ഇറാനുമായുള്ള നയതന്ത്രബന്ധം അവസാനിപ്പിക്കുന്നതായി സൗദി അറേബ്യ
04 JANUARY 2016 10:44 AM IST
മലയാളി വാര്ത്ത.
ഇറാനുമായുള്ള നയതന്ത്രബന്ധം അവസാനിപ്പിക്കുന്നതായി സൗദി അറേബ്യ . ഷിയാ പുരോഹിതന് നിമ്ര് അല് നിമ്റിനെ സൗദി വധിച്ചതിനു പിന്നാലെയാണ് ഇരുരാജ്യങ്ങളും തമ്മിലുള്ള ബന്ധം വഷളായത്.
രാജ്യദ്രോഹക്കുറ്റം ആരോപിച്ചാണ് ഷിയാ പുരോഹിതന് നിമ്ര് അല് നിമ്റിനെ സൗദി അറേബ്യ വധിച്ചത്. നിമ്്റിന്റെ വധശിക്ഷക്കെതിരെ ഇറാന് തലസ്ഥാനമായ ടെഹ്്റാനില് പ്രതിഷേധപ്രകടനം നടത്തിയവര് സൗദി എംബസി ആക്രമിച്ചു. ഇതാണ് സൗദിയെ പ്രകോപിപ്പിച്ചത്. ഇറാന് നയതന്ത്രഉദ്യോഗസ്ഥരോട് 48 മണിക്കൂറിനകം രാജ്യം വിടാന് സൗദി വിദേശകാര്യമന്ത്രി നിര്ദേശിച്ചു. ടെഹ്്റാനിലെ നയതന്ത്രഉദ്യോഗസ്ഥരെ തിരികെ വിളിച്ചു. അറബ്മേഖലയെ ഇറാന് അസ്ഥിരപ്പെടുത്തുകയാണെന്ന് സൗദി കുറ്റപ്പെടുത്തി.
എന്നാല് അല് നിമ്്റിനെ രക്തസാക്ഷിയെന്ന് വിശേഷിപ്പിച്ച ഇറാന് ആത്മീയ നേതാവ് ആയത്തുല്ല അലി ഖമനയി സൗദി ദൈവികമായ പ്രതികാരം നേരിടേണ്ടി വരുമെന്ന് മുന്നറിയിപ്പ് നല്കി. അല് നിമ്്റിന്റെ വധശിക്ഷ ഷിയാ മേഖലയിലാകെ സൗദിവിരുദ്ധവികാരം ശക്തമാക്കി. ബഹ്്റൈനും ഇറാഖും പ്രതിഷേധം അറിയിച്ചു. അറബ് വസന്തകാലത്ത് സൗദിയില് സര്ക്കാര് വിരുദ്ധ പ്രകടനങ്ങള്ക്ക് നേതൃത്വം നല്കിയയാളാണ് നിമ്ര് അല് നിമ്ര്. സിറിയ, യമന് വിഷയങ്ങളില് ഇരുചേരിയില് നിലയുറപ്പിച്ചിട്ടുള്ള ഇറാന്, സൗദി ബന്ധം കൂടുതല് വഷളായത് മധ്യപൂര്വദേശത്തെയാകെ ആശങ്കപ്പെടുത്തുന്നതാണ്. സംഘര്ഷം ഇല്ലാതാക്കാന് ശ്രമം നടത്തുമെന്ന് അമേരിക്കന് വിദേശകാര്യമന്ത്രാലയം അറിയിച്ചു. അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുകഅപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
