ഷിയ പുരോഹിതന്റെ വധശിക്ഷയില് പ്രതിഷേധം: ഇറാനിലെ സൗദി എംബസി ആക്രമിച്ചു
ഷിയ പുരോഹിതനെ വധശിക്ഷയ്ക്ക് വിധേയനാക്കിയതിനെച്ചൊല്ലി സൗദിഇറാന് ബന്ധം വഷളാകുന്നു. വധശിക്ഷയ്ക്കെതിരെ ഇറാനില് നടന്ന പ്രതിഷേധ പ്രകടനത്തിനിടെ സൗദി എംബസിക്ക് നേരെ ആക്രമണമുണ്ടായി. ടെഹ്റാനിലെ സൗദി എംബസിക്ക് നേരെയാണ് ആക്രമണമുണ്ടായത്.
എംബസിക്ക് നേരെ ഇരച്ചെത്തിയ പ്രതിഷേധക്കാര് ഓഫീസ് ഉപകരണങ്ങളും ഫര്ണിച്ചറും അടിച്ചു തകര്ത്തു. എംബസിയുടെ ഒരു മുറി പ്രതിഷേധക്കാര് അഗ്നിക്കിരയാക്കിയതായും ദൃക്സാക്ഷികള് പറഞ്ഞു. എംബസിക്ക് നേരെ പെട്രോള് ബോംബ് എറിഞ്ഞ ശേഷമാണ് പ്രതിഷേധക്കാര് ആക്രമണം നടത്തിയത്. ഷെയ്ഖ് നിമിര് അല്നിമിര് എന്ന ഷിയ പുരോഹിതനെയാണ് ഇന്നലെ രാവിലെ സൗദി വധശിക്ഷയ്ക്ക് വിധേയനാക്കിയത്.
തീവ്രവാദികളുടെ വധശിക്ഷ നടപ്പിലാക്കിയതിനൊപ്പം ഷിയ പുരോഹിതനെ വധിച്ചതിനെതിരെ ഇറാന് ശക്തമായ പ്രതിഷേധവുമായി രംഗത്ത് വന്നിരിക്കുകയാണ്. സര്ക്കാര് വിരുദ്ധ പ്രക്ഷോഭം നയിച്ചതിനാണ് നിമിറിനെ വധിച്ചത്. ഇയാളെ വിട്ടയക്കണമെന്ന് നേരത്തെ ഇറാന് ആവശ്യപ്പെട്ടിരുന്നതാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha