ഈ അടുത്തിടെ ഗൂഗിൾ തങ്ങളുടെ സെർച്ച് റിസൽറ്റിന്റെ റിപ്പോർട്ട് പുറത്തുവിട്ടിരുന്നു. അതിൽ സ്ത്രീകളുടെ ഇൻ്റർനെറ്റ് ഉപയോഗവുമായി ബന്ധപ്പെട്ട നിരവധി കാര്യങ്ങളാണ് അവതരിപ്പിച്ചിരിക്കുന്നത്. പുതിയ റിപ്പോർട്ട് പ്രകാരം രാജ്യത്തെ 150 ദശലക്ഷം ഇന്റർനെറ്റ് ഉപയോക്താക്കളിൽ, ഇന്ത്യയിലെ ഏകദേശം 60 ദശലക്ഷം സ്ത്രീകൾ ഇപ്പോൾ ഓൺലൈനിലാണെന്നും അവരുടെ ദൈനംദിന ജീവിതം മെച്ചപ്പെടുത്താൻ അവർ ഇന്റർനെറ്റിനെ കൂട്ടുപിടിക്കുന്നുവെന്നും റിപ്പോർട്ടിൽ പറയുന്നു. ഇതിൽ 75 ശതമാനം സ്ത്രീകളും15-34 വയസിനിടയിലുള്ളവരാണ്.

വലുതാകുമ്പോൾ എന്താകണം, എന്ത് ചെയ്യണം എന്നീ കാര്യങ്ങളിൽ കുറച്ചുകൂടി ശ്രദ്ധ കേന്ദ്രീകരിക്കുന്നവരാണ് പെൺകുട്ടികൾ.അതിനാൽ തന്നെ അവർ അവരുടെ കരിയറിന് പരമാവധി പ്രാധാന്യവും നൽകാറുണ്ട്. ഒപ്പം ഇതുമായി ബന്ധപ്പെട്ട വിവരങ്ങൾ ഇന്റർനെറ്റിൽ തെരയുകയും ചെയ്യുന്നുണ്ട്. എന്ത് ജോലി തെരഞ്ഞെടുക്കണം അത് എങ്ങനെ തെരഞ്ഞെടുക്കണം അല്ലെങ്കിൽ ഏത് കോഴ്സ് ചെയ്യണം ഏത് ചെയ്താൽ ജോലിക്ക് ഉപകരിക്കും എന്നിങ്ങനെയുള്ള കാര്യങ്ങളാണ് സ്ത്രീകളായാലും പെൺകുട്ടികളായാലും കൂടുതൽ തെരയുന്നത്.

ഇതുകൂടാതെ ഇവർ ഏറ്റവും കൂടുതൽ തെരയുന്നത് ഓൺലൈൻ ഷോപ്പിംഗ് സൈറ്റുകളാണ്. പുതിയ വസ്ത്ര ഡിസൈനുകൾ, കളക്ഷനുകൾ, ഓഫറുകൾ എന്നിവയെക്കുറിച്ച് കൂടുതൽ തെരയുന്നു. ഇക്കാര്യം നേരത്തെയും പല ഗവേഷണങ്ങളിലും പറഞ്ഞിട്ടുണ്ട് പെൺകുട്ടികളായാലും ശരി സ്ത്രീകളായാലും ശരി എപ്പോഴും സുന്ദരിയായിരിക്കുവാനും വ്യത്യസ്തയാകുവാനും ശ്രമിക്കാറുണ്ട്.

അതിനായി അവർ ഇന്റർനെറ്റിന്റെ സഹായം തേടുന്നു. ഫാഷൻ, ട്രെൻഡുകൾ, സൗന്ദര്യ ചികിത്സകൾ, വീട്ടുവൈദ്യങ്ങൾ എന്നിവയെ കുറിച്ച് അന്വേഷിക്കാനാണ് ഇവർ ഏറെ ഇഷ്ടപ്പെടുന്നത്. പെൺകുട്ടികൾക്ക് മൈലാഞ്ചി ഇടുന്നതും വളരെ ഇഷ്ടമാണ്. ഇതും ഈ ഗവേഷണത്തിൽ ഉയർന്നു വന്നിട്ടുണ്ട്.

ഗൂഗിളിൽ പെൺകുട്ടികൾ മൈലാഞ്ചിയുടെ ഏറ്റവും പുതിയ ഡിസൈനുകൾ തെരയാറുണ്ട്. പൊതുവെ എല്ലാവർക്കും സംഗീതം കേൾക്കാൻ ഇഷ്ടമാണ്. എങ്കിലും പെൺകുട്ടികൾ ഏറ്റവും കൂടുതൽ തെരയുന്ന ഒന്നാണ് സംഗീതം. പെൺകുട്ടികൾ ഇന്റർനെറ്റിൽ റൊമാന്റിക് ഗാനങ്ങൾ ധാരാളം തെരയുകയും കേൾക്കുകയും ചെയ്യുന്നു. പ്രണയാർദ്രമായ കവതികളും പെൺകുട്ടികൾ കൂടുതലായി ഇന്റർനെറ്റിൽ തെരയാറുണ്ട്.