ഞങ്ങള്‍ യുദ്ധം അവസാനിപ്പിക്കുന്ന ഘട്ടത്തിലാണ്.. ആദ്യ ഘട്ടം അവസാനിച്ചു യുക്രൈന്റെ സൈനീക ശേഷി ഞങ്ങള്‍ക്ക് കുറയ്ക്കാനായി. എന്നൊക്കെ ഒരു ലോക രണ്ടാം നമ്പര്‍ സൈന്യം യുക്രൈന്‍ യുദ്ധത്തില്‍ പറയേണ്ടി വരുന്നൊരു അവസ്ഥ അതി ദയനീയമാണ്.. അതി ശക്തമായ തിരിച്ചടികള്‍ക്കിടയിലാണ് റഷ്യ ഇങ്ങനെ ഒരു നിലപാടെടുക്കുന്നത്.

കഴിഞ്ഞ ദിവസം തന്നെ റഷ്യയ്ക്ക് വലിയൊരു നഷ്ടം സംഭവിച്ചു.. യുക്രൈനില്‍ യുദ്ധം ചെയ്യുന്നതിനിടെ റഷ്യയുടെ ഒരു ബ്രിഗേഡ് കമാന്‍ഡര്‍ കൊല്ലപ്പെട്ടു. ശത്രു സൈന്യത്തിന്റെ ആക്രമണത്തിലല്ല അദേഹം കൊല്ലപ്പെടുന്നത് സ്വന്തം സൈന്യത്തില്‍ നിന്നേറ്റ ടാങ്ക് ആക്രമണത്തില്‍ നിന്നാണ്.. കേണല്‍ യൂറി മെദ്‌വദേവിന്റെ 37ാമത് മോട്ടോര്‍ റൈഫിള്‍ ബ്രിഗേഡിനാണ് ഇത്തരത്തിലൊരു വലിയ പിഴവ് സംഭവിച്ചത്.

അതുപോലെ തന്നെ 49ാമത് ഇന്റഗ്രേറ്റഡ് ആംഡ് ഫോഴ്‌സിന്റെ കമാന്‍ഡര്‍ ആയ ഒരു ലെഫ്റ്റനന്റ് ജനറലും യുക്രൈന്‍ തിരിച്ചടിയില്‍ കൊല്ലപ്പെട്ടിരുന്നു..അങ്ങനെ അങ്ങനെ നിരവധി ട്രൂപ്പുകള്‍ നാഥനില്ലാതെയും ലക്ഷ്യം തെറ്റിയും യുക്രൈനില്‍ ആക്രമണം നടത്തുകയാണ്. പുറത്തുവരുന്ന കണക്കുകള്‍ അനുസരിച്ച് 115 മുതല്‍ 120 ബറ്റാലിയനുകള്‍ വരെയാണ് യുക്രൈന്റെ യുദ്ധമുഖത്ത് ആദ്യം ഇറങ്ങിയത്. എന്നാല്‍ യുക്രൈന്‍ 20 ഓളം ബെറ്റാലിയനുകളെ പൂര്‍ണമായും നശിപ്പിച്ചിരിക്കുകയാണ്. എന്നാല്‍ ഇതെല്ലാം മറച്ചുവച്ചുകൊണ്ട് മുന്നേറ്റം നടത്താന്‍ കഴിയുന്ന മേഘലയെ കുറിച്ച് മാത്രമാണ് റഷ്യ സംസാരിക്കുന്നതും അതില്‍ മാത്രമാണ് റഷ്യ അവകാശവാദം ഉന്നയിക്കുന്നത്.

അതുപോലെ പുടിന്‍ തന്റെ സൈന്യത്തെ കരകയറ്റാന്‍ കുറഞ്ഞത് 10 കമാന്‍ഡര്‍മാരെ കൂടി യുദ്ധമുഖത്തേയ്ക്ക് ഇറക്കാന്‍ പോകുന്നു എന്ന റിപ്പോര്‍ട്ടുകളും പുറത്തുവരുന്നു, മാത്രമല്ല തിരിച്ചടികള്‍ക്ക് ബധലായി ഒരു രാസായുധ ആക്രമണം പോലും പുടിന്‍ നടത്താന്‍ ഒരുങ്ങുകയാണെന്ന രഹസ്യ റിപ്പോര്‍ട്ടും ഉണ്ട്.

അതേസമയം തന്നെ ഇതുവരെയുള്ള യുദ്ധത്തിലും സൈനീകരെ ഏകോപിപ്പിക്കുന്നതിലും റഷ്യയുടെ പരാജയം 'ശ്രദ്ധേയമാണെന്നാണ്' അമേരിക്കന്‍ നയതന്ത്ര വിദഗ്ദന്‍ പറയുന്നത്, പ്രധാന സൈനിക ലക്ഷ്യങ്ങള്‍ നേടിയെന്നുള്ള റഷ്യയുടെ അവകാശവാദങ്ങളെ അദേഹം പുച്ഛിച്ചു തള്ളുകയും ചെയ്തു.

നേട്ടമുണ്ട് എന്നു പറയുന്നുണ്ടെങ്കിലും ചില മേഖലകളില്‍ നഷ്ടം 'ശരിക്കും ഉയര്‍ന്നതാണ്' എന്ന് അവര്‍ പറഞ്ഞു. തുടക്കത്തില്‍ 115 120 ബറ്റാലിയന്‍ തന്ത്രപരമായ ഗ്രൂപ്പുകള്‍ ഉണ്ടായിരുന്ന റഷ്യന്‍ സേനയിലെ, 20 ബറ്റാലിയനുകള്‍ ഇപ്പോള്‍ എവിടെയാണ് എന്നുപോലും അറിയില്ല.

അതേസമയം തന്നെ കേണല്‍ മെദ്‌വദേവിനെക്കുറിച്ച് റഷ്യ പ്രതികരിക്കുന്നില്ലെങ്കില്‍ കൂടി 'അദ്ദേഹം സ്വന്തം സൈന്യത്താല്‍ കൊല്ലപ്പെട്ടുവെന്നാണ് ഞങ്ങള്‍ വിശ്വസിക്കുന്നത്, അദ്ദേഹത്തിന്റെ ബ്രിഗേഡിന് സംഭവിച്ച നഷ്ടത്തിന്റെ തോത് വളരെ വലുതാണ്. 'അത് റഷ്യന്‍ സേന നേരിടുന്ന ചില ധാര്‍മിക വെല്ലുവിളികളെക്കുറിച്ചുള്ള ഉള്‍ക്കാഴ്ചയും അവര്‍ക്ക് നല്‍കുന്നു.'

അതേസമയം തന്നെ ടാങ്ക് ഉപയോഗിച്ചാണ് കേണലിനെ താഴെയിറക്കിയതെന്നാണ് ഉദ്യോഗസ്ഥരും കൂട്ടിച്ചേര്‍ത്തു. 'അദ്ദേഹത്തെ സ്വന്തം സൈന്യം ബോധപൂര്‍വം കൊലപ്പെടുത്തിയതാണെന്ന് ഞങ്ങള്‍ വിശ്വസിക്കുന്നു,' എന്നാണ് യുക്രൈന്‍ പറയുന്നത്.