റഷ്യന് പ്രസിഡന്റ് തെരഞ്ഞെടുപ്പില് അഞ്ചാം തവണയും വിജയിച്ച് അധികാരം നിലനിര്ത്തി വ്ളാഡിമിര് പുടിന്
റഷ്യന് പ്രസിഡന്റ് തെരഞ്ഞെടുപ്പില് അഞ്ചാം തവണയും വിജയിച്ച് അധികാരം നിലനിര്ത്തി വ്ളാഡിമിര് പുടിന് . 87.97 ശതമാനം വോട്ടുകള് നേടിയാണ് പുടിന്റെ വിജയം. സ്റ്റാലിന് ശേഷം ഏറ്റവും അധികം കാലം റഷ്യയുടെ ഭരണത്തിലിരിക്കുന്ന നേതാവാണ് പുടിന്.
2030 വരെ ആറ് വര്ഷം ഇനി പുടിന് ഭരണം തുടരും. പാശ്ചാത്യ ലോകത്തെ തള്ളി യുക്രൈനെ ആക്രമിക്കുക എന്ന തന്റെ തീരുമാനം ശരിവെക്കുന്നതാണ് ഫലമെന്ന് തെരഞ്ഞെടുപ്പ് ഫലപ്രഖ്യാപനത്തിന് ശേഷമുള്ള വാര്ത്താ സമ്മേളനത്തില് പുടിന് .
കമ്യൂണിസ്റ്റ് സ്ഥാനാര്ഥിയായ നിക്കോളായ് ഖാരിറ്റോനോവ് നാല് ശതമാനം വോട്ടുകള് നേടി രണ്ടാമതെത്തിയപ്പോള് പുതുമുഖം വ്ളാദിസ്ലാവ് മൂന്നാമതും തീവ്ര നാഷണിലിസ്റ്റ് സ്ഥാനാര്ഥി ലിയോനിഡ് സ്ലറ്റ്സ്കി നാലാമതുമെത്തി. തെരഞ്ഞെടുപ്പ് തട്ടിപ്പിന് നിയമസാധുതയില്ലെന്നായിരുന്നു യുക്രൈന് പ്രസിഡന്റ് വ്ളാദിമിര് സെലന്സ്കിയുടെ പ്രതികരണം.
തെരഞ്ഞെടുപ്പ് ഫലം സ്വതന്ത്രവും നീതിയുക്തവുമല്ലെന്ന് യുഎസും യുകെയും പ്രതികരിക്കുകയുണ്ടായി. പുടിന് പ്രസിഡന്റാകുന്നതിനെതിരെ റഷ്യയില് വ്യാപക പ്രതിഷേധങ്ങള് നടന്നിരുന്നു. നൂണ് എഗെയ്ന്സ്റ്റ് പുടിന് എന്ന പേരിലാണ് പ്രതിഷേധം നടന്നത്. റഷ്യയിലെ പോളിങ് സ്റ്റേഷനുകള്ക്ക് മുന്നിലും പ്രതിഷേധങ്ങളുണ്ടായി.രണ്ട് പതിറ്റാണ്ടിലേറെയായി റഷ്യയെ നയിക്കുന്നത് പുടിന് ആണ്.
https://www.facebook.com/Malayalivartha
