സൂപ്പര്നോവ മ്യൂസിക് ഫെസ്റ്റിവലിനിടെ ഹമാസ് തട്ടിക്കൊണ്ടുപോയ ഇസ്രായേലി ബന്ദി മരിച്ചതായി സ്ഥിരീകരണം...
സൂപ്പര്നോവ മ്യൂസിക് ഫെസ്റ്റിവലിനിടെ ഒക്ടോബര് 7 ന് ഹമാസ് തട്ടിക്കൊണ്ടുപോയ ഇസ്രായേലി ബന്ദി മരിച്ചതായി സ്ഥിരീകരണം. ഇന്ബാര് ഹൈമാന് എന്ന ഇരുപത്തേഴുകാരിയാണ് കൊല്ലപ്പെട്ടത്. സൂപ്പര്നോവ മ്യൂസിക് ഫെസ്റ്റിവലില് ഹമാസ് പ്രവര്ത്തകര് ഇസ്രായേല് പൗരന്മാര്ക്ക് നേരെ ഭീകരത അഴിച്ചുവിടുമ്പോള് ഹൈമാന് സന്നദ്ധസേവനം നടത്തുകയായിരുന്നു. റിപ്പോര്ട്ടുകള് പ്രകാരം, തട്ടിക്കൊണ്ടുപോകുന്നതിന് മുമ്പ് ഹൈമനെയും രണ്ട് സുഹൃത്തുക്കളെയും ഹമാസ് തോക്കുധാരികള് മൂന്ന് മണിക്കൂര് പിന്തുടരുകയായിരുന്നു.
ആക്രമണം ആരംഭിച്ചപ്പോള്, സംഗീതോത്സവത്തിലെ പരിഭ്രാന്തരായ ആളുകള്, പശ്ചാത്തലത്തില് വെടിയൊച്ചകള് കേട്ട് ഒരു മൈതാനം കടന്ന് അവരുടെ വാഹനങ്ങള്ക്ക് നേരെ പാഞ്ഞു. 27 കാരിയായ യുവതിയും പ്രാണരക്ഷാര്ത്ഥം ഓടിയെങ്കിലും ഹമാസ് പ്രവര്ത്തകന് പിടികൂടി, അവളുടെ രണ്ട് സുഹൃത്തുക്കള് രക്ഷപ്പെട്ടു. പിന്നീട് പുറത്ത് വന്ന വീഡിയോയില്, ഹൈമാനെ രണ്ട് ഹമാസ് പ്രവര്ത്തകര് മോട്ടോര് ബൈക്കുകളില് വലിച്ചിഴയ്ക്കുന്നത് കാണാമായിരുന്നു.
എങ്ങനെയാണ് ഹൈമാന് കൊല്ലപ്പെട്ടതെന്നോ എപ്പോഴാണെന്നോ വ്യക്തമാക്കിയിട്ടില്ല. യുവതിയുടെ മൃതദേഹം സ്ട്രിപ്പില് തീവ്രവാദികള് സൂക്ഷിച്ചിരിക്കുകയാണെന്ന് റിപ്പോര്ട്ടുകള് സൂചിപ്പിക്കുന്നു.
ബന്ദികളുടെ മരണവും, സൈന്യം ആകസ്മികമായി മൂന്നുപേരെ കൊലപ്പെടുത്തിയതിന്റെയും റിപ്പോര്ട്ടുകള്ക്കിടയില്, ബന്ദികളുടെ കൂടുതല് മോചനത്തിലേക്ക് നയിച്ചേക്കാവുന്ന പുതുക്കിയ ചര്ച്ചകള്ക്ക് സമ്മര്ദ്ദം വര്ദ്ധിപ്പിക്കുന്നതിനായി ഗവണ്മെന്റിനെതിരെ പ്രതിഷേധം ശക്തമാക്കുന്നതിനെക്കുറിച്ച് ബന്ദികളുടെ കുടുംബങ്ങള് ശനിയാഴ്ച യോഗം ചേര്ന്നിരുന്നു.
അതിനിടെ ഗാസയില് വെടിനിര്ത്തലിനും ദീര്ഘകാല സമാധാനം സ്ഥാപിക്കുന്നതുമായി ബന്ധപ്പെട്ട് ചര്ച്ച നടക്കുന്നതായി ഖത്തര് വിദേശകാര്യ മന്ത്രാലയം അറിയിച്ചിരുന്നു. ബന്ദിമോചനവുമായി ബന്ധപ്പെട്ട് ഖത്തറും ഈജിപ്തുമായി ആശയവിനിമയം ആരംഭിച്ചതായി ഇസ്രായേലും സ്ഥിരീകരിച്ചിരുന്നു.
എന്നാല് അധിനിവേശം അവസാനിപ്പിച്ച് ഉപാധികള്ക്ക് വിധേയമായല്ലാതെയുള്ള ബന്ദിമോചന ചര്ച്ചക്കില്ലെന്ന് ഹമാസ് വ്യക്തമാക്കി. ബന്ദികളെ ഉടന് തിരിച്ചെത്തിക്കണമെന്നാവശ്യപ്പെട്ട് തെല് അവീവില് ആയിരങ്ങള് തെരുവിലിറങ്ങി.
യു.എസ് ഹോംലാന്റ് സെക്യൂരിറ്റിയിലെ 130 ജീവനക്കാര് ഗാസയില് അടിയന്തര വെടിനിര്ത്തല് ആവശ്യപ്പെട്ട് ജോ ബൈഡനെ സമീപിച്ചതായി സി.എന്.എന് ചാനല് റിപ്പോര്ട്ട് ചെയ്തു. ഇസ്രായേല് രഹസ്യാന്വേഷണ വിഭാഗം മേധാവി ഡേവിഡ് ബര്നീ ഖത്തര് പ്രധാനമന്ത്രി മുഹമ്മദ്ബിന് അബ്ദുറഹ്മാന് അല്താനിയുമായി നോര്വേ തലസ്ഥാനമായ ഓസ്ലോയില് കൂടിക്കാഴ്ച നടത്തി.
https://www.facebook.com/Malayalivartha
