ഒബാമ വൈറ്റ് ഹൗസിന് പടിയിറങ്ങുന്നതിന് തൊട്ടുമുമ്പ് മോഡിയെയും ഞെട്ടിച്ച് ആ ഫോണ്‍ കോള്‍ എത്തി. സൗഹൃദം പുതുക്കല്‍ ഒപ്പം നന്ദി പറച്ചിലും. ഉഭയകക്ഷി ബന്ധം ശക്തിപ്പെടുത്തുന്നതിനും സാമ്പത്തിക സുരക്ഷാ മേഖലകളിലെ പങ്കാളിത്തം വിപുലമാക്കുന്നതിനും ഇന്ത്യാ സര്‍ക്കാര്‍ നല്‍കിയ പിന്തുണയ്ക്കാണ് ഒബാമ നന്ദി പ്രകടിപ്പിച്ചത്.
2015ലെ ഇന്ത്യയുടെ റിപ്പബ്ലിക് ദിനാഘോഷത്തില്‍ പങ്കെടുത്തതും ഒബാമ അനുസ്മരിച്ചു. ഒബാമയുടെ ഭാവി സംരംഭങ്ങള്‍ക്കു മോദിയും ആശംസകള്‍ അറിയിച്ചു. 25 മാസത്തിനിടെ ഇരുവരും ഒന്‍പതു തവണ കൂടിക്കാഴ്ച നടത്തി. ലോകം മുഴുവന്‍ സഞ്ചരിച്ചു എന്ന ആക്ഷേപം നിലനില്‍ക്കുമ്പോഴും വിദേശ രാഷ്ട്രത്തലവന്‍മാരുമായി നല്ലൊരു ബന്ധമുണ്ടാക്കാന്‍ മോദിക്കു കഴിഞ്ഞു.