ബ്രിട്ടിഷ് എയര്വെയ്സ് സര്വീസ് മുടങ്ങി; പട്ടിണി കിടന്നും തറയില് ഉറങ്ങിയും യാത്രക്കാര്
29 MAY 2017 08:55 AM IST
മലയാളി വാര്ത്ത
ശനിയാഴ്ച ഉച്ചയോടെയാണ് ബ്രിട്ടിഷ് എയര്വേസിന്റെ കംപ്യൂട്ടര് ശൃംഖല അപ്പാടെ തകാരാറിലാത്. ഇതോടെ ലണ്ടനില്നിന്നുള്ള ബ്രിട്ടീഷ് എയര്വേസ് വിമാനങ്ങള് എല്ലാം സര്വീസ് നിര്ത്തി. വിമാനത്താവളത്തിലേക്ക് പുറപ്പെടുംമുമ്പ് വിമാനത്തിന്റെ സമയക്രമം ഉറപ്പുവരുത്തണമെന്നു മാത്രമാണ് എയര്ലൈന്സ് അധികൃതര് അറിയിപ്പു നല്കുന്നത്. എന്നാല് ഇത്തരം വിവരങ്ങള് വെബ്സൈറ്റില് ലഭ്യമല്ലാത്തതിനാല് ആളുകള് നേരിട്ട് വിമാനത്താവളത്തില് എത്തുന്ന സ്ഥിതിയാണുള്ളത്. കംപ്യൂട്ടര് ശൃംഖല തകരാറിലായതോടെ വെബ്സൈറ്റിന്റെയും കോള്സെന്ററുകളുടെയും പ്രവര്ത്തനവും തകരാറിലായിരുന്നു. അസൗകര്യങ്ങള്ക്ക് യാത്രക്കാരോടു ക്ഷമ ചോദിച്ച എയലൈന്സ് ചീഫ് എക്സിക്യൂട്ടീവ് അലക്സ് ക്രൂസ് സര്വീസുകള് സാധാരണനിലയിലാക്കാന് ജീവനക്കാര് കഠിനശ്രമം തുടരുകയാണെന്നും വാര്ത്താക്കുറിപ്പില് അറിയിച്ചു. ദുരിതങ്ങളുടെ വിവരണങ്ങള് ചിത്രങ്ങള് സഹിതം യാത്രക്കാര് സമൂഹമാധ്യമങ്ങളില് പോസ്റ്റുചെയ്യുന്നുണ്ട്. കഴിഞ്ഞയാഴ്ചയുണ്ടായ എന്എച്ച്എസിലെ കംപ്യൂട്ടര് വൈറസ് ആക്രണത്തിനു പിന്നാലെയാണ് ശനിയാഴ്ച ബ്രിട്ടിഷ് എയര്വേസിന്റെ കംപ്യൂട്ടര് ശൃംഖല അപ്പാടെ നിശ്ചലമായത്. ബ്രിട്ടണില് ഈയാഴ്ച ബാങ്ക് ഹോളിഡേ വാരാന്ത്യവും സ്കൂള് അവധിക്കാലവുമായതിനാല് യാത്രക്കാരുടെ എണ്ണം വളരെ കൂടുതലായിരുന്നു. കുട്ടികളോടൊപ്പം വിനോദയാത്രയ്ക്കും മറ്റും എത്തിയ യാത്രക്കാര് അക്ഷരാര്ഥത്തില് നരകയാതന അനുഭവിച്ചു.
ആയിരക്കണക്കിനാളുകളുടെ അവധിക്കാല സ്വപ്നങ്ങളാണ് കംപ്യൂട്ടര് തകരാറില് തകര്ന്നടിഞ്ഞത്. ഇതിനിടെ എന്എച്ച്എസില് സംഭവിച്ചതുപോലുള്ള സൈബര് ആക്രണമാണ് നടന്നതെന്ന് പ്രചാരണം ഉണ്ടായെങ്കിലും ഇതു സ്ഥിരീകരിക്കുന്നതിനുള്ള തെളിവുകളൊന്നും ലഭിച്ചിട്ടില്ലെന്നാണ് അധികൃതരുടെ വിശദീകരണം. സിസ്റ്റത്തിന്റെ പവര് സപ്ലൈയിലെ തകരാറാണ് പ്രശ്നങ്ങള്ക്ക് കാരണമെന്നാണ് അധികൃതര് വിശദീകരിക്കുന്നത്. അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
