വിരുന്നു സല്‍ക്കാരത്തിനിടയില്‍ നയതന്ത്രജ്ഞന്‍ സിംഗപ്പൂര്‍ കൊടി മേശ വിരിപ്പായി ഉപയോഗിച്ച സംഭവത്തില്‍ ഇസ്രായേല്‍ സിംഗപ്പൂരിനോട് മാപ്പ് പറഞ്ഞു. സിംഗപ്പൂര്‍ വിദേശകാര്യ മന്ത്രാലയം ഇസ്രായേല്‍ സ്ഥാനപതിയെ വിളിച്ചുവരുത്തിയാണ് പ്രതിഷേധം അറിയിച്ചത്.

നയതന്ത്രജ്ഞന്റെ ദൗര്‍ഭാഗ്യകരമായ പെരുമാറ്റത്തില്‍ നടുക്കം രേഖപ്പെടുത്തിയ സിംഗപ്പൂരിലെ ഇസ്രായേല്‍ എംബസി സിംഗപ്പൂരിനോട് സംഭവത്തില്‍ മാപ്പുപറഞ്ഞതായി അറിയിച്ചു.

കൂടാതെ പെരുമാറ്റ ദൂഷ്യത്തിന് നയതന്ത്രജ്ഞനെതിരെ ശക്തമായ നടപടികള്‍ സ്വീകരിക്കുമെന്ന് ഇസ്രായേല്‍ വിദേശകാര്യ മന്ത്രാലയ ഡയറക്ടര്‍ ജനറല്‍ പറഞ്ഞതായും എംബസി അറിയിച്ചു.

ഇരുരാജ്യങ്ങളും തമ്മിലുള്ള അടുത്ത സൗഹൃദത്തിന്റെ അടിസ്ഥാനത്തില്‍ ഇസ്രായേല്‍ എത്ര പ്രാധാന്യത്തോടെയാണ് ഈ പ്രശ്‌നത്തെ കാണുന്നതെന്നാണ് നയതന്ത്രജ്ഞനെതിരെയുള്ള നടപടി സൂചിപ്പിക്കുന്നതെന്നും പ്രസ്താവനയില്‍ എംബസി വ്യക്തമാക്കി.
സിംഗപ്പൂര്‍ കൊടി ദുരുപയോഗം ചെയ്യുന്നത് ഗുരുതരമായ കുറ്റമാണ്. ഇസ്രായേല്‍ എംബസിയുടെ മാപ്പപേക്ഷയും നയതന്ത്രജ്ഞനെ ശിക്ഷിക്കുമെന്നുള്ള ഉറപ്പിനെയും സ്വാഗതം ചെയ്യുന്നു. എല്ലാവരും വിദേശികള്‍ ഉള്‍പ്പെടെ ഞങ്ങളുടെ നിയമങ്ങളും ചട്ടങ്ങളും പാലിക്കുകയും ബഹുമാനിക്കുകയും വേണം സിംഗപ്പൂര്‍ വിദേശകാര്യ മന്ത്രാലയം വ്യക്തമാക്കി.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha