യുഎസില് എത്താന് ശേഷിയുള്ള ആണവ മിസൈലുകള് ഉത്തര കൊറിയക്കില്ലെന്ന് ട്രംപ്
അമേരിക്കയുടെ ഭൂപ്രദേശങ്ങളില് എത്താന് ശേഷിയുള്ള ആണവ മിസൈല് ഉത്തര കൊറിയ വികസിപ്പിക്കില്ലെന്നു നിയുക്ത അമേരിക്കന് പ്രസിഡന്റ് ഡോണള്ഡ് ട്രംപ്. ട്വിറ്റര് സന്ദേശത്തിലാണ് ഉത്തര കൊറിയയ്ക്കെതിരെ ട്രംപ് ആഞ്ഞടിച്ചത്. യുഎസില് എത്തിച്ചേരാന് ശേഷിയുള്ള ദീര്ഘദൂര ബാലസ്റ്റിക് മിസൈല് പരീക്ഷണത്തിന്റെ അവസാന ഘട്ടത്തിലാണ് തങ്ങളെന്നാണ് ഉത്തര കൊറിയയുടെ അവകാശവാദം. എന്നാല് ഇത് സംഭവിക്കില്ലെന്നും ട്രംപ് പറഞ്ഞു.
ആണവ പരീക്ഷണത്തിലൂടെ രാജ്യത്തിന്റെ സൈനിക ശക്തിയും ആണവ ശക്തിയും പതിന്മടങ്ങ് വര്ധിച്ചിരിക്കുകയാണെന്നും ഇനി പ്രധാനമായും ഊന്നല് നല്കുക ആണവ ആയുധങ്ങള്ക്കാവുമെന്നും കിം ജോംഗ് ഉന് വ്യക്തമാക്കിയിരുന്നു.
അത്യാധുനിക ആയുധങ്ങളുടെ ഗവേഷണത്തിലാണു തങ്ങളുടെ രാജ്യമെന്നും പുതിയ ദീര്ഘദൂര മിസൈലിന്റെ അവസാനഘട്ടത്തില് എത്തിയതായും പുതുവത്സര സന്ദേശത്തില് ഉത്തര കൊറിയന് പ്രസിഡന്റ് കിംജോംഗ് ഉന് പറഞ്ഞിരുന്നു.
https://www.facebook.com/Malayalivartha
