ലോകം നടുങ്ങി... അക്രമിയുടെ വെടിയേറ്റ് വിടപറഞ്ഞത് ജപ്പാന്റെ ചരിത്രത്തില്‍ ഏറ്റവും കൂടുതല്‍ കാലം (ഒന്‍പത് വര്‍ഷം) പ്രധാനമന്ത്രിയായിരുന്ന, ലോകനേതാക്കളുടെ പ്രിയ മിത്രം ഷിന്‍സോ ആബെ(67) ... ജപ്പാനുമായുള്ള ബന്ധം ശക്തമാക്കിയ, ഇന്ത്യയുടെയും പ്രധാനമന്ത്രി നരേന്ദ്ര മോദിയുടെയും ഉറ്റ സുഹൃത്തായിരുന്ന ആബെയുടെ വിയോഗത്തില്‍ ഇന്ത്യ ഇന്ന് ദുഃഖം ആചരിക്കും, ദേശീയ പതാക പകുതി താഴ്ത്തിക്കെട്ടും.

പടിഞ്ഞാറന്‍ ജപ്പാനിലെ നാരാ നഗരത്തിലെ റെയില്‍വേ സ്റ്റേഷന് പുറത്ത്, ട്രാഫിക് ഐലന്‍ഡില്‍ പാര്‍ലമെന്റ് തിരഞ്ഞെടുപ്പിന്റെ പ്രചാരണയോഗത്തില്‍ പ്രസംഗിക്കുമ്പോഴാണ് വെടിയേല്‍ക്കുന്നത്. ഇന്ത്യന്‍ സമയം രാവിലെ എട്ട് മണിക്കായിരുന്നു (ജപ്പാന്‍ സമയം 11.30) ആക്രമണം.

തെത്സുയാ യമഗാമി എന്ന 41 കാരനാണ് പിറകില്‍ നിന്ന് സ്വയം നിര്‍മ്മിച്ച നാടന്‍ തോക്കുകൊണ്ട് രണ്ട് തവണ വെടിവച്ചത്. ആദ്യത്തേത് കഴുത്തിന്റെ വലതുവശത്തും രണ്ടാമത്തേത് ഇടത് തോളെല്ലിലും കൊണ്ടു. നാരാ സ്വദേശിയായ അക്രമിയെ പൊലീസ് അറസ്റ്റ് ചെയ്തു. ഇയാള്‍ മൂന്ന് വര്‍ഷം ജപ്പാന്‍ സൈന്യത്തില്‍ സേവനം അനുഷ്ഠിച്ചിരുന്നു.

രണ്ടാമത്തെ വെടിയേറ്റതോടെ ആബെ തറയില്‍ കുഴഞ്ഞു വീണു. വെളുത്ത ഷര്‍ട്ടില്‍ ചോര പുരണ്ട് മലര്‍ന്ന് നിശ്ചലനായി കിടന്ന ആബെയുടെ ചുറ്റും ആളുകള്‍ ഓടിക്കൂടി. ഒരാള്‍ അദ്ദേഹത്തിന്റെ ഹൃദയമിടിപ്പ് വീണ്ടെടുക്കാന്‍ മസാജിംഗ് ചെയ്തെങ്കിലും ഫലമുണ്ടായില്ല.



ഉടന്‍ ഹെലികോപ്റ്ററില്‍ നാരാ മെഡിക്കല്‍ യൂണിവേഴ്‌സിറ്റിയില്‍ എത്തിച്ചു. ഹൃദയം സ്തംഭിച്ച് ശ്വാസം നിലച്ച അവസ്ഥയിലായിരുന്നു. ഹെലികോപ്റ്ററില്‍ കയറ്റുമ്പോള്‍ തന്നെ ശ്വാസം നിലച്ചിരുന്നു. ഒരു വെടിയുണ്ട ഹൃദയം തുളച്ചിരുന്നു. ആശുപത്രിയില്‍ ആബേയ്ക്ക് രക്തം നല്‍കിയതായി സഹോദരനും പ്രതിരോധ മന്ത്രിയുമായ നോബുവോ കിഷി അറിയിച്ചു.നാല് മണിക്കൂര്‍ നീണ്ട രക്ഷാശ്രമങ്ങളൊക്കെ വിഫലമായി. പ്രാദേശിക സമയം വൈകിട്ട് 5.03ന് അന്ത്യം സംഭവിച്ചു.
പ്രധാനമന്ത്രി പദം ഒഴിഞ്ഞിട്ടും ഭരണകക്ഷിയിലെ ഉന്നത നേതാവായിരുന്നു അദ്ദേഹം. മുന്‍ റേഡിയോ ജോക്കി ആകീ മാത്സുസാകി ആണ് ഭാര്യ. ദമ്പതികള്‍ക്ക് മക്കളില്ല
അതേസമയം ഇന്ത്യയുമായുള്ള അദ്ദേഹത്തിന്റെ സൗഹൃദം ഏറെയാണ്. 2021 ല്‍ പദ്മ വിഭൂഷണ്‍ നല്‍കി ഇന്ത്യ ആദരിക്കുകയുണ്ടായി. 2017ല്‍ മുംബയ് -അലഹബാദ് അതിവേഗ റെയിലിന് പ്രധാനമന്ത്രിക്കൊപ്പം തറക്കല്ലിട്ടു. 2014ല്‍ റിപ്പബ്‌ളിക് ദിനാഘോഷത്തില്‍ മുഖ്യഅതിഥി
2007ല്‍ ഇന്ത്യന്‍ പാര്‍ലമെന്റിനെ അഭിസംബോധന ചെയ്തു

മാത്രവുമല്ല 2006 മുതല്‍ എല്ലാ വര്‍ഷവും ഇന്ത്യ-ജപ്പാന്‍ ഉച്ചകോടി. റഷ്യയുമായി മാത്രമാണ് അതുവരെ ഇന്ത്യയ്ക്ക് ഇങ്ങനെ ഒരു ബന്ധം ഉണ്ടായിരുന്നത്. 2007ല്‍ ഇന്ത്യ-യു.എസ്-ആസ്‌ട്രേലിയ- ജപ്പാന്‍ (ക്വാഡ് ) സഖ്യത്തിന്റെ ശില്പി.2013 മുതല്‍ ഇന്ത്യയില്‍ പവര്‍ സെക്ടര്‍, ട്രാന്‍സ്‌പോര്‍ട്ടേഷന്‍, ഷിപ്പിംഗ്, റെയില്‍ പദ്ധതികള്‍ നടപ്പാക്കാന്‍ സാങ്കേതിക, സാമ്പത്തിക സഹായം.2014ല്‍ മോദിയുടെ ജപ്പാന്‍ സന്ദര്‍ശനം, 3500 കോടി ഡോളറിന്റെ നിക്ഷേപം ഇന്ത്യയിലേക്ക്.2016ല്‍ ആണവകരാര്‍.

അതേസമയം
ജപ്പാന്‍ മുന്‍ പ്രധാനമന്ത്രി ഷിന്‍സോ അബെയ്ക്ക് ഹൃദയപൂര്‍വം ആദരാഞ്ജലികള്‍ അര്‍പ്പിച്ച് പ്രധാനമന്ത്രി നരേന്ദ്ര മോദി. ഷിന്‍സോയുമായുള്ള ആഴത്തിലുള്ള വ്യക്തിബന്ധം വിശദീകരിക്കുന്ന കുറിപ്പ് തന്റെ ബ്ലോഗില്‍ മോദി പങ്കുവച്ചു.