എന്നും ആണവ പരീക്ഷണങ്ങള്‍. ലോക മഹായുദ്ധ സാധ്യതകള്‍ കൂടുമ്പോള്‍ ഉത്തര കൊറിയ വളരെ അപകടകരമായ നീക്കങ്ങളാണ് നടക്കുന്നത്. മേയ് 21 ദക്ഷിണ കൊറിയയില്‍ നടക്കുന്ന ഉച്ചകോടിയെ ഞെട്ടിക്കാനാണ് ജിങ്പിങ്ങിന്റെ തീരുമാനം. പ്രധാന ലക്ഷ്യം യുഎസ് പ്രസിഡന്റ് ജോ ബൈഡന്‍ തന്നെയാണ്. ഉച്ചകോടിയ്ക്കിടെ ആണവ പരീക്ഷണം നടത്താനാണു ഉത്തര കൊറിയയുടെ തീരുമാനമെന്നാണ് നിരീക്ഷകര്‍ പറയുന്നത്. ഉത്തരകൊറിയയിലെ കുപ്രസിദ്ധമായ പുങ്യി റി ആണവ പരീക്ഷണ സൈറ്റ് വീണ്ടും സജീവമായെന്നാണ് റിപ്പോര്‍ട്ടുകള്‍. ഇത് അമേരിക്കയെ വെല്ലുവിളിക്കുന്നത് പോലെയാണ്. ആണവ പരീക്ഷണങ്ങള്‍ക്ക് വേണ്ടി ആളുകളും വാഹനങ്ങളും ഇങ്ങോട്ടേക്കു വരുന്നതിന്റെയും പോകുന്നതിന്റെയും ദൃശ്യങ്ങളും ഇപ്പോള്‍ പുറത്തുവരുന്നുണ്ട്. 2006, 2009, 2013, 2016, 2017 വര്‍ഷങ്ങളിലാണ് മുമ്പ് ആണവപരീക്ഷണം നടന്നിട്ടുള്ളത്. ഇനിയും പരീക്ഷണം നടത്തരുതെന്ന രാജ്യാന്തര ആവശ്യത്തെത്തുടര്‍ന്ന് പുങ്യി റി ടെസ്റ്റ് സൈറ്റ് ഉത്തരകൊറിയ അടച്ചുപൂട്ടിയിരുന്നു. എന്നാല്‍ വീണ്ടും ആണവ നിലയം സജ്ജമാക്കുന്നതോടെ അമേരിക്കയെ ഭീഷണിപ്പെടുത്തതിന് തുല്യമാണ്.

ഇനിയും ഇവിടെ പരീക്ഷണം നടന്നാല്‍ ഇവിടെ നടക്കുന്ന ഏഴാമത്തെ പരീക്ഷണം ആകുമിത്. അഞ്ചു വര്‍ഷത്തിന്റെ ഇടവേളയ്ക്കു ശേഷം ഉത്തരകൊറിയ നടത്തുന്ന ഏഴാമത്തെ പരീക്ഷണവും. അമേരിക്കന്‍ പ്രസിഡന്റുമാര്‍ ദക്ഷിണ കൊറിയയില്‍ വരുമ്പോള്‍ ആണപപ്രതിസന്ധിയുണ്ടാക്കുന്ന പതിവ് ഉത്തരകൊറിയ ഇന്നും ഇന്നലെയും തുടങ്ങിയതല്ല. 2014ല്‍ ബറാക് ഒബാമ ദക്ഷിണ കൊറിയയില്‍ എത്തിയപ്പോള്‍ ആണവ പരീക്ഷണം നടത്താന്‍ ഉത്തര കൊറിയ മുതിര്‍ന്നിരുന്നു. 2016ല്‍ ഒരു ലോക ഉച്ചകോടിക്കു ശേഷം ദക്ഷിണ കൊറിയയില്‍ നിന്ന് ഒബാമ മടങ്ങിയപ്പോള്‍ ഉത്തര കൊറിയ ആണവപരീക്ഷണം നടത്തി ലോകത്തെ ഞെട്ടിക്കുകയും ചെയ്തു.

കഴിഞ്ഞ ദിവസം ഉത്തരകൊറിയ മുങ്ങിക്കപ്പലില്‍ നിന്ന് ബാലിസ്റ്റിക് മിസൈല്‍ പരീക്ഷിച്ചതായാണ് ദക്ഷിണ കൊറിയയുടെ വെളിപ്പെടുത്തല്‍ വന്നത്. രാജ്യത്ത് കപ്പല്‍ നിര്‍മാണശാലയുള്ള കിഴക്കന്‍ തുറമുഖ നഗരമായ സിന്‍പോയില്‍ നിന്നാണ് കഴിഞ്ഞ ദിവസം പരീക്ഷണം നടത്തിയത്. ഹ്രസ്വദൂര മിസൈല്‍ 600 കിലോമീറ്റര്‍ സഞ്ചരിച്ചു.

ദക്ഷിണ കൊറിയയില്‍ നിയുക്ത പ്രസിഡന്റ് യൂണ്‍ സോക് യൂളിന്റെ സ്ഥാനാരോഹണം പത്തിനു നടക്കാനിരിക്കെയാണ് പ്രകോപനം സൃഷ്ടിച്ച് പരീക്ഷണം. മുങ്ങിക്കപ്പലില്‍ നിന്നുള്ള രണ്ടാമത്തെ മിസൈല്‍ പരീക്ഷണമാണ് ഉത്തരകൊറിയ ഇപ്പോള്‍ നടത്തിയത്. കഴിഞ്ഞ സെപ്റ്റംബറിലായിരുന്നു ആദ്യത്തേത്. മിസൈല്‍ വിക്ഷേപണ ശേഷിയുള്ള ഏക മുങ്ങിക്കപ്പലായ 8.24 യോങ്ങുങ്ങാണ് ഇതിനായി ഉപയോഗിച്ചത്. ഉത്തര കൊറിയ ഈ വര്‍ഷം 15 മിസൈല്‍ പരീക്ഷണങ്ങള്‍ നടത്തി. യുഎസ് വരെയെത്താന്‍ ശേഷിയുള്ള ഭൂഖണ്ഡാന്തര മിസൈലായ ഹ്വാസോങ് 17ന്റെ പരീക്ഷണവും ഇതില്‍ ഉള്‍പ്പെടും.