ബ്രസീലിലെ മനാസില്‍ ജയിലില്‍ തടവുകാര്‍ തമ്മിലുണ്ടായ ഏറ്റുമുട്ടലില്‍ 60 പേര്‍ കൊല്ലപ്പെട്ടു. മയക്കുമരുന്ന് സംഘത്തില്‍പ്പെട്ടവരാണ് ആക്രമണം നടത്തിയത്. നിരവധി തടവുകാര്‍ക്കു പരിക്കേറ്റതായും റിപ്പോര്‍ട്ടുണ്ട്. മരണസംഖ്യ ഉയരാന്‍ സാധ്യതയുണ്ടെന്ന് പോലീസ് അറിയിച്ചു.

മയക്കുമരുന്ന സംഘങ്ങളില്‍പ്പെട്ട തടവുകാര്‍ രണ്ടു വിഭാഗങ്ങളായി ഏറ്റുമുട്ടുകയായിരുന്നു. ഞായാറാഴ്ച രാത്രി മുതല്‍ ജയിലില്‍ സംഘര്‍ഷാവസ്ഥ നിലനിന്നിരുന്നുവെന്നും പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. തടവുകാര്‍ നിറഞ്ഞുകവിഞ്ഞ ജയിലുകളാണ് ബ്രസീല്‍ അധികവുമുള്ളത്. വളരെ മോശമായ സ്ഥിതിയിലാണ് തടവുകാരെ പാര്‍പ്പിച്ചിട്ടുള്ളത്.