പാക്ക് അധീന കശ്മീര് ചൈനയ്ക്ക് എഴുതി നല്കി പാകിസ്ഥാന് യുദ്ധം പ്രഖ്യാപിച്ച് ഇന്ത്യ
കശ്മീര് മേഖലയില് ചൈനയെ കടന്നുകയറാന് അനുവദിക്കുന്ന പാക് ഭരണ കൂടത്തിന്റെ നയങ്ങള്ക്കെതിരെ ശക്തമായ മുന്നറിയിപ്പുമായി ഇന്ത്യ. പാക് അധീന കശ്മീരിലെ നിര്മ്മാണത്തിന്റെ പേരില് ചൈനയുടെ സൈനിക സംവിധാനത്തെ ഇന്ത്യന് അതിര്ത്തികളിലേയ്ക്ക് എത്തിക്കാനുള്ള ഗൂഢതന്ത്രമാണ് ഇന്ത്യ തുറന്നുകാട്ടുന്നത്.
പാക് അധീന കശ്മീര് മേഖലയില് ചൈന ഇക്കണോമിക് കോറിഡോര് പണിയുന്നതിലൂടെ അന്താരാഷ്ട്ര നിയമ ലംഘനമാണ് നടത്തുന്നത്. ചൈനയുടേയും പാകിസ്താന്റേയും ഒരു നയവും അതിര്ത്തി മേഖലയിലും ഇന്ത്യ അനുവദിക്കില്ലെന്നും വിദേശകാര്യമന്ത്രാലയ വക്താവ് അരിന്ദം ബാഗ്ചി അറിയിച്ചു.
ചൈനയുടെ അധിനിവേശ ശ്രമങ്ങളെ അതാത് സമയത്ത് അന്താരാഷ്ട്ര വേദികളില് തുറന്നുകാട്ടുന്ന ഇന്ത്യ ചൈനാപാക് സംയുക്ത കരാറുകളുടെ എല്ലാ തന്ത്രങ്ങളും എടുത്തു പറയുകയാണ്. പാകിസ്താന് പ്രവിശ്യാഭരണം നടത്തുന്ന ഗില്ജിത് ബാള്ട്ടിസ്ഥാന് മേഖലയിലും പാക് അധിനിവേശ കശ്മീര് മേഖലയിലേയ്ക്കും ഉപ ഹൈവേകളും കേന്ദ്രങ്ങളും ചൈനയെക്കൊണ്ട് നിര്മ്മിക്കുവാനാണ് പാക് ശ്രമം.
ബോര്ഡര് റോഡ് ഇനിഷേറ്റീവിന്റെ പേരില് 2013 മുതലാണ് ഇന്ത്യന് അതിര്ത്തിയിലൂടെ പാകിസ്താനിലേയ്ക്ക് റോഡ് നിര്മ്മാണം ആരംഭിച്ചത്. പലയിടത്തും റോഡുകള് ഏതാണ്ട് പൂര്ത്തിയാക്കിയതിനൊപ്പം സൈനിക പോസ്റ്റുകളും അനുബന്ധമായി ചൈന പണിതിരി ക്കുകയാണ്. ഇതിന് ശക്തമായ മറുപടിയായാണ് ഇന്ത്യ അതിര്ത്തിയില് 3500 കിമി ദൂരത്തില് ഹൈവേ നിര്മ്മാണം നടത്തുന്നത്. ലഡ്ഡാക് അടക്കം മലയോര ഹൈവേ നിര്മ്മിച്ച് സൈന്യത്തിന്റെ യാത്ര സുഗമാക്കുന്ന ജോലി അതിവേഗമാണ് പൂര്ത്തിയാക്കുന്നത്.
https://www.facebook.com/Malayalivartha
