എന്തു ചെയ്യുന്നതിനും മടിയില്ലാത്ത ആളുകളുടെ എണ്ണം ഓരോ ദിവസവും കൂടി വരികയാണ്. മദ്യത്തിന്റെയും മയക്കുമരുന്നിന്റേയും അമിതോപയോഗം മനുഷ്യരെ മനസ്സാക്ഷി മരവിച്ച നിലയില്‍ ആക്കിത്തീര്‍ത്തിരിക്കുന്നതിന്റെ ഏറ്റവും ഒടുവിലത്തെ ഉദാഹരണമാണ് ഇംഗ്ലണ്ടിലെ സ്ട്രാറ്റ്‌ഫോര്‍ഡ്- അപണ്‍ - അവണില്‍ നടന്നത്.

21 കാരന്‍ ജാക്ക് വില്യമിനേയും 23 കാരന്‍ കെയ്‌ലേ വുഡ്‌സിനേയും പോലീസ് അറസ്റ്റു ചെയ്തത് ഇന്നലെയാണ്, 20 കാരിയായ ബെതനി ബില്ലിനെ കൊല ചെയ്തതിനാണ് അവരെ അറസ്റ്റു ചെയ്തത്
എന്നാല്‍ കൊലപാതകം നടത്താന്‍ അവര്‍ തീരുമാനിച്ചതിന്റെ കാരണമാണ് ആരിലും നടുക്കം ഉണ്ടാക്കുന്നത്.
വില്യംസും ബെതനി ഹില്‍ഡും തമ്മില്‍ കുറേക്കാലമായി സൗഹൃദത്തിലായിരുന്നു. അവര്‍ക്കിടയില്‍ ലൈംഗികബന്ധവും ഉണ്ടായിരുന്നു. എന്നാല്‍ അല്പ ദിവസങ്ങള്‍ക്കു മുമ്പ് അവര്‍ തങ്ങളില്‍ പിരിയുകയും അവര്‍ക്കിടയിലുള്ള ലൈംഗിക ബന്ധം ഇല്ലാതാക്കുകയും ചെയ്തു.

ഇതേ തുടര്‍ന്ന് ട്രാന്‍സ്‌ജെന്‍ഡറായ വുഡ്‌സുമായി വില്യംസ് ബന്ധം സ്ഥാപിച്ചു. ഇവര്‍ മൂവരും ഒരേ വീട്ടില്‍ തന്നെ കഴിയുന്നവരാണ്. രണ്ടു ദിവസം മുമ്പ് ഒരു രാത്രിയില്‍ വില്യംസും വുഡ്‌സും ചേര്‍ന്ന് ബെതനി ഹില്‍സിന്റെ കൈകാലുകള്‍ കൂട്ടിക്കെട്ടിയിട്ട് അവളുടെ കഴുത്തു തുളയ്ക്കുകയായിരുന്നു. അവള്‍ പിടഞ്ഞു മരിക്കുന്നതു കാണാനും അപ്രകാരം ലൈംഗിക ഉത്തേജനം നേടുവാനുമാണ് സാഡിസ്റ്റുകളായ ഇരുവരും തങ്ങളോടൊപ്പം ഒരേ വീട്ടില്‍ കഴിഞ്ഞിരുന്ന ബെതനിയെ കൊലപ്പെടുത്തിയതത്രേ.

ഹേര്‍ട്ട് ഫോര്‍ട്ട് റോഡിലുള്ള അവരുടെ വീട്ടില്‍ നിന്നും അട്ടഹാസവും ബഹളവുമൊക്കെ കേട്ടതിനെ തുടര്‍ന്ന് അയല്‍ക്കാരനാണ് പോലീസിനെ വിളിച്ചത് പോലീസെത്തിയപ്പോള്‍ ബാത്ത്‌റൂമിനുള്ളില്‍ രക്തത്തില്‍ മുങ്ങി മരിച്ചു കിടക്കുന്ന ബെതനിയുടെ ശരീരമാണ് കണ്ടത്. ബെതനി ആത്മഹത്യ ചെയ്തതാണെന്നായിരുന്നു ഇരുവരും പോലീസിനോടു പറഞ്ഞത്.