ഗാസ സിറ്റിയിലെ തുഫ പരിസരത്തുള്ള ഒരു വീടിന് നേരെ ഇസ്രായേൽ നടത്തിയ വ്യോമാക്രമണത്തിൽ കുറഞ്ഞത് 10 പലസ്തീനികൾ കൊല്ലപ്പെട്ടതായി മെഡിക്കൽ വൃത്തങ്ങൾ അറിയിച്ചതായി അൽ ജസീറ റിപ്പോർട്ട്. ആക്രമണത്തെത്തുടർന്ന് അവശിഷ്ടങ്ങൾക്കിടയിൽ കാണാതായ മറ്റുള്ളവരെ കണ്ടെത്താനുള്ള ശ്രമത്തിലാണ് സിവിൽ ഡിഫൻസ് സംഘങ്ങൾ.

അധിനിവേശ വെസ്റ്റ് ബാങ്കിലെ അൽ-അറൂബ് അഭയാർത്ഥി ക്യാമ്പിൽ നടന്ന ഏറ്റുമുട്ടലിൽ ഇസ്രായേൽ സൈന്യം വെടിയുതിർത്തതിനെ തുടർന്ന് ഒരു പലസ്തീൻ കുട്ടിക്ക് വെടിയേറ്റതായി വഫ വാർത്താ ഏജൻസി റിപ്പോർട്ട് ചെയ്യുന്നു. ഇസ്രായേൽ സൈന്യം കണ്ണീർ വാതക ഷെല്ലുകൾ പ്രയോഗിച്ചു, ഇത് ക്യാമ്പിലെ ഡസൻ കണക്കിന് പലസ്തീനികളെ ബാധിച്ചു.

പുലർച്ചെ മുതൽ ഇസ്രായേൽ സൈന്യത്തിന്റെ ആക്രമണത്തിൽ കുറഞ്ഞത് 38 പലസ്തീനികൾ കൊല്ലപ്പെട്ടതായി ആണ് റിപ്പോർട്ട്, ഇതിൽ ഗാസ സിറ്റിയിൽ മാത്രം 25 പേർ കൊല്ലപ്പെട്ടു. എൻക്ലേവിലെ ഏറ്റവും വലിയ നഗരം പിടിച്ചെടുക്കാനുള്ള പദ്ധതിയുമായി ഇസ്രായേൽ മുന്നോട്ട് പോകുമ്പോൾ, റെസിഡൻഷ്യൽ കെട്ടിടങ്ങൾ നിലംപൊത്തുന്നത് തുടരുന്നു.