മോഡി അനുകൂല പ്രസ്ഥാവന നടത്തി കോണ്‍ഗ്രസ് നേതാക്കളുടെ വെറുപ്പ് നേടിയ ശശി തരൂരിന് വീണ്ടും പണി വരുന്നു. തരൂരിനെതിരെ കേരളത്തിലെ മൊത്തം കോണ്‍ഗ്രസുകാര്‍ക്കുള്ള അഭിപ്രായം കൈപിസിസി ഹൈക്കമാന്‍ഡിനെ അറിയിക്കാന്‍ തീരുമാനിച്ചു. എഐസിസി വക്താവും എംപിയുമായ തരൂരിനെതിരെ സ്വാകരിക്കേണ്ട നടപടിയെക്കുറിച്ച് ചര്‍ച്ച ചെയ്യാന്‍ ചേര്‍ന്ന കെപിസിസി നേതൃയോഗത്തിന്റേതാണ് തീരുമാനം.
ഇന്നു രാവിലെ കെപിസിസി ആസ്ഥാനത്ത് വി.എം.സുധീരന്റെ അധ്യക്ഷതയിലാണ് യോഗം ചേര്‍ന്നത്. മുഖ്യമന്ത്രി ഉമ്മന്‍ചാണ്ടി, ആഭ്യന്തരമന്ത്രി രമേശ് ചെന്നിത്തല എന്നിവര്‍ പങ്കെടുത്തു. നിരന്തരം തരൂര്‍ നടത്തുന്ന മോഡി അനുകൂല പ്രസ്താവനകള്‍ അതിരു വിട്ടതാണെന്നും കോണ്‍ഗ്രസ് എംപിയും എഐസിസി വക്താവുമായ തരൂരിന്റെ പദവിക്ക് നിരക്കാത്തതാണ് ഇതെന്നും നേതാക്കള്‍ അഭിപ്രായപ്പെട്ടു.
തരൂരിനെ ശക്തമായി താക്കീത് ചെയ്യണമെന്നും തരൂരിന് കാരണം കാണിക്കല്‍ നോട്ടീസ് നല്‍കണമെന്നും ഭൂരിഭാഗം നേതാക്കളും യോഗത്തില്‍ ആവശ്യപ്പെട്ടു. തരൂരിനെ എഐസിസി വക്താവ് സ്ഥാനത്ത് നിന്നും നീക്കണമെന്നും യോഗത്തില്‍ ആവശ്യമുയര്‍ന്നു. തരൂരിനെതിരെ ശക്തമായ നടപടി ശിപാര്‍ശ ചെയ്ത് കൊണ്ട് കെപിസിസി ഹൈക്കമാന്‍ഡിന് റിപ്പോര്‍ട്ട് നല്‍കണമെന്ന ആവശ്യത്തെ തുടര്‍ന്ന് ഈ വിഷയത്തില്‍ ഹൈക്കമാന്‍ഡിന് റിപ്പോര്‍ട്ട് നല്‍കാന്‍ തീരുമാനിച്ചു.
തരൂരിനെതിരെ ശക്തമായ നടപടി ഹൈക്കമാന്‍ഡിന്റെ ഭാഗത്ത് നിന്നുണ്ടാകുമെന്ന് പ്രതീക്ഷിക്കുന്നതായി കെപിസിസി പ്രസിഡന്റ് വി.എം.സുധീരന്‍ പറഞ്ഞു.
സച്ഛ് ഭാരത് അഭിയാനില്‍ മോഡിയുടെ വെല്ലുവിളി സ്വീകരിച്ച് തരൂര്‍ ട്വിറ്റര്‍ പോസ്റ്റ് ഇട്ടതും മോഡിയെ അനുകൂലിച്ച് പ്രസ്ഥാവന നടത്തുകയും ചെയ്തതാണ് കോണ്‍ഗ്ര്‌സ് നേതാക്കളെ ചൊടിപ്പിച്ചത്.
മോഡി പ്രശംസ അവസാനിപ്പിക്കണമെന്ന് എം.എം. ഹസന്‍,വി.ഡി. സതീശന്‍, എം.ലിജു തുടങ്ങിയവര്‍ തരൂരിനെതിരെ പരസ്യമായി രംഗത്തു വന്നിരുന്നു. തരൂര്‍ ബിജെപിയുടെ കെണിയില്‍ വീഴുകയായിരുന്നുവെന്നാണ് കെപിസിസി പ്രസിഡന്റ് വി.എം. സുധീരന്റെ അഭിപ്രായം. തരൂരിന്റെ നടപടി അപലപനീയമാണെന്ന് ആഭ്യന്തരമന്ത്രി രമേശ് ചെന്നിത്തലയും അഭിപ്രായപ്പെട്ടിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha