ജറുസലേമില്‍ ജനങ്ങള്‍ക്കിടയിലേക്ക് ട്രക്ക് പാഞ്ഞുകയറി മൂന്ന് പേര്‍ മരിച്ചു. 15 പേര്‍ക്ക് പരിക്കേറ്റു. തീവ്രവാദി ആക്രമണമാണെന്നാണ് പോലീസിന്റെ പ്രാഥമിക നിഗമമനം.

ജറുസലേമിലെ പഴയ നഗരത്തിലാണ് സംഭവം. നഗരത്തിലെ ഒരുപറ്റം സൈനികര്‍ക്ക് നേരെ ട്രക്ക് ഓടിച്ചുകയറ്റുകയായിരുന്നു. ഒരു ബസില്‍ നിന്നും ഇറങ്ങുകയായിരുന്നു സൈനികരെന്ന് പോലീസ് വക്താവ് ലൂബാ സാംറി അറിയിച്ചു. ട്രക്ക് ഡ്രൈവര്‍ക്ക് വെടിയേറ്റിട്ടുണ്ടെന്ന് ഇസ്രയേലി റേഡിയോ റിപ്പോര്‍ട്ട് ചെയ്തു. പരിക്കേറ്റ 15 പേരില്‍ രണ്ട് പേരുടെയെങ്കിലും നില ഗുരുതരമാണെന്ന് മേഗണ്‍ ഡേവിഡ് ആംബുലന്‍സ് സര്‍വീസ് അറിയിച്ചു.