പുടിനെ പുറത്താക്കാന്‍ നീക്കം. റഷ്യന്‍ പ്രസിഡന്റ് വഌഡിമിര്‍ പുടിന് ഗുരുതര രോഗബാധയുണ്ടെന്ന് യുക്രൈന്‍. യുക്രൈന്‍ മിലിട്ടറി ഇന്റലിജന്‍സ് മേധാവി മേജര്‍ ജനറല്‍ കിറിലോ ബുഡനോവ് സ്‌കൈ ന്യൂസിന് നല്‍കിയ പ്രത്യേക അഭിമുഖത്തിലാണ് ഇക്കാര്യം പറഞ്ഞത്. റഷ്യന്‍ നേതാവിന് കാന്‍സര്‍ ഉള്‍പ്പെടെ നിരവധി ഗുരുതരരോഗ ബാധിതനാണ്. പുടിന്‍ അട്ടിമറി ഭീഷണി നേരിടുന്നുണ്ടെന്നും റഷ്യയില്‍ അട്ടിമറി നീക്കം പുരോഗമിക്കുകയാണെന്നും കിറിലോ ബുഡനോവ് പറഞ്ഞു. റഷ്യക്കെതിരെ യുക്രൈന്‍ പ്രൊപഗാണ്ട പ്രചരിപ്പിക്കുകയല്ല താനെന്നും അത്തരമൊരു സാഹചര്യത്തില്‍ പട്ടാള അട്ടിമറി അസാധ്യമാണെന്നും ബുഡനോവ് വ്യക്തമാക്കി.

ഓഗസ്റ്റ് പകുതിയോടെ യുദ്ധം ബ്രേക്കിംഗ് പോയിന്റിലെത്തും. മിക്ക പോരാട്ടങ്ങളും ഈ വര്‍ഷാവസാനത്തോടെ പൂര്‍ത്തിയാകും. ഡോംണ്‍ബാസും ക്രിമിയയും ഉള്‍പ്പെടെ ഞങ്ങള്‍ക്ക് നഷ്ടപ്പെട്ട ഞങ്ങളുടെ എല്ലാ പ്രദേശങ്ങളും ഞങ്ങള്‍ പിടിച്ചെടുക്കുമെന്നും അദ്ദേഹം പറഞ്ഞു. റഷ്യയുക്രെയ്ന്‍ യുദ്ധത്തിന്റെ തുടക്കം മുതലെ പുടിന്റെ ആരോഗ്യസ്ഥിതിയെക്കുറിച്ച് ഊഹാപോഹങ്ങള്‍ പ്രചരിപ്പിരുന്നു. പുടിന് രക്താര്‍ബുദമാണെന്ന് ന്യൂ ലൈന്‍സ് മാഗസിന്‍ പുറത്തുവിട്ടിരുന്നു.

പുടിന്റെ സമീപകാല ചിത്രങ്ങള്‍ പരിശോധിച്ച് അദ്ദേഹത്തിന് ഗുരുതരമായ ആരോഗ്യ പ്രശ്‌നങ്ങളുണ്ടെന്ന് ബ്രിട്ടനിലെ മാധ്യമങ്ങളും റിപ്പോര്‍ട്ട് ചെയ്തിരുന്നു. പുടിന്റെ തല ശരീരത്തിന് ആനുപാതികമല്ലെന്നും ആരോപണമുയര്‍ന്നു. കൃത്രിമമായി ചിത്രീകരിച്ച ഫൂട്ടേജില്‍ തല കൃത്രിമമായി എഡിറ്റ് ചെയ്ത് കൂട്ടിച്ചേര്‍ത്തതാകാമെന്നും ചില മാധ്യമങ്ങള്‍ റിപ്പോര്‍ട്ട് ചെയ്തു. റഷ്യയുടെ വിക്ടറി ഡേ പരേഡില്‍ പുടിന്‍ കാലില്‍ പുതപ്പ് പുതച്ചാണ് പ്രത്യക്ഷപ്പെട്ടതെന്നും കടുത്ത ചുമയുണ്ടെന്നും റിപ്പോര്‍ട്ടുകള്‍ വന്നിരുന്നു.