കഴിഞ്ഞവര്‍ഷം ഏറ്റവുമധികം ആളുകള്‍ ഉപയോഗിച്ച പാസ്‌വേഡ് 123456 ആയിരുന്നുവെന്ന് ഗവേഷകര്‍.ഓണ്‍ലൈന്‍ തട്ടിപ്പുകള്‍ വ്യാപകമാകുന്ന ഈ കാലത്താണ് ആളുകള്‍ എളുപ്പത്തില്‍ മനസിലാക്കുന്ന വാക്കുകള്‍ പാസ് വേര്‍ഡുകളായി തെരഞ്ഞെടുത്തത്. യുഎസ് ആസ്ഥാനമായ കീപ്പര്‍ സെക്യൂരിറ്റി എന്ന സ്ഥാപനമാണ് വിവരങ്ങള്‍ പുറത്ത് വിട്ടിരിക്കുന്നത്. തട്ടിപ്പുകളിലൂടെ പരസ്യമായ ഒരു കോടിയോളം രഹസ്യ കോഡുകള്‍ അപഗ്രഥിച്ച് നടത്തിയ പഠനത്തിലാണ് ഗവേഷകര്‍ ഇക്കാര്യം കണ്ടെത്തിയത്.
മറ്റൊരു പാസ്‌വേഡ് 123456789 ആയിരുന്നു. കൂടുതല്‍പേര്‍ ഉപയോഗിക്കുന്ന ആദ്യത്തെ 10 പാസ്‌വേഡുകളില്‍ 12345678, 111111,123123, 987654321 എന്നിവയെല്ലാം വരുന്നു. ഇത്രയും സാധാരണമായ പാസ്‌വേഡുകള്‍ ഉപയോഗിക്കുന്നതുകൊണ്ട് ഹാക്കര്‍മാര്‍ക്കു സെക്കന്‍ഡുകള്‍ക്കുള്ളില്‍ ഇ മെയിലുകളിലൂടെ മറ്റുള്ളവരുടെ രഹസ്യങ്ങളിലേക്കു കടന്നുകയറാന്‍ കഴിയുമെന്നു യുഎസ് ആസ്ഥാനമായുള്ള പാസ്‌വേഡ് മാനേജ്‌മെന്റ് കമ്പനിയായ കീപ്പര്‍ സെക്യൂരിറ്റി അറിയിച്ചു.

ഇന്റര്‍നെറ്റിലെ അടിസ്ഥാനമായ സുരക്ഷാ കരുതലായ പാസ് വേര്‍ഡുകള്‍ ലളിതമാക്കുന്നത് ഓണ്‍ലൈന്‍ തട്ടിപ്പുകള്‍ വര്‍ധിക്കാന്‍ പ്രേരകമാകുമെന്നാണ് വിലയിരുത്തല്‍.