പ്രണയദിനത്തില് വിവാഹ വാര്ത്ത പങ്കുവെച്ച് നടി പാര്വതി വിജയ്
പ്രണയദിനത്തില് വിവാഹ വാര്ത്ത ആരാധകരോട് പങ്കുവെച്ച് സീരിയല് താരവും നടി മൃദുല വിജയ്യുടെ സഹോദരിയുമായ പാര്വതി വിജയ്. വിവാഹനിശ്ചയം കഴിഞ്ഞു എന്ന സന്തോഷവാര്ത്ത ഇന്സ്റ്റഗ്രാമിലൂടെയാണ് പാര്വതി പങ്കുവെച്ചിരിക്കുന്നത്. തന്നെയും മകളേയും സ്നേഹിക്കാന് മനസുള്ള ഒരാളെ പങ്കാളിയായി കണ്ടെത്തിയ സന്തോഷത്തിലാണ് താരം.
പാര്വതിയുടെ പോസ്റ്റിന്റെ പൂര്ണ രൂപം:
''വിവാഹനിശ്ചയം കഴിഞ്ഞു… ഞങ്ങളുടെ രണ്ടാം ജീവിതം കുടുംബത്തിന്റെ അനുഗ്രഹത്തോടെ ആരംഭിക്കുന്നു. ഒരു സിംഗിള് പേരന്റ് എന്ന നിലയില് വീണ്ടും ഒരാളെ വിവാഹം കഴിക്കുന്നത് വളരെ ബുദ്ധിമുട്ടാണ്. പക്ഷേ യാമിയും ഞാനും ഞങ്ങളെ പരിപാലിക്കുന്ന സ്നേഹിക്കാന് മനസുള്ള ഒരു മനോഹരമായ ആത്മാവിനെ കണ്ടെത്തി.
ദൈവത്തിനും എന്റെ കുടുംബത്തിനും ഞങ്ങളോടൊപ്പം നിന്ന എന്റെ സുഹൃത്തുക്കള്ക്കും നന്ദി. എല്ലാ മാധ്യമങ്ങളും ദയവായി എന്റെ സ്വകാര്യ ഇടത്തില് ഇടപെടുന്നത് നിര്ത്തണമെന്ന് ഞാന് അഭ്യര്ഥിക്കുന്നു. ഇതാണ് എന്റെ ജീവിതം… എന്റെ കഥ. ശരിയായ സമയത്ത് അദ്ദേഹത്തെ നിങ്ങള്ക്ക് ഞാന് പരിചയപ്പെടുത്തും.''
സീരിയല് ക്യാമറാമാന് അരുണ് അജയിയെയാണ് താരം ആദ്യം വിവാഹം ചെയ്തത്. ഇരുവരുടേയും പ്രണയ വിവാഹമായിരുന്നു. കുടുംബത്തിന്റെ സമ്മതം ഇല്ലാതിരുന്നതുകൊണ്ട് തന്നെ ഒളിച്ചോടി വിവാഹിതരാവുകയായിരുന്നു. വിവാഹം കഴിഞ്ഞതോടെ സീരിയല് അഭിനയം അവസാനിപ്പിച്ചു. ശേഷം ഇരുവരുടേയും ജീവിതത്തിലേക്ക് മകള് യാമിക എത്തി. മകള്ക്കൊപ്പം വ്ലോഗിങ്ങും മറ്റുമായി അരുണും പാര്വതിയും സജീവമായിരുന്നു. കഴിഞ്ഞ വര്ഷമാണ് ഏവരെയും ഞെട്ടിച്ച് താന് വിവാഹമോചിതയാകുന്നുവെന്ന് പാര്വതി വെളിപ്പെടുത്തുന്നത്.
https://www.facebook.com/Malayalivartha
