അഫ്ഗാനിസ്താനിലെ ഗോര്‍ പ്രവിശ്യയില്‍ കുട്ടികളടക്കം 30 പേരെ ഭീകരര്‍ കൊലപ്പെടുത്തി. ഇസ്ലാമിക് സ്‌റ്റേറ്റ് ഭീകരരാണ് ക്രൂരകൃത്യത്തിന് പിന്നിലെന്ന് അഫ്ഗാന്‍ പൊലീസ് അറിയിച്ചു. ഇസ്ലാമിക് സ്‌റ്റേറ്റിനെതിരായ സര്‍ക്കാറിന്റെ നടപടികളില്‍ പ്രതിഷേധിച്ചാണ് കൊലപാതകം എന്നാണ് സൂചന. ചൊവ്വാഴ്ച രാത്രിയോടു കൂടിയാണ് ഐ.എസ് ഈ ക്രൂരകൃത്യം നടപ്പിലാക്കിയത്. എന്നാല്‍ ഐ.എസ് ആക്രമണത്തിന്റെ ഉത്തരവാദിത്തം ഏറ്റെടുത്തിട്ടില്ല.

ചൊവ്വാഴ്ച പ്രദേശവാസികളുടെ സഹായത്തോടുകുടി ഐ.എസിനെതിരെ നടപടികളെടുത്തിരുന്നു. ഇതിന് പ്രതികാരമായാണ് കൊല നടത്തിയതെന്നാണ് സുചനയെന്ന് ഗോര്‍ ഗവര്‍ണര്‍ പറഞ്ഞു. ബുധനാഴ്ച രാവിലെ പ്രദേശവാസികളാണ് 30 മൃതദേഹങ്ങളും കണ്ടെത്തിയത്.

അമേരിക്കന്‍ അധിനിവേശത്തിനു ശേഷം അഫ്ഗാനിസ്താനില്‍ താലിബാന് സ്വാധിനം നഷ്ടപ്പെട്ടിരുന്നു. സംഭവത്തിന് പിന്നില്‍ ഐ.എസ് ഭീകരരാണെങ്കില്‍ താവിബാന്റെ വിടവില്‍ അവര്‍ ശക്തിപ്പെടാനാണ് സാധ്യത.