉപയോഗിച്ചപ്പോഴാണ് അപകടമുണ്ടായത്. ഉറക്കത്തിലായിരുന്നു മരണം സംഭവിച്ചത്. അപകടത്തിൽ നിന്ന് ഇവരുടെ പിതാവ് മഹേർ അൽ അബ്ദല്ല രക്ഷപ്പെട്ടു. എട്ട്, ഏഴ്, നാല് എന്നീ പ്രായത്തിലുള്ള കുട്ടികളാണ് മരിച്ചത്.
ആശുപത്രിയില് എത്തിച്ചെങ്കിലും നാലു പേരുടെയും മരണം സ്ഥിരീകരിക്കുകയായിരുന്നു. തുടര്ന്ന് മൃതദേഹങ്ങള് സംസ്കരിക്കാന് കൊണ്ടുപോയതായി റെസാല ഹെല്ത്ത് ആംബുലന്സ് അസോസിയേഷന്റെ ഉദ്യോഗസ്ഥനായ യൂസഫ് അല്-ദോര് പറഞ്ഞു.
വീടിനുള്ളില് കല്ക്കരി കത്തിക്കുന്നതിലൂടെ ബെൻസീൻ, കാര്ബണ് മോണോക്സൈഡ്, ഫോര്മാല്ഡിഹൈഡ്, പോളിസൈക്ലിക് ആരോമാറ്റിക് ഹൈഡ്രോകാര്ബണുകള് എന്നിങ്ങനെ നിരവധി ദോഷകരമായ രാസവസ്തുക്കള് വായുവില് കലരുന്നതിന് കാരണമാകുന്നതായി യുഎസ് നാഷണല് ഇന്സ്റ്റിറ്റ്യൂട്ട് ഓഫ് ഹെല്ത്തിലെ നാഷണല് ക്യാന്സര് ഇന്സ്റ്റിറ്റ്യൂട്ട് അഭിപ്രായപ്പെട്ടു.
https://www.facebook.com/Malayalivartha
