ചൈനയുടെ വ്യോമസേനയും നാവികസേനയും തായ്വാന് ചുറ്റും നിരന്നു; ജനങ്ങളെ ആയുധം ഉപയോഗിക്കാന് പഠിപ്പിച്ച് തായ്വാന്
തായ്വാന്റെ കടല്, വ്യോമ അതിര്ത്തികളില് നേരത്തെതിനേക്കാള് ചൈനീസ് സാന്നിധ്യം ശക്തമാണ്. ചൈനയുടെ വ്യോമസേനയും നാവികസേനയും തായ്വാന് ചുറ്റും കൂടുതല് സജീവമാണെന്നര്ത്ഥം. ചൈന, തായ്!വാനെ അക്രമിച്ചാല് പ്രതിരോധിക്കാന് തങ്ങള് മുന്നിലുണ്ടാകുമെന്ന് അമേരിക്കന് പ്രസിഡന്റ് ജോ ബൈഡന് തന്റെ മെയ് മാസത്തെ തായ്!വാന് സന്ദര്ശന വേളയില് വ്യക്തമാക്കിയിരുന്നു.
1962ലെ ക്യൂബന് മിസൈല് പ്രതിസന്ധിക്കുശേഷം ലോകസമാധാനത്തിനുള്ള ഏറ്റവും വലിയ ഭീഷണിയായി ഉയര്ന്ന് യുക്രൈന് അധിനിവേശത്തെക്കാളും മോശമായ തരത്തിലാണ് ചൈന, തായ്!വാന് നേരെ തിരിഞ്ഞാല് സംഭവിക്കുകയെന്ന് യുദ്ധവിദഗ്ദര് ചൂണ്ടിക്കാട്ടുന്നു. മേഖലയിലെ ചൈനീസ് ആധിപത്യത്തിനെതിരെ ഓസ്ട്രേലിയയും ജപ്പാനും നേരത്തെ തന്നെ സഖ്യരൂപീകരണ ശ്രമങ്ങളുമായി മുന്നിലുണ്ടെന്നതും കാര്യങ്ങള് വഷളാക്കുന്നു.
ഇലക്ട്രോണിക്സ്, മെഷിനറി എന്നിവയുടെ വ്യാവസായിക ഉല്പ്പാദനവും കയറ്റുമതിയും വഴി തയ്വാന്, കമ്മ്യൂണിസ്റ്റ് ചൈനയ്ക്ക് പുറത്ത് ഒരു സമ്പന്ന രാജ്യമായി വളര്ന്നു. എന്നാല്, അടുത്ത കാലം വരെ തായ്!വാന് തങ്ങളുടെ പ്രതിരോധ ചെലവിന് കാര്യമായ പരിഗണന നല്കിയിരുന്നില്ല. 1979 ല് തെക്കന് അയല് രാജ്യമായ വിയറ്റ്നാമിനെ അക്രമിക്കാന് ഉത്തരവിട്ട ചൈനീസ് പ്രസിഡന്റ് ഡെങ് സിയാവോ പിംഗിന് ശേഷം ഒരു ചൈനീസ് പ്രസിഡന്റും യുദ്ധത്തിന് മുതിര്ന്നിട്ടില്ല.
എന്നാല്, വിയറ്റ്നാമില് ചൈനയ്ക്ക് ദയനീയ പരാജയമായിരുന്നു ഫലം. ഈ യുദ്ധപരാജയം ചരിത്രത്തില് നിന്നേ മറച്ച് വയ്ക്കാന് പാടുപെടുകയാണ് ചൈന. മറിച്ച് ചൈന ഇന്നും ആഷോഘിക്കുന്നത്, 1950 നും 1953 നും ഇടയില് യുഎസ് നേതൃത്വത്തിലുള്ള യുഎന് സേനയ്ക്കെതിരായ കൊറിയന് യുദ്ധമാണ്. കമ്മ്യൂണിസ്റ്റ് ചൈനയുടെ മാതൃകാ യുദ്ധമായി ഈ യുദ്ധത്തെയാണ് ഇന്നും ചൈന ആഘോഷിക്കുന്നത്. സമ്പൂര്ണ ആണവ സംഘര്ഷത്തിനുള്ള സാധ്യത ഭയാനകമാം വിധം അടുത്താണ്.
എന്നാല് ആണവ നിലയില്ലാതെ പോലും, തായ്വാനിലെ ചൈനീസ് അധിനിവേശം വിജയിച്ചാലും ഇല്ലെങ്കിലും, വിശാലമായ ലോക സമ്പദ്വ്യവസ്ഥയ്ക്ക് വിനാശകരമായിരിക്കും. ചൈനയെ പോലെ തന്നെ വടക്കന് കൊറിയും ആണവ പരീക്ഷണങ്ങളില് വ്യാവൃതരാണ്. ചൈന യുദ്ധസന്നാഹം തീര്ത്താല് വടക്കന് കൊറിയയുടെ നിലപാടും പ്രധാനമായിരിക്കും. നിലവില് ചൈനയുമായി മാത്രമാണ് വടക്കന് കൊറിയയ്ക്ക് ഏക നയതന്ത്രബന്ധമുള്ളത്.
ചൈനയുടെ അധിനിവേശത്തെ പ്രതിരോധിക്കേണ്ടത് ജപ്പാന്റെ കൂടി ആവശ്യമാണ്. പ്രതിരോധരംഗത്ത് ജപ്പാന് സ്വാശ്രയത്വം കൈവരിക്കേണ്ടത് അത്യാവശ്യമാണെന്ന് പറഞ്ഞ മുന് ജപ്പാന് പ്രസിഡന്റ് ഷിന്സോ ആബെയുടെ കൊലപാതകം ജപ്പാനില് പല തരത്തിലുള്ള അസ്വസ്ഥതകളും സൃഷ്ടിച്ചിട്ടുണ്ട്. അതിനിടെയാണ് ചൈനയുടെ തായ്!വാന് അധിനിവേശ ശ്രമങ്ങള് ശക്തമാകുന്നതും. അര്ദ്ധചാലകങ്ങള് പോലെയുള്ള ഹൈടെക് ഇലക്ട്രോണിക് ഘടകങ്ങളുടെ ലോകത്തിലെ പ്രധാന നിര്മ്മാതാക്കളില് ഒന്നാണ് തായ്വാന്.
ഇത്തരം ഉപകരണ നിര്മ്മാണ ഫാക്ടറികള് അക്രമിക്കപ്പെട്ടാല് അത് ലോകത്താകമാനം ചലനങ്ങളുണ്ടാക്കും. കമ്പ്യൂട്ടറുകള് മുതല് മൊബൈല് ഫോണുകള് വരെയുള്ള എല്ലാ ഇലക്ട്രോണിക്സ് ഉത്പന്നങ്ങളുടെയും വില കുതിച്ചുയരും. മാത്രമല്ല, ചൈനയുടെ തായ്!വാന് അധിനിവേശം സാധ്യമായാല് അത് മേഖലയിലെ മാത്രമല്ല ലോകത്തിന്റെ തന്നെ സാമ്പത്തിക ക്രമത്തെ തകിടും മറിക്കുമെന്നും യുദ്ധവിദഗ്ദര് പറയുന്നു. റഷ്യയുടെ യുക്രൈന് അധിനിവേശത്തോടെ ലോകത്തിന്റെ ഭക്ഷ്യ സുരക്ഷാ പദ്ധികളെല്ലാം തന്നെ തകിടം മറിഞ്ഞെന്നും ഉദാഹരണമായി ഇവര് ചൂണ്ടിക്കാട്ടുന്നു.
https://www.facebook.com/Malayalivartha
