അന്താരാഷ്ട്ര ഭീകരരുടെ പട്ടികയില്‍ കര്‍ണാടക സ്വദേശിയും; ഇയാള്‍ ഇന്ത്യക്കെതിരെ ആക്രമണം നടത്തുവാനും പദ്ധതിയിടുന്നുണ്ട്; ഇന്ത്യ നേരത്തെതന്നെ ഇയാളെ ഭീകരനായി പ്രഖ്യാപിച്ചിരുന്നു
ഇസ്ലാമിക് സ്‌റ്റേറ്റ് ഭീകരന്‍ മുഹമ്മദ്ദ് ഷാഫി അര്‍മാറിനെ അന്താരാഷ്ട്ര ഭീകരനായി പ്രഘ്യാപിച്ചു. ഇന്ത്യക്കെതിരെ ആക്രമണം നടത്തുവാന്‍ പദ്ധതിയിടുന്ന കര്‍ണാടക സ്വദാശിയായ അര്‍മാറിനെ അമേരിക്കയാണ് അന്താരാഷ്ട്ര ഭീകരരുടെ പട്ടികയില്‍ ഉള്‍പ്പെടുത്തിയത്. ദേശീയ അന്വേഷണ ഏജന്‍സി ഇയാളെക്കുറിച്ചുള്ള വിവരങ്ങള്‍ പുറത്തുവിട്ടതി നെതുടര്‍ന്ന് ഇന്ത്യ ഇയാളെ ഭീകരനായി പ്രഖ്യാപിച്ചിരുന്നു.
ഐഎസ് തലവന്‍ അബു ബക്കര്‍ അല്‍ ബാഗ്ദാദിയും മറ്റ് ഐഎസ് നേതാക്കളുമായി ഇയാള്‍ വളരെ അടുത്ത ബന്ധം കാത്തുസൂക്ഷിച്ചിരുന്നു. ഇയാളെ അന്താരാഷ്ട്ര ഭീകരനാക്കി പ്രഖ്യാപിക്കണമെന്ന ആവശ്യവുമായി ഇന്ത്യ പലതവണ അന്താരാഷ്ട്ര തലത്തില്‍ സമ്മര്‍ദ്ദം ചെലുത്തിയിരുന്നു. ഇയാളുടെ തലയ്ക്ക് 10 ലക്ഷം രൂപയാണ് വിലയിട്ടിരുന്നത്.
അന്താരാഷ്ട്ര ഭീകരനായി പ്രഖ്യാപിച്ചു കഴിഞ്ഞാല്‍ ഇയാളുമായി യാതൊരു തരത്തിലുള്ള വ്യവഹാരങ്ങളും നടത്താന്‍ പാടില്ലെന്നാണ് നിയമം. പടിഞ്ഞാറന്‍ കര്‍ണാടകത്തിലെ ഭത്കലിലാണ് ഇയാള്‍ ജനിച്ചത്. കടുത്ത മതമൗലീക വാദികളായാണ് ഇവര്‍ വളര്‍ന്നത്. ഇതേത്തുടര്‍ന്ന് ഷാഫിയെ ലഖ്‌നൗലെ ഉല്‍മ സെമിനാരിയില്‍ സ്‌കൂള്‍ പഠനവും പൂര്‍ത്തിയാക്കിയിട്ടുണ്ട്. ഇതിന് ശേഷമാണ് ഇയാള്‍ ഐഎസില്‍ ചേര്‍ന്ന് പ്രവര്‍ത്തനങ്ങള്‍ ആരംഭിച്ചത്.
ഇന്ത്യയില്‍ ഐഎസിന്റെ വിവിധ ശാഘകള്‍ ആരംഭിച്ചു. അതിലേക്ക് ഇയാള്‍ അമ്പതിലധികം ഇന്ത്യന്‍ പൗരന്മാരെ തിരഞ്ഞെടുക്കുകയും ചെയ്യ്തിരുന്നു. നേരത്തെ എന്‍ഐഎ ഭീകരര്‍ക്കായി നടത്തിയ തിരച്ചിലില്‍ നിന്നുമാണ് ഇയാളെക്കുറിച്ചുള്ള കൂടുതല്‍ വിവരങ്ങള്‍ പുറത്തുവന്നത്.
https://www.facebook.com/Malayalivartha
