അഫ്ഗാനിസ്ഥാനിൽ വീണ്ടും അമേരിക്ക. ലോകരാജ്യങ്ങളിൽ ഞെട്ടലിൽ കാരണം ഒരുകാലത്ത് അഫ്ഗാനിസ്ഥാനിലെ അമേരിക്കയുടെയും നാറ്റോയുടെയും സൈനിക നീക്കങ്ങളുടെ ഹൃദയമിടിപ്പായിരുന്ന ബഗ്രാം വ്യോമതാവളം, ഒരിക്കൽക്കൂടി ആഗോള ശ്രദ്ധയിലേക്ക് വന്നിരിക്കുകയാണ്. അഫ്ഗാനിസ്ഥാനിലെ ബഗ്രാം വ്യോമതാവളത്തിന്റെ നിയന്ത്രണം താലിബാനിൽ നിന്ന് തിരിച്ചുപിടിക്കാൻ അമേരിക്ക പ്രവർത്തിക്കുന്നുണ്ടെന്ന് പ്രസിഡന്റ് ഡൊണാൾഡ് ട്രംപ് അടുത്തിടെ ഒരു അപ്രതീക്ഷിത അവകാശവാദം ഉന്നയിച്ചിരുന്നു,

അഫ്ഗാനിസ്ഥാനിലെ അമേരിക്കൻ സൈനിക പിൻവാങ്ങലിന്റെ ദുരൂഹമായ അധ്യായത്തിന് ശേഷം താലിബാൻ കൈവശപ്പെടുത്തിയ ഈ തന്ത്രപ്രധാനമായ താവളം തിരികെ പിടിക്കുമെന്ന് അമേരിക്കൻ പ്രസിഡന്റ് ഡോണൾഡ്‌ ട്രംപ് പ്രഖ്യാപിച്ചതോടെ, ലോകരാജ്യങ്ങൾക്കിടയിൽ ഒരു പുതിയ ചർച്ചയ്ക്ക് തിരികൊളുത്തി.വെറുമൊരു പ്രസ്താവനയല്ല, മറിച്ച് അമേരിക്കയുടെ ദേശീയ സുരക്ഷയിലും ഭൗമരാഷ്ട്രീയ തന്ത്രങ്ങളിലും ആഴത്തിലുള്ള സ്വാധീനം ചെലുത്താൻ കഴിവുള്ള ഒരു രാഷ്ട്രീയ ബോംബാണ്. അമേരിക്കൻ സൈനിക ശക്തിയുടെ പ്രതീകമായിരുന്ന ഈ താവളം വീണ്ടെടുക്കാനുള്ള ട്രംപിന്റെ ലക്ഷ്യം,

അഫ്ഗാനിസ്ഥാനിലെ യുദ്ധാനന്തര ഭാവിയെക്കുറിച്ചുള്ള ആശങ്കകൾ വർധിപ്പിക്കുന്നു.ലണ്ടനിൽ ബ്രിട്ടീഷ് പ്രധാനമന്ത്രി കെയർ സ്റ്റാർമറിനൊപ്പം നടത്തിയ സംയുക്ത പത്രസമ്മേളനത്തിൽ ട്രംപ് ഈ കാര്യം പറഞ്ഞത്”ഞങ്ങൾ അത് തിരികെ കൊണ്ടുവരാൻ ശ്രമിക്കുകയാണ്.ചൈനയുടെ ആണവായുധ നിർമ്മാണ കേന്ദ്രങ്ങളിൽ നിന്ന് ഒരു മണിക്കൂർ ദൂരത്തിലാണ് ബഗ്രാം.അതിനാൽ ഇവിടെ സുരക്ഷയും നിരീക്ഷണവും സുപ്രധാനമാണ്.”ട്രംപ് വ്യക്തമാക്കി. കൂടാതെ2021-ലെ അമേരിക്കൻ പിൻവാങ്ങലും മുൻ പ്രസിഡന്റ് ജോ ബൈഡന്റെ നടപടി ക്രമങ്ങളും ശക്തമായി ട്രംപ് വിമർശിച്ചിരുന്നു.

പർവാൻ പ്രവിശ്യയിലെ കാബൂളിൽ നിന്ന് വടക്കോട്ട് നീങ്ങി ഏകദേശം 40 കിലോമീറ്റർ ദൂരത്തിൽ സ്ഥിതിചെയ്യുന്ന ബഗ്രാം, 1,492 മീറ്റർ ഉയരത്തിൽ സ്ഥിതി ചെയ്യുന്നതും, മധ്യേഷ്യയുടെയും ദക്ഷിണേഷ്യയുടെയും കടലാസ് പ്രദേശങ്ങളിൽ എത്തുന്ന ഒരു സൈനിക കേന്ദ്രമാണ് ഇത്..ട്രംപിന്റെ പ്രഖ്യാപനത്തോട് ചൈന ശക്തമായി പ്രതികരിച്ചു, പ്രാദേശിക സംഘർഷങ്ങൾ വർദ്ധിപ്പിക്കുന്ന നടപടികൾക്കെതിരെ വിദേശകാര്യ മന്ത്രാലയം മുന്നറിയിപ്പ് നൽകി.ബാഹ്യ സൈനിക ഇടപെടലുകളില്ലാതെ അഫ്ഗാനിസ്ഥാന്റെ ഭാവിയും സുരക്ഷയും അഫ്ഗാൻ ജനതയാണ് തീരുമാനിക്കേണ്ടതെന്ന് ബീജിംഗ് ഉറപ്പിച്ചു പറഞ്ഞു .

ബഗ്രാമിനെ തിരിച്ചുപിടിക്കാനുള്ള ശ്രമങ്ങളെ ഇതിനകം തന്നെ ദുർബലമായ ഒരു മേഖലയിൽ അസ്ഥിരപ്പെടുത്താനുള്ള സാധ്യതയുള്ള ഘടകമായി ചൈനീസ് സർക്കാർ കാണുന്നു, കൂടാതെ ഭൗമരാഷ്ട്രീയ നേട്ടത്തിനായി "പ്രാദേശിക പിരിമുറുക്കം പെരുപ്പിച്ചു കാണിക്കുന്നതിനെതിരെ" മുന്നറിയിപ്പ് നൽകുന്നു.“ചൈന അഫ്ഗാനിസ്ഥാന്റെ പ്രാദേശിക സമഗ്രതയെയും പരമാധികാരത്തെയും ബഹുമാനിക്കുന്നു,” ചൈനീസ് വിദേശകാര്യ മന്ത്രാലയ വക്താവ് ലിൻ ജിയാൻ മാധ്യമങ്ങളോട് പറഞ്ഞു.

“അഫ്ഗാനിസ്ഥാന്റെ ഭാവി അഫ്ഗാൻ ജനതയുടെ കൈകളിലായിരിക്കണം,” ലിൻ പറഞ്ഞു.ട്രംപിന്റെ ആഹ്വാനം അഫ്ഗാനിസ്ഥാൻ നിരസിച്ചു. കാബൂൾ സൈനിക നടപടികളിൽ ഏർപ്പെടാൻ തയ്യാറാണെന്ന് വെള്ളിയാഴ്ച സോഷ്യൽ മീഡിയയിൽ ഒരു വിദേശകാര്യ മന്ത്രാലയ ഉദ്യോഗസ്ഥൻ പ്രഖ്യാപിച്ചു, എന്നാൽ മധ്യേഷ്യൻ രാജ്യത്ത് സൈനിക സാന്നിധ്യം പുനഃസ്ഥാപിക്കാൻ യുഎസിനെ അനുവദിക്കില്ലെന്ന് അദ്ദേഹം വാദിച്ചു.“അഫ്ഗാനിസ്ഥാന്റെ ഏതെങ്കിലും ഭാഗത്ത് യുഎസ് സൈനിക സാന്നിധ്യം നിലനിർത്താതെ തന്നെ അഫ്ഗാനിസ്ഥാനും യുഎസും പരസ്പരം ഇടപെടേണ്ടതുണ്ട്,”

വിദേശകാര്യ മന്ത്രാലയ ഉദ്യോഗസ്ഥനായ സാക്കിർ ജലാൽ സോഷ്യൽ മീഡിയയിൽ പോസ്റ്റ് ചെയ്തു. “പരസ്പര ബഹുമാനത്തിന്റെയും പങ്കിട്ട താൽപ്പര്യങ്ങളുടെയും” അടിസ്ഥാനത്തിൽ വാഷിംഗ്ടണുമായി രാഷ്ട്രീയവും സാമ്പത്തികവുമായ ബന്ധങ്ങൾ തുടരാൻ കാബൂൾ തയ്യാറാണ്, അദ്ദേഹം കൂട്ടിച്ചേർത്തു.