ഈജിപ്ത് എയറിന്റെ ആഭ്യന്തര സര്‍വീസ് വിമാനം റാഞ്ചി. പിന്നീട് വിമാനം സൈപ്രസിലെ ലാര്‍ണാക് വിമാനത്താവളത്തില്‍ ഇറക്കി. റാഞ്ചിയുടെ നിര്‍ദേശ പ്രകാരമാണ് പ്രാദേശിക സമയം രാവിലെ 8.45 ന് തെക്കന് സൈപ്രസിലെ ലാര്‍ണാക് വിമാനത്താവളത്തില്‍ ഇറക്കിയത്. 55 യാത്രക്കാരും ഏഴ് ജീവനക്കാരുമാണ് അലക്‌സാണ്ഡ്രിയയില്‍ നിന്ന് കെയ്‌റോയിലേക്ക് പോയ വിമാനത്തിലുള്ളത്. ബല്‍റ്റ് ബോംബ് ധരിച്ചുണ്ടെന്ന് അവകാശപ്പെട്ട ഒരാളാണ് വിമാനം റാഞ്ചിയതെന്ന് ഈജിപ്ത് എയര്‍ വക്താവ് അറിയിച്ചു.
സ്ത്രീകളേയും കുട്ടികളേയും വിട്ടയച്ചതായും വിമാനത്തില്‍ ബോംബുള്ളതായും റിപ്പോര്‍ട്ടുണ്ട്.
എയര്‍ബസ് എ 320 വിഭാഗത്തില്‍പ്പെട്ട എം.എസ് 181 വിമാനമാണ് റാഞ്ചിയത്. പ്രാദേശിക സമയം രാവിലെ 6.30 ന് അലക്‌സാണ്ഡ്രിയയിലെ ബുര്‍ജ് അല്‍ അറബ് വിമാനത്താവളത്തില്‍ നിന്ന് പറന്നുയര്‍ന്ന വിമാനം 7.45നായിരുന്നു കെയ്‌റോയില്‍ ഇറങ്ങേണ്ടിയിരുന്നത്. സൈപ്രസിലെ ലാര്‍ണാകയില്‍ ഇറക്കിയ ഈജിപ്ത് എയര്‍ വിമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha